1तिमोथि 5:15 - Dhimal NT

¹⁵ का या दोअ्दोङखा, हाइपालिपानु आधिमि के सिकालाइ परमेस्वरको आग्या केम्लि लाअ्तेङ साइतान जेदोङ पालि भोखे इम्बालाइ इन्सिकाङ पातेङ हि।

धिमाल

¹⁵ हाइपानु हेथे रान्‍दिगेलाइ लाम्‍फा दोङ दियाबलसभारि हानेलि दोका हि।

1तिमोथि 5:15 Iomraidhean Croise

मत्‍ति 4:10

जेलाउ येसु साइतानहेङ दोअ्हि, “साइतान, इतासो हाने! हाइपालिपानु धर्मसास्तरता इसिका लेखेका हि।” नाअ् दोङ परमप्रभु ताइको परमेस्वरहेङ खिनिङ तुघुरतेङ आराधाना पालि कालाउ वाको खिनिङ सेवा पालि।

1तिमोथि 1:20

इङको मध्येता हुमेनियस कालाउ आलेक्जेन्डर बुङ हि, का इम्बालाइहेङ परमेस्वरको निन्दा पालि लाअ्ताको दोअ्तेङ साइतानको खुरता सुम्पिका हिघा, कालाउकि इम्बालाइ परमेस्वरको निन्दा पालि माएल दोअ्का काथा धिराको।

2 तिमोथि 1:15

नासेहेङ थाहा हि, कि एसिया प्रदेसता हिका हेन्जा जोसो खान्धुराइगेलाइ कासेहेङ लाअ्का हि, कालाउ इङको मध्ये फुगेलस कालाउ हर्मोगेनस हि।

2 तिमोथि 2:18

उङको न्हेमि द्‍याङगेलाइ सत्ये सिक्स्याहेङ लाअ्का हि, इम्बालाइ धिरपाखे कि, परमेस्वर सिका खान्धुराइगेलाइहेङ आनान्त जिबनको भाअ्सिङ लाम्फाङ दोङ सिन्चाल पाका हि। कालाउ परिनाम स्वरुप इम्बालाइ आधिमि खान्धुराइगेलाइको खाङधुरिसो खेङका हि।

2 तिमोथि 4:10

हाइपालिपानु डेमास इदोइ सुमिङको काथागेलाइहेङ मन्दा ताअ्खे कालाउ वा कासेहेङ लाअ्तेङ थेसलोनिकि सहरता हानेका हि। कालाउ खान्धुराइ ओने क्रेसेनस चाहि गलातिया इलाका हानिका हि, कालाउ तितस चाहि दालमितिया प्रदेसता हानिका हि।

२ पत्‍रुस 2:2

ताइमि खान्धुराइ हिघा दोअ्का हेन्जाङ इदोङ धाताइका सिक्स्यकगेलाइको आनैतिक्ता काथाको आनुसरन पाखे, ओदोङ भाअ्सिङ खाङधुरि मापाका बो द्‍याङगेलाइ सत्ये दामाको बारेता बिरोध पावा।

२ पत्‍रुस 3:16

वा खान्धुराइगेलाइहेङ लेखेका ताइको गोताङ पात्तारागेलाइता, वा ओदोङ काथागेलाइ लेखेहि जेदोङ वा नेलाइहेङ लेखेहि। कालाउ वा ताइको पात्तारागेलाइता लेखेका आधे-आधे काथागेलाइ बुझिलि आप्थायारो हि। जाइ आधिमि द्‍याङगेलाइ रेम्फासो धिरका मान्थु कालाउ जाइ खाङधुरिता इस्थिर मान्थु, इम्बालाइ धर्मसास्तरता हिका आरु भागहेङ गलत तरिकाहोइ बाख्या पाका भाइपा इम्बालाइ इदोङ कथिन काथागेलाइको ब्याख्या गलत तरिकाहोइ पाखे। एन्सा पातेङ इम्बालाइ ताइमिङ परमेस्वरहेङ नासा पालि लागाइखे।

१ युहन्‍ना 2:19

ख्रिस्ट बिरोधिगेलाइ केलाइको मन्डलिसो ओल्लेतेङ हानिहि, हाइपालिपानु इम्बालाइ केलाइको मान्थुघाहि। जेसापा इम्बालाइ केलाइ भाइपाङ जातिङको खान्धुराइ जेङका मान्थुघाहि माकुनु इम्बालाइ केलाइ दोफा हिधावा कालाउ इम्बालाइ झाराङ केलाइको माको रोइस दोअ्का काथा देखाल पापालि इम्बालाइ केलाइको मन्डलिसो ओल्लेतेङ हानिका हि।