1तिमोथि 5:3 - Dhimal NT

³ जाइ जातिङको के सिका बेबाल हि, कालाउ वासेहेङ सामाराइका हासु बुङ मान्थुनु इम्बालाइहेङ आदार सोङ साघाइसु।

धिमाल

³ ताइको हासु मान्‍थुका रान्‍दिगेलाइहेङ खाङकाखुङका पा।

1तिमोथि 5:3 Iomraidhean Croise

मत्‍ति 15:6

एसा दोङ नेलाइ व्यवस्थाको भाअ्सिङ परमेस्वरको आदेसहेङ एपाहा खेङसुखेना।

मत्‍ति 23:13

“ओइ कपटिगेलाइ मोसाको व्यवस्था धिरपाका द्‍याङगेलाइ कालाउ फारिसिगेलाइ! नेलाइको भाअ्सिङ हेथे थिलि गोइका हि! परमेस्वर नेलाइहेङ हेन्जा साजाइ प्याङ, हाइपालिपानु नेलाइ दोङ द्‍याङगेलाइहेङ परमेस्वरको सासनता दुल्लि आनुमति मापिसुखेना। नेलाइ ताइमि बुङ मादुल्सुखेना कालाउ दुल्लि खाङकालाइहेङ बुङ दुल्लि मापिसुखेना।”

लुका 2:37

एला वा द्‍या कुरि द्‍या बासारको हिघाहि, वा मुन्दिरता हिलि मालाअ्घाखे भरु बारिखे कालाउ प्रार्थाना पातेङ झेम्पाङ लिपाङ आराधाना पाघाखे।

लुका 7:12

जेलाउ येसु सहरको फिनु भेरपा थुकाहि, वा सिका द्‍याङको चानचाउलिहेङ चुम्पुकाताङ पाका तिङहि। उङको सिका वाजान चाहि एमि के सिका बेबालको एमि खिनिङ चान हिघाहि, उङको बेबाल दोफा मालामि हानिकालाइ सहरको हेन्जा द्‍याङगेलाइ हिघाहि।

युहन्‍ना 1:47

येसु नाथानेलहेङ ताइकोता लोकाताङ पाका तिङतेङ वाको बिसोइता दोअ्हि, “खाङसु एमि खाङधुरि योग्य इस्राएल सारभिको हारागुटिया, जाइ चाहि पुर्न रुपता इमान्दार हि।”

साल्न्हाका चात्या 6:1

इङको दिना जेलाउ चात्याको सङख्या बाढेलि तेङहि, कालाउ ग्रिक भासा धुइका यहुदि खान्धुराइगेलाइ हिब्रु भासा धुइका यहुदि खान्धुराइगेलाइको बिरोधता गनगानाइलि तेङहि। हाइपालिपानु दिनाङ चाका आमेने कालाउ ताका बाखाराइकाता इम्बालाइको के सिका बेबाललाइहेङ गोइका जति चाका-आम्का कालाउ ताका मानिङघाखे।

साल्न्हाका चात्या 9:39

कालाउ पतरुस ल्होतेङ इम्बालाइ दोफा हानिहि। इन्ता थुकातेङ इम्बालाइ पतरुसहेङ ह्रुताको कोठाता चुम्पुहि। गोताङ के सिकालाइ वाको भेरपा जाअ्तेङ खारलि तेङहि। कालाउ तबिता इम्बालाइ दोफा हिलाउ ताइमि जोका कोटगेलाइ कालाउ आरु लोखन-धाबागेलाइ ओबालाइहेङ तिङपाहि।

साल्न्हाका चात्या 9:41

कालाउ पतरुस वासेहेङ ताइको खुरहोइ चातेङ ल्होलि साघाइहि, कालाउ न्हुसो वा खान्धुराइगेलाइहेङ कालाउ के सिका बेबालाइहेङ कोठा लिता काइहि। कालाउ वा दोङ तबिता सिन्हुका हि दोअ्का ओबालाइहेङ तिङपाहि।

1 थेस्लोनिकि 2:6

केलाइ ख्रिस्टको साल्न्हाका चात्या जेङका सामान्दाहोइ केलाइ बारका जेङका होक हिघाहि। कालाउ बुङ केलाइ नेलाइसो कालाउ आरु हिदोइ बुङ द्‍याङगेलाइसो आदार माभोकाङ।

1तिमोथि 5:2

ताइमि खान्तेङ बार्का उमेरको बेबालाइहेङ ताइको आमाइ भाइपाङ कालाउ ताइमि खान्तेङ म्हुइका बेजान ओने दोफा चाहि सुद्द मनहोइ ताइकोङ बेजान ओने भाइपाङ ब्यभाहार पासु।

याकुब 1:27

आबा परमेस्वरको आगाता सुद्द कालाउ पबित्तरो धर्म इदोइ दोङ हि: माउरिया कालाउ के सिकालाइहेङ इम्बालाइको दुखता खाङलि गोइखे कालाउ ताइमिहेङ सुमिङको मारेम्का काथागेलाइसो फारापा हिलि गोइखे।

1पतरुस 2:17

झाराङ द्‍याङगेलाइहेङ आदार पासु। खान्धुराइ दादा-ओनेगेलाइ कालाउ बाइ-ओनेगेलाइहेङ प्रेम पासु, परमेस्वरसो थिसु राजाको आदार पासु।

1पतरुस 3:7

एसापा दोङ नाअ् के गेलाइ ताइको बे गेलाइदोफा बिचारसिल जेङतेङ ब्यभार पासु। कालाउ नेलाइ इदोइ फोम ताअ्लि गोइखे कि इम्बालाइ नेलाइ खान्तेङ हुइका हि, ओदोङ भाअ्सिङ नेलाइ इम्बालाइको साम्मान पालि गोइखे। हाइपालिपानु नेलाइ न्हेमि दोङ परमेस्वरको आनुग्रह दोफाङ पिका बरदानता साझे होकदार हिसुना, जेदोङ आनान्त जिबन दोङ। एसा पासु कालाउकि जेलाउ नेलाइ वासेहेङ प्रार्थाना पास्वाना परमेस्वर हिङ प्याको।