1तिमोथि 5:20 - Dhimal NT

²⁰ जाइ मन्डलिको आगुवागेलाइ पाप पातेङ हिखे इम्बालाइहेङ खान्धुराइगेलाइको आगाता हाप्काइ, कालाउकि बो मन्डलिको आगुवागेलाइ बुङ थियाको।

धिमाल

²⁰ कुकरम पातेङ हिकालाइहेङ झाराङको आगाता हाकाराइसु, कालाउ खिनिङ बो आगुवागेलाइ बुङ थ्‍यावा।

1तिमोथि 5:20 Iomraidhean Croise

साल्न्हाका चात्या 19:17

जेलाउ इदोइ काथा एफिसस सहरता हिका यहुदि द्‍याङगेलाइ कालाउ ग्रिकगेलाइहेङ थाहा जेङहि, कालाउ इम्बालाइ झाराङ थिहि, कालाउ प्रभु येसुको मिङको आदार पाहि।

साल्न्हाका चात्या 5:11

कालाउ यरुसेलेम सहरको गोताङ खान्धुराइगेलाइ कालाउ इदोइ काथा हिङकालाइ झाराङ हेन्जा थिहि।

साल्न्हाका चात्या 5:5

इदोइ काथा हिङतेङसाङ हननिया भोनोइता थोबिन्हाहि कालाउ सिहि। या काथा हिङकालाइ झाराङ हेन्जा थिहि।

2 कोरिन्थि 7:11

खाङसु, इदोइ परमेस्वरको इच्छा आन्सारको दुखहोइ नेलाइता हिसिका-हिसिका बदलाब लोका हि: इसिका हाउसाहोइ पोङघातेङ उसुक्ता, कालाउ ताइमिहेङ निरदुसि बानाइलि इदोइ झोको बार्का इच्छा, आन्याय ह्रुता इसिका चेर, समस्या ह्रुता इसिका चङख, कासेहेङ भेतिलि इसिका बार्का इच्छा, सेवा प्रति इसिका हाउसा, कालाउ मारेम्का काम पाकालाइहेङ दन्ड पिलि। इसिका पातेङ नेलाइ इदोइ साबित पाका हिसुना कि गोताङ काथा रेम्फासो पालि हाइ दोङ कमि लाअ्का मान्थु सुन्हा।

एफिसि 5:11

कितिकितिकाता द्‍याङगेलाइ पाका आखेका काम मापासु। कालाउ एल्का कामगेलाइ पातेङ कितिकितिकाको कामगेलाइ एल्का माको दोअ्तेङ द्‍याङगेलाइहेङ तिङपासु।

1तिमोथि 1:20

इङको मध्येता हुमेनियस कालाउ आलेक्जेन्डर बुङ हि, का इम्बालाइहेङ परमेस्वरको निन्दा पालि लाअ्ताको दोअ्तेङ साइतानको खुरता सुम्पिका हिघा, कालाउकि इम्बालाइ परमेस्वरको निन्दा पालि माएल दोअ्का काथा धिराको।

2 तिमोथि 4:2

नाअ् जिसिकाङ आबास्थाता बुङ परमेस्वरको बचन प्राचार पालि तियार जेङ, कालाउ द्‍याङगेलाइ गोल्ति पालाउ इम्बालाइहेङ सम्झाइसु कालाउ आसल पालि हाउसाइ पासु। कालाउ इदोइ गोताङ काथागेलाइ धर्य पातेङ रेम्फासो धिरपा।

तितस 1:13

ग्यानि द्‍याङको इदोइ काथागेलाइ आझाइ बुङ क्रेट टापुको द्‍याङगेलाइको बिसोइता सत्ये हि। ओदोङ भाअ्सिङ इम्बालाइहेङ बेसरि हाप्काइ, कालाउकि इम्बालाइ येसु ख्रिस्टको सत्ये सिक्स्या साक्सि पिलि द्वाको।

तितस 2:15

तितस, का नासेहेङ धिरपाका काथा इन्ता क्रेट टापुता हिका खान्धुराइगेलाइहेङ धिरपा। कालाउ ताइको द्‍याङगेलाइहेङ हाउसाइपा कालाउ गोल्ति पानु इम्बालाइहेङ सच्याइपा नाअ् दोफा या पालि खाबारा हि। कालाउ हासु बुङ नासेहेङ हेला पालि माउका मापि।