1तिमोथि 6:11 - Dhimal NT

¹¹ कालाउ तिमोथि नाअ् परमेस्वरको जन इदोइ गोताङ मारेम्का काथागेलाइसो फारापा हिसु, कालाउ आसल कामता, भक्तिता, खाङधुरिता, प्रेम धर्यता कालाउ मोनोइ जेङका काथाता ताइको मन लागाइ।

धिमाल

¹¹ कालाउबुङ ना परमेस्‍वरको चाकर, इदोइ गोताङ मारेम्‍का काथागेलाइसो फारापाङ हि। ना परमेस्‍वरको आगा उचित ठर्‍हाइन्‍हाका काथाता, चाकरता, खान्‍धुरता, दायाता, धिरताता, नोइका जेङका काथाता ताइको मन लागाइ।

1तिमोथि 6:11 Iomraidhean Croise

रोमि 14:19

ओदोङ भाअ्सिङ केलाइ ओदोङ कामगेलाइ पाइने जाइहोइ चाहि सान्ति चुमाखे, कालाउ एमिसो-भेनेङहेङ खाङधुरिता बल्लियाका बानाइखे।

1 कोरिन्थि 10:14

ओदोङ भाअ्सिङ काङको आनाउ सानाइतिगेलाइ, मुर्ति पुजागेलाइसो हेन्जाङ दुरे हिसु।

1 कोरिन्थि 14:1

एमिसो भेनेङहेङ प्रेम पालि जेलाउ बुङ कोसिस पासु, कालाउ आत्मिक बरदानगेलाइ निङका बार्का इच्छा ताअ्सु, खास पातेङ आगमबानि पालिको भाअ्सिङ।

1 कोरिन्थि 6:18

कासिबिरिसो दुरे दोङ हिसु, आरु हिसिकालाउ बुङ पाप द्‍याङ पाखे, इङको जिउसो बाहार दोङ पाखे, कालाउ कासिबिरि पाका ताइकोङ जिउको बिरोधता पाप पाखे।

1तिमोथि 1:14

कालाउ केलाइको प्रभु कासेहेङ वाको आसिम आनुग्रह लागातार तिङपाहि। वा दोङ कासेहेङ वा ह्रुता खाङधुरि पाका बानाइहि, कालाउ आरुहेङ प्रेम पालि धिरपाहि, हाइपालिपानु का येसु ख्रिस्ट दोफा ए जेङतेङ हिघाखा।

1तिमोथि 4:12

इसिका ब्याभार पाअ्‌ कि, हासु बुङ नाअ् धाना हिना दोअ्तेङ हेला मापाको कालाउ नाङको आदार पाअ्को। कालाउ खान्धुराइगेलाइको आगाता बोलिचालि, बानिबेहुरा कालाउ प्रेमता कालाउ ख्रिस्टको खाङधुरिता, कालाउ सुद्दता जिबन जियाइतेङ नाअ् एनोङ नमुना जेङ।

1तिमोथि 5:10

गोताङ वा आसल काम पाका, चान-चामिन्दिगेलाइहेङ रेम्फा पोसेका, बान्सालाइहेङ ताइको साअ्ता सेवा सात्कार पाका, प्रभुको दासगेलाइको सेवा पाका, दुख परिकालाइहेङ साघाइका, कालाउ इसिकाङ ताइको जिबनता आसल काम पाका हिलि गोइखे।

1तिमोथि 6:20

तिमोथि, परमेस्वर नासेहेङ जेदोङ सुम्पिका हि, इङको रेम्फासो पाअ्‌। कालाउ हेथेते द्‍याङगेलाइ सुमिङको ब्यर्थको काथा जाइहेङ इम्बालाइ “ग्यान” दोअ्खे, इन्सिका धाताइका काथागेलाइसो फारापा हिसु।

2 तिमोथि 2:21

एन्साङ पातेङ जेदोङ खान्धुराइ ताइमिहेङ मारेम्का कामगेलाइसो खेङखे, इङको एनोङ जाङका भान्डा भाइका जेनावा जेदोङ बिसेस कामको भाअ्सिङ चालाइखे। कालाउ जाइको जिबन सुद्द जेनावा वाको गिह्रि वासेहेङ आसल कामता लागाइलि द्वावा।

2 तिमोथि 2:22

तिमोथि नाअ् धाना द्‍याङगेलाइ पालि इच्छा पाका मारेम्का कामगेलाइसो दुरे हिसु, कालाउ सुद्द ह्रदयसो प्रभुको आराधाना पाकालाइ दोफा आसल काम, खाङधुरि, प्रेम, कालाउ सान्तिहेङ पिताइसु।

2 तिमोथि 3:10

कालाउ तिमोथि नाअ् गि, कि का हाइ धिरपाखा, कालाउ का हेसा जिबन जियाइखा, काङको योजाना हाइ हि, कालाउ का हाइ खाङधुरि पाखा। कालाउ नासेहेङ थाहा दोङ हि, का गोताङ खालको द्‍याङगेलाइ दोफा धर्यता कालाउ मायारु ब्यभार पाका हिघा, कालाउ कस्टगेलाइ बुङ सहिका हिघा।

2 तिमोथि 3:17

कालाउकि परमेस्वरको जनगेलाइ गोताङ खाल्को आसल काम पालि तियार कालाउ सक्स्यम जेङलि द्वाको दोअ्तेङ इदोइ धर्मसास्तर पिका हि।

हिब्रु 12:14

झाराङ द्‍याङगेलाइ दोफा सान्तिता हिलि कालाउ पबित्तरो जिबन जियाइतेङ हिका कोसिस पासु, पबित्तरो बिना हिदोइ बुङ द्‍याङगेलाइ प्रभुहेङ तिङलि माद्वावा।

1पतरुस 3:11

वा खाराका काम पालि लाअ्लि गोयाङ। भरु वा जेदोङ आसल हि इङको काम पालि गोइखे। आरु दोफा सान्तिता हिलिको भाअ्सिङ थाङका परिस्रोम पासु।