1तिमोथि 5:17 - Dhimal NT

¹⁷ मन्डलि रेम्फासो सामाराइलि दोका आगुवागेलाइ दोब्बल आदार हिलि गोइखे, बिसेस पातेङ जाइ परमेस्वरको बचनको प्राचार कालाउ धिरपालि परिस्रोम पाखे।

धिमाल

¹⁷ रेम्‍फा खाङकाखुङका पाका मन्‍डलिको आगुवागेलाइ मान रो जेला निङलि गोयाङ। खास पातेङ परमेस्‍वरको बिद्‍या हिङपालि रो धिरपालि मिनेत पाकालाइ ते इदोइ निङलि दोङ गोयाङ।

1तिमोथि 5:17 Iomraidhean Croise

मत्‍ति 24:25

खाङसु फोम ताअ्सु का नेलाइहेङ लाम्फासोङ दोअ्का हिघा।

लुका 10:7

सान्तिको साअ्ता योम द्‍याङगेलाइ जेदोङ चाका-आम्का पिखे चाअ्, हाइपालिपानु एमि खेताला ताइको कामको ज्याला निङलि योग्यको हि, भेनेङ साअ्ता हिलि लाम्फाको साअ् मालासु।

लुका 12:42

कालाउ प्रभु दोअ्हि, एनोङ इमान्दार कालाउ बुद्दिमान चाकारिया इसिका हिखे: जाइहेङ साअ्को गिह्रि आरु चाकारियागेलाइहेङ खाङलि नियुक्त पाखे। गिह्रि वासेहेङ दोअ्खे ओबालाइहेङ ठिक-ठिक सोमोइता चालि-आम्लि प्यावाको। कालाउ न्हुसो ह्रिङका दामा चाहि।

युहन्‍ना 4:38

का नेलाइहेङ इन्ता चेलि दिङगिल्घा, जेता नेलाइ मेहेनत पाका मान्थु सुन्हा। भेनेङ द्‍याङगेलाइ मेहेनत पाका हि, कालाउ इम्बालाइको मेहेनतको फल नेलाइ दोङ निङका हिसुना।”

साल्न्हाका चात्या 11:30

इम्बालाइ एन्साङ पाहि, कालाउ इम्बालाइ बार्नाबास कालाउ साउल पाहासो इम्बालाइको ताका यरुसेलेम सहरको मन्डलिको आगुवागेलाइहेङ पिगिल्हि।

साल्न्हाका चात्या 20:35

का गोताङ कामगेलाइता नेलाइहेङ उधाहरन पिका हिघा, कि इम्बालाइ बुङ एसापा दोङ थाङका मेहेनत पातेङ कोमजोर द्‍याङगेलाइहेङ साघाइलि गोइखे। प्रभु येसुको बचन फोम पासु, “कि हेसा वा ताइमिहेङ दोअ्का हि, ह्रुलि खान्तेङ भरु पिलि दोङ धन्य हि।”

साल्न्हाका चात्या 28:10

इङको टापुको द्‍याङगेलाइ केलाइहेङ हेन्जाङ साम्मान पाहि, कालाउ केलाइ इन्ता सुम माइना थेकापा हिनाहि। कालाउ न्हुसो केलाइ जाहाजता धोल्न्हाहि कालाउ इम्बालाइ केलाइहेङ गोइका झोको आमेनेगेलाइ बुङ जाहाजता ताअ्पिहि।

रोमि 12:8

हाउसाइ पिकालाइ हाउसाइ प्याको, दान पिका बरदान हि पानु उद्दार मनसो दान प्याको, आगुवाइ पाकालाइ रेम्फासो आगुवाइ पाको, कालाउ दायाकालाइ खुसिसो दाया पाको।

रोमि 15:27

इदोइ भेति इम्बालाइ खुसिसोङ जोम्पाका हिघाहि, कालाउ साचिकोङ एबालाइ यरुसेलेम सहरको पबित्तरो जनगेलाइको रिनि बुङ हि। हाइपालिपानु यहुदिगेलाइ परमेस्वरसो निङका आसल काथागेलाइ गैर-यहुदिगेलाइ दोफा बाखाराइहि पानु, गैर-यहुदिगेलाइ बुङ इदोइ सुमिङको आसल काथागेलाइ यहुदिगेलाइ दोफा बाखाराइलि उचित हि।

रोमि 16:12

प्रभुता परिस्रोम पाका बेबाल तरुफेना कालाउ तरोफोसहेङ सेउपाखा दोअ्पिसु। प्रभुता ओसारापाङ परिस्रोम पाका आनाउ बेजान ओने परसिसहेङ बुङ सेउपाखा दोअ्पिसु।

1 कोरिन्थि 15:10

कालाउ का परमेस्वरको आनुग्रहहोइ छाल्न्हाका चात्या हिघा, कालाउ वाको आनुग्रह काङको जिबनता प्रभाबकारि हिघाहि। भरु का ते छाल्का चात्यागेलाइ खान्तेङ इस्तु परिस्रोम पाघा। कालाउ बुङ का माको, कालाउ परमेस्वरको आनुग्रहहोइ कासेहेङ साघाइहि।

1 कोरिन्थि 16:16

का नेलाइहेङ बिन्ति पाखा कि, इसिका परिस्रोम पाकालाइको कालाउ ह्रदयसोङ सेवा पाकालाइको आदार पासु।

1 कोरिन्थि 3:9

हाइपालिपानु केलाइ झाराङ काम पाका परमेस्वरको खेतालागेलाइ हिन्हाहि, कालाउ नाअ् कोरिन्थ सहरको खान्धुराइगेलाइ चाहि परमेस्वरको मिलिङ भाइका हिसुन्हा, कालाउ का नेलाइको तुलाना इङको साअ् दोफा पालि द्वाङका जेदोङ साअ् परमेस्वर धाम्लि तोम्का हि।

2 कोरिन्थि 6:1

परमेस्वरहेङ साघाइका द्‍याङ हिनाङ केलाइ नेलाइहेङ सेउपानाखे, कि वाको आनुग्रह व्‍यर्थ जेङलि मापि।

गलाति 6:6

जाइ परमेस्वरको बचन धिरखे वा ताइमिहेङ धिरपाका दोफा गोताङ आसल काथागेलाइ बाखाराइयाको।

फिलिप्पि 2:16

कालाउ नेलाइ इम्बालाइहेङ आनान्त जिबन पिका बचन हिङपासु, कालाउकि जेलाउ ख्रिस्ट आरोङ ल्वाङ का गर्ब पालि द्वाको, कि का बेर्थता परिस्रोम पाका मान्थुघा कालाउ काङको मेहेनत बेर्थता हानिका मान्थु।

फिलिप्पि 2:29

ओदोङ भाअ्सिङ हेन्जा आनान्द दोफा वासेहेङ प्रभुता स्‍वागत पासु, कालाउ इपाफ्रोडाइट्सहेङ कालाउ नाअ् भाइका आरु द्‍याङहेङ बुङ आदार पालि गोइखे।

फिलिप्पि 4:3

काङको खाङधुरि योग्य दोफाङको सानाइति, का नासेहेङ बिन्ति पाखा, कि इदोइ न्हेमि बेबाललाइहेङ मिलि पालि साघाइसु, हाइपालिपानु इम्बालाइ का दोफाङ सुसमाचार पालि क्लेमेस दोफा कालाउ काङको आरु दोफाङको सानाइतिगेकाइ दोफा परिस्रोम पाका हि, जाइको मिङ जिबनको कितापता हि।

1तिमोथि 3:5

जेसापा हिदोइ बुङ द्‍याङ ताइकोङ जाहानगेलाइहेङ रेम्फा चालाइलि मागिखे पानु, वा निसित दोङ परमेस्वरको मन्डलिको खान्धुराइगेलाइहेङ सामाराइलि माद्वावा।

1तिमोथि 4:10

हाइपालिपानु केलाइ ताइको खाङधुरिको भाअ्सिङ थाङका परिस्रोम कालाउ सङघरस पान्हाखे, हाइपालिपानु केलाइको आस सिन्हुका परमेस्वरता ताअ्का हिनाहि, जाइ गोताङ द्‍याङको बिसेस पातेङ वाको ह्रुता खाङधुरि पाकागेलाइको मुक्ति दाता हि।

1तिमोथि 4:14

नाङको दोफा हिका बरदानको हेलचेक्राइ मापा, जेदोङ बरदान मन्डलिको आगुवागेलाइ ताइको खुर नाङको ह्रुता ताअ्लाउ आगमबानिसो नासेहेङ मिलिका हिघाखे।

1तिमोथि 4:16

नाअ् हिसिका जिबन जियाइतेङ हिना कालाउ हाइ धिरपातेङ हिना इङको काथागेलाइता चङख हिसु। कालाउ इदोइ काथाता लागितेङ हिसु। एन्सा पाहे पानु परमेस्वर नासेहेङ कालाउ नाङको काथा हिङकागेलाइहेङ न्यायको दन्डसो बान्चि पावा।

1तिमोथि 4:6

जेसापा नाअ् का एलाङ दोअ्का काथागेलाइ खान्धुराइ ओनेगेलाइहेङ धिरपान्हा पानु, नाअ् येसु ख्रिस्टको खाङधुरि योग्य सेवक जेनाना, जेदोङ खाङधुरिको सन्देसता बल्लियाका जेङका हिखे कालाउ आसल सिक्स्याहेङ पिताइकाताङ लोका हिखे।

1तिमोथि 5:19

जेलाउ थेकापा न्हेमि माकुनु सुमि साक्सि एनोङ दोङ काथाता मन्डलिको आगुवाको बिरोधता आरोप मालागाइखे एन्सालाउ थेकापा इम्बालाइको काथा हिङतेङ माहाङ।

1तिमोथि 5:3

जाइ जातिङको के सिका बेबाल हि, कालाउ वासेहेङ सामाराइका हासु बुङ मान्थुनु इम्बालाइहेङ आदार सोङ साघाइसु।

2 तिमोथि 2:6

परिस्रोम पाका किसान दोङ लाङ द्‍याङ हि, जाइ बालिको लाङ भाग निङलि गोइखे।

2 तिमोथि 4:2

नाअ् जिसिकाङ आबास्थाता बुङ परमेस्वरको बचन प्राचार पालि तियार जेङ, कालाउ द्‍याङगेलाइ गोल्ति पालाउ इम्बालाइहेङ सम्झाइसु कालाउ आसल पालि हाउसाइ पासु। कालाउ इदोइ गोताङ काथागेलाइ धर्य पातेङ रेम्फासो धिरपा।

हिब्रु 13:17

नेलाइको आगुवागेलाइको आग्या केम्सु कालाउ इम्बालाइको आधिनता हिसु, इम्बालाइको काम नेलाइको आत्मागेलाइहेङ रक्स्या पालि दोङ हि, कालाउ इम्बालाइ नेलाइको बारेता परमेस्वरहेङ लेखा पिलि गोयाङ, इदोइ काम इम्बालाइ आनान्दसो पाको, दुख मानितेङ माको, माकुनुते नेलाइहेङ हिदोइ बुङ फाइदा माजेनाङ।

हिब्रु 13:24

नेलाइको गोताङ आगुवागेलाइ कालाउ झाराङ परमेस्वरको द्‍याङगेलाइहेङ बुङ सेउपासु। इटालि सारभिसो लोका खान्धुराइगेलाइ नेलाइहेङ बुङ सेउपाखा पिगिल्का हि।

हिब्रु 13:7

ताइको आगुवागेलाइको फोम ताअ्सु, जाइ परमेस्वरको बचन नेलाइहेङ हिङपाहि, हेसा इम्बालाइ ताइको जिबन जियाइहि कालाउ सिका थेकापाङ खाङधुरि योग्य हितेङ हि, एन्साङ दोङ केलाइ बुङ इम्बालाइ भाइपाङ परमेस्वरता खाङधुरि पाइने।