1तिमोथि 5:19 - Dhimal NT

¹⁹ जेलाउ थेकापा न्हेमि माकुनु सुमि साक्सि एनोङ दोङ काथाता मन्डलिको आगुवाको बिरोधता आरोप मालागाइखे एन्सालाउ थेकापा इम्बालाइको काथा हिङतेङ माहाङ।

धिमाल

¹⁹ न्‍हेमिसुमि दासि माजेङपाधाउ मन्‍डलिको आगुवाहेङ दुस लागाइका काथा हिङतेङ माहिङ।

1तिमोथि 5:19 Iomraidhean Croise

मत्‍ति 18:16

जेसापा वा नाङको काथा माहिङपिनु, ताइ दोफा आरु एमि-न्हेमिहेङ चुम्तेङ सम्झाइ, हाइपालिपानु मोसाको व्यवस्था आन्सार गोताङ झागाडागेलाइ मिलि पालि न्हेमि माकुनु सुमि साक्सि चुम्पुलि गोइखे।

युहन्‍ना 18:29

ओदोङ भाअ्सिङ पिलातस इम्बालाइकोता बाहार ओल्लेहि। वा इम्बालाइहेङ दोअ्हि, इदोइ द्‍याङको बिरोधता नेलाइ हाइको दुसिका लागाइसुखेना?

युहन्‍ना 8:17

नेलाइको मोसाको व्यवस्थाता बुङ लेखेका हि, न्हेमि द्‍याङको साक्सि सत्ये दोङ जेनावा।

साल्न्हाका चात्या 11:30

इम्बालाइ एन्साङ पाहि, कालाउ इम्बालाइ बार्नाबास कालाउ साउल पाहासो इम्बालाइको ताका यरुसेलेम सहरको मन्डलिको आगुवागेलाइहेङ पिगिल्हि।

साल्न्हाका चात्या 25:16

कालाउ का इम्बालाइहेङ दोअ्घा, हिदोइ बुङ द्‍याङहेङ मादुसिपा थेकापा रोमि सारकारको दन्ड पिका चलन मान्थु, दुसिका लादाइका द्‍याङ, दुसिका लादाइकाको आगाता ताइको काथा दोअ्लि आबसर निङलि गोइखे।

2 कोरिन्थि 13:1

पबित्तरो धर्मसास्तरता एसापा लेखेका हि, “गोताङ दुसिका न्हेमि माकुनु सुमि साक्सिगेलाइको गवाहि पाहासो साबित पालि गोइखे” जेलाउ का न्हे पोल्तिको दुसुकाता का इन्ताङ हिघाखा, का पापमय काम पाकालाइहेङ लाम्फाङ चेताउनि पिका हिघाखा, कालाउ लाम्फाको पात्ताराता नेलाइहेङ चेताउनि पिका कोनिङ आरोङ का नेलाइहेङ कालाउ बो गेलाइहेङ बुङ चेताउनि प्याङका, एला का सुमतेङखे नेलाइकोता ल्वाङका जेसापा इम्बालाइ आझाइ बुङ पाप पालि लाअ्का मान्थुनु हासु बुङ दन्डसो खाअ्लि मादोअ्खे।

1तिमोथि 4:14

नाङको दोफा हिका बरदानको हेलचेक्राइ मापा, जेदोङ बरदान मन्डलिको आगुवागेलाइ ताइको खुर नाङको ह्रुता ताअ्लाउ आगमबानिसो नासेहेङ मिलिका हिघाखे।

1तिमोथि 5:17

मन्डलि रेम्फासो सामाराइलि दोका आगुवागेलाइ दोब्बल आदार हिलि गोइखे, बिसेस पातेङ जाइ परमेस्वरको बचनको प्राचार कालाउ धिरपालि परिस्रोम पाखे।

तितस 1:6

मन्डलिको आगुवाको एमि खिनिङ बे ह्याको, कालाउ मादुसिका हिलि गोइखे, कालाउ वाको जामाललाइ खान्धुराइ हिलि गोइखे, कालाउ इम्बालाइको मारेम्का बानि बेउरा कालाउ आग्या माकिका माह्याको।

हिब्रु 10:28

जेसापा हासु बुङ मोसाको व्यवस्थाहेङ मा-मानिनाङ न्हेमि माकुनु सुमि साक्सि हि पानु उङको द्‍याङ दाया माकोसिङ सिलि गोयाङ।