1तिमोथि 5:9 - Dhimal NT

⁹ सुम कुरि बासार ह्रुताको के सिका बेबाल, जाइको एखे खेनिङ बिहु जेङका हिघाखे, कालाउ ताइको के दोफा खाङधुरि योग्य हिघाहि वासेहेङ खिनिङ के सिका बेबालको सुचिता ताअ्सु।

धिमाल

⁹ सुमकुरि बाअ्‌सार बोइसा माजेङका बेबालहेङ रान्‍दि बहिता इङकोको मिङ दारता मापासु। इङकोता बुङ इङको एलोङ खिनिङ वाबालदोफा बिहु पाका हिलिगोयाङ।

1तिमोथि 5:9 Iomraidhean Croise

1तिमोथि 3:12

मन्डलिहेङ साघाइकालाइ ताइको बे दोफा खाङधुरि योग्य हिलि गोइखे। कालाउ ताइको चान-चामिन्दिगेलाइ कालाउ जाहानगेलाइहेङ रेम्फासो सामाराइलि दोका हिलि गोइखे।

1तिमोथि 3:2

ओदोङ भाअ्सिङ इदोइ आव्यस्यक हि, कि आगुवागेलाइ चाहि दुसिका मान्थुका हिलि गोइखे। वाको एमि खिनिङ बे ह्याको। ताइमिहेङ काबुता ताअ्लि दोका, साम्मान निङका, समझदार, कालाउ ताइको साअ्ता लोकालाइहेङ सेवा सात्कार पाका कालाउ परमेस्वरको बचन रेम्फासो धिरपाका द्‍याङ हिलि गोइखे।

1तिमोथि 5:11

कालाउ म्हुइका उमेरको के सिकालाइको मिङ चाहि के सिका बेबालको सुचिता मालेखेसु, हाइपालिपानु जेलाउ इम्बालाइको जिउको इच्छा ख्रिस्टको सेवा पाका इच्छा खान्तेङ हेन्जा हिखे, इम्बालाइ ख्रिस्टको कामहेङ लाअ्तेङ आरोङ बिहु पालि इच्छा पाखे।

1तिमोथि 5:14

ओदोङ भाअ्सिङ का साल्लाहा पिखा, कि म्हुइका उमेरको के सिकालाइ बिहु पाको, चान-चामिन्दिगेलाइ जोलोम पाको, ताइको साअ् सामाराइयाको, कालाउ बिरोधिगेलाइ इम्बालाइको बादनाम पाका मौका मानिनाङ।

1तिमोथि 5:16

जेसापा हिदोइ बुङ खान्धुराइ बेबालको जाहानता के सिका हि पानु वा इम्बालाइहेङ साघाइयाको। कालाउ वा खान्धुराइगेलाइहेङ कालाउ के सिकालाइहेङ साघाइयाङ कि दोअ्तेङ आस मापाको। कालाउकि मन्डलिको खान्धुराइगेलाइ आरु के सिकालाइहेङ साघाइयाको जाइहेङ साघाइका हासु बुङ मान्थु।