1तिमोथि 5:14 - Dhimal NT

¹⁴ ओदोङ भाअ्सिङ का साल्लाहा पिखा, कि म्हुइका उमेरको के सिकालाइ बिहु पाको, चान-चामिन्दिगेलाइ जोलोम पाको, ताइको साअ् सामाराइयाको, कालाउ बिरोधिगेलाइ इम्बालाइको बादनाम पाका मौका मानिनाङ।

धिमाल

¹⁴ इदोइभाअ्‌सिङ का बोइसाहिका रान्‍दिगेलाइ आरोङ बिहु पाको दोअ्‌तेङ साल्‍हा पिखा। एसापा भुरुङ एम्‍बालाइ चानचामिन्‍दि जोन्‍माइतेङ ताइको साअ्‌द्‍वार सामार्‍हाइयाको। एन्‍सा जेङनु खिनिङ केलाइको दुस्‍मनगेलाइ केलाइको बादनाम पालि माउका मानिनावा।

1तिमोथि 5:14 Iomraidhean Croise

रोमि 14:13

ओदोङ भाअ्सिङ केलाइ एमिसो-भेनेङहेङ एला उसो न्याय मापाइने। कालाउ इसिका काथा मापासु जेदोङहोइ नाङको खान्धुराइ ओनेगेलाइ परमेस्वरता खाङधुरि पालि लाअ्ताको माकुनु पापता पारिका काथा मापाइने।

2 कोरिन्थि 11:12

का नेलाइ दोफा साघाइ ह्रुलि मादाङका कालाउकि का इम्बालाइहेङ रोकिलि द्वाको जेदोङ केलाइ परमेस्वरको काम पाका भाइकाङ केलाइ बुङ पानाखे दोअ्तेङ घमन्ड पाका मौका भोखे।

1तिमोथि 2:8

का चाहिखा, कि जेलाउ बुङ नेलाइ परमेस्वरहेङ आराधाना पालि जोम्सुखेना, परमेस्वरहेङ ग्रहन योग्य जिबन जियाइका वाबालाइ ताइको पबित्तरो खुर तोल्हेतेङ बिना क्रोड कालाउ बिना माचेरसुसिङ प्रार्थाना पाको।

1तिमोथि 4:3

इन्सिका द्‍याङगेलाइ धिरपाखे कि बिहु पालि माएल, कालाउ हेथेते आमेनेगेलाइ चाअ्लि माएल। कालाउ खाङधुरि पाकालाइ कालाउ सत्ये काथा गिकालाइ धन्यबाद पितेङ चाअ्लि एल, हाइपालिपानु परमेस्वर दोङ इङको गोताङ चाअ्का आमेने सिरजाइहि।

1तिमोथि 5:11

कालाउ म्हुइका उमेरको के सिकालाइको मिङ चाहि के सिका बेबालको सुचिता मालेखेसु, हाइपालिपानु जेलाउ इम्बालाइको जिउको इच्छा ख्रिस्टको सेवा पाका इच्छा खान्तेङ हेन्जा हिखे, इम्बालाइ ख्रिस्टको कामहेङ लाअ्तेङ आरोङ बिहु पालि इच्छा पाखे।

1तिमोथि 6:1

हिदोइ बुङ खान्धुराइ बान्धाइति हि पानु, वा गोताङ काथाता ताइको गिह्रिको आदार पाको कालाउकि हिदोइ बुङ द्‍याङ परमेस्वरको मिङ कालाउ केलाइको धिरपाका सिक्स्याको निन्दा मापाको।

तितस 2:5

कालाउ इम्बालाइ ताइमिहेङ काबुता ताअ्का, ताइको के दोफा खाङधुरि योग्य जेङलि, दायाका, रेम्फा साअ् पातेङ चाका कालाउ के को आधिनता हिलि धिरपाको, कालाउकि परमेस्वरको बचनको निन्दा जेङलि मानिनाको।

तितस 2:8

कालाउ नाङको सिक्स्या जेलाउ बुङ सहि कालाउ हासु बुङ निन्दा पालि मादोअ्का ह्याको, कालाउकि नाअ् येसुको भाअ्सिङ पाका कामको बिरोध पालाउ, इम्बालाइ लेदेरलि गोयाको, कालाउ इम्बालाइ केलाइको बारेता हाइ दोङ मारेम्का काथा दोअ्लि मानिनाङ।

हिब्रु 13:4

झाराङको माझाता बिहु चाहि आदारनिय ह्याको, कालाउ एमिसो-भेनेङ दोफा जेलाउ बुङ खाङधुरि योग्य जेङतेङ हिसु, हाइपालिपानु दुराचारि कालाउ कासिबिरिगेलाइको न्याय परमेस्वर पावा।