1तिमोथि 5:10 - Dhimal NT

¹⁰ गोताङ वा आसल काम पाका, चान-चामिन्दिगेलाइहेङ रेम्फा पोसेका, बान्सालाइहेङ ताइको साअ्ता सेवा सात्कार पाका, प्रभुको दासगेलाइको सेवा पाका, दुख परिकालाइहेङ साघाइका, कालाउ इसिकाङ ताइको जिबनता आसल काम पाका हिलि गोइखे।

धिमाल

¹⁰ रेम्‍का काम पातेङ इङकोको मिङ चारचाराइका हिलि गोयाङ। इङको ताइको चान चामिन्‍दिगेलाइहेङ रेम्‍फा पातेङ हुर्किपाका रो बान्‍सालाइहेङ ताइको साअ्‌ता चुमातेङ बान्‍साबुझाइका हिलि गोयाङ। कालाउ इङको परमेस्‍वरको पुनित जनगेलाइको खोकोइ झातेङ चाकर पाका, तु:ता वाङकालाइहेङ साघाइका रो इसिकाङ रेम्‍का कामगेलाइ पाका हिलिगोयाङ।

1तिमोथि 5:10 Iomraidhean Croise

मत्‍ति 25:17

ए पावा सोनाको थुरि निङका बुङ एन्साङ पातेङ आरु ए पावा सोनाको थुरि कामाइहि।

मत्‍ति 5:16

नेलाइको फाइसालामका द्‍याङगेलाइको आगाता एसा थाअ्साइताको, कालाउ ओबालाइ नेलाइको रेम्का काम तिनाको, कालाउ स्वर्गता हिका नेलाइको परमेस्वर आबाको महिमा जेनाको।

लुका 7:38

उङको बेजान येसुको न्हु पाहा जाअ्तेङ खारकाताङ येसुको खोकोइहेङ मितिहोइ भिजाइलि तेङहि, कालाउ ताइको पुसुङहोइ मोकाताङ वाको खोकोइता चुमाइतेङ कालाउ वाको खोकोइता आत्तर मलिपिहि।

लुका 7:44

कालाउ न्हुसो वा उङको बेजान भारि घुरितेङ सिमोनहेङ दोअ्हि, नाअ् उङको बेजानहेङ तिङन्हा? जेलाउ का नाङको साअ्ता लोघा, नाअ् केलाइको मुन्धुम आन्सार काङको खोकोइ झालि चि बुङ मापिन्हा। कालाउ वाते काङको खोकोइगेलाइ वाको मितिहोइ भिझाइतेङ कालाउ ताइको पुसुङहोइ योपिहि।

साल्न्हाका चात्या 10:22

उङको द्‍याङगेलाइ दोअ्हि, “कप्तान कर्निलियस केलाइहेङ दिङगिल्का हि, वा आसल कालाउ परमेस्वरहेङ थिअ्का द्‍याङ हि। कालाउ गोताङ यहुदि जातिगेलाइसो साम्मान निङका द्‍याङ हि, एमि पबित्तरो स्वर्गदुत वाकोता देखाल जेङहि कालाउ नासेहेङ वाको साअ्ता काइतेङ नाङको उपदेस हिङका आग्या स्वर्गदुत पिका हि।”

साल्न्हाका चात्या 22:12

दमिसकस सहरता, एमि हननिया मिङ हिका द्‍याङ हिघाहि, वा मोसाको व्यवस्था पालन पालि भक्त हिघाहि। इन्ता हिका यहुदिगेलाइ वासेहेङ साम्मान पाघाखे।

साल्न्हाका चात्या 6:3

ओदोङ भाअ्सिङ ओइ खान्धुराइ ओनेगेलाइ, नेलाइ मध्येसो पबित्तरो-आत्मा कालाउ बुद्दिहोइ पोङघाका कालाउ जाइको बारेता गिखे, न्हिमि द्‍याङगेलाइ छाल्सु, जाइहेङ केलाइ इदोइ कामता नियुक्त पाइने।

साल्न्हाका चात्या 9:36

जोप्पा नगरता तबिता दोअ्का एमि खान्धुराइ हिघाहि। वा जेलाउ आरुको भाअ्सिङ आसल काम पाघाखे कालाउ गरिबगेलाइहेङ साघाइघाखे।

साल्न्हाका चात्या 9:39

कालाउ पतरुस ल्होतेङ इम्बालाइ दोफा हानिहि। इन्ता थुकातेङ इम्बालाइ पतरुसहेङ ह्रुताको कोठाता चुम्पुहि। गोताङ के सिकालाइ वाको भेरपा जाअ्तेङ खारलि तेङहि। कालाउ तबिता इम्बालाइ दोफा हिलाउ ताइमि जोका कोटगेलाइ कालाउ आरु लोखन-धाबागेलाइ ओबालाइहेङ तिङपाहि।

रोमि 12:13

परमेस्वरको जनगेलाइहेङ खाचोता साघाइसु, कालाउ साअ्ता लोका बान्सालाइहेङ रेम्फा चापासु-आम्पासु।

एफिसि 2:10

हाइपालिपानु केलाइ परमेस्वरको सिरजाइन्हाका हिनाहि, कालाउ केलाइ येसु ख्रिस्ट दोफाको सम्बन्ध हिकालाइ नावा द्‍याङको रुपता एल्का काम पालिको भाअ्सिङ सिरजाइन्हाका हि। केलाइ इङको आसल कामगेलाइ पाइने दोअ्तेङ वा लाम्फा दोङ तियार पाका हिघाहि।

कलस्सि 1:10

केलाइ प्रार्थाना पानाखे, कालाउकि नेलाइ प्रभुहेङ आदार पिका कालाउ हाउसाइपाका जिबन जियाइलि दोसु, कालाउ नेलाइ लागातार आसल कामगेलाइ पासु, आरुको भाअ्सिङ भलाइ पालि दोसु। कालाउकि नेलाइ परमेस्वरहेङ आझाइ रेम्फासो गिलि दोसु।

1तिमोथि 2:10

कालाउ रेम्का कामगेलाइ पातेङ ताइमिहेङ सोबाइका बानाइलि, जाइ परमेस्वरको भक्ति पाका बेबालाइहेङ सोबाइखे।

1तिमोथि 3:2

ओदोङ भाअ्सिङ इदोइ आव्यस्यक हि, कि आगुवागेलाइ चाहि दुसिका मान्थुका हिलि गोइखे। वाको एमि खिनिङ बे ह्याको। ताइमिहेङ काबुता ताअ्लि दोका, साम्मान निङका, समझदार, कालाउ ताइको साअ्ता लोकालाइहेङ सेवा सात्कार पाका कालाउ परमेस्वरको बचन रेम्फासो धिरपाका द्‍याङ हिलि गोइखे।

1तिमोथि 3:7

कालाउ मन्डलि बाहारको द्‍याङगेलाइ बुङ वा एमि आसल द्‍याङ हि दोअ्लि गोइयावा। कालाउकि द्‍याङगेलाइ वाको बारेता मारेम्का काथागेलाइ मापाङ। कालाउ वा साइतानको जाल्ता मापरियाङ।

1तिमोथि 5:16

जेसापा हिदोइ बुङ खान्धुराइ बेबालको जाहानता के सिका हि पानु वा इम्बालाइहेङ साघाइयाको। कालाउ वा खान्धुराइगेलाइहेङ कालाउ के सिकालाइहेङ साघाइयाङ कि दोअ्तेङ आस मापाको। कालाउकि मन्डलिको खान्धुराइगेलाइ आरु के सिकालाइहेङ साघाइयाको जाइहेङ साघाइका हासु बुङ मान्थु।

1तिमोथि 5:25

एसापाङ पातेङ जेलाउ हिदोइ बुङ द्‍याङ रेम्का काम पाखे, इङको बो खन्धुराइगेलाइ झालाफालापा तिङखे। कालाउ जेसापा द्‍याङलाइ इङको रेम्का कामगेलाइ तिङलि मादोलाउ बुङ न्हुसो इम्बालाइ इङको कामगेलाइ तिनावा।

1तिमोथि 6:18

कालाउ इम्बालाइहेङ आसल काम पासु दोअ्सु, कालाउ हेन्जा रेम्का कामगेलाइ पाको, कालाउ आवस्यक परिकालाइहेङ खुल्ला मनहोइ साघाइलि तियार जेङसु दोसु।

2 तिमोथि 1:5

कासेहेङ नाङको येसु ख्रिस्ट ह्रुता हिका खाङधुरिको फोम हि। इङको खाङधुरि जेदोङ लाम्फा नाङको आझाइ लोइस कालाउ नाङको आमाइ युनिस्ता हिघाहि। कालाउ एला कासेहेङ निस्चित हि, कि नाङकोता बुङ इन्सिकाङ खाङधुरि हि।

2 तिमोथि 2:21

एन्साङ पातेङ जेदोङ खान्धुराइ ताइमिहेङ मारेम्का कामगेलाइसो खेङखे, इङको एनोङ जाङका भान्डा भाइका जेनावा जेदोङ बिसेस कामको भाअ्सिङ चालाइखे। कालाउ जाइको जिबन सुद्द जेनावा वाको गिह्रि वासेहेङ आसल कामता लागाइलि द्वावा।

2 तिमोथि 3:15

नाअ् जामालसोङ पबित्तरो धर्मसास्तरको काथागेलाइ धिरका हिना। इदोइ धर्मसास्तर दोङ नासेहेङ इदोइ बुझिलि साघाइयाङ कि येसु ख्रिस्टता खाङधुरि पानाङ परमेस्वर नासेहेङ बान्चि पावा।

2 तिमोथि 3:17

कालाउकि परमेस्वरको जनगेलाइ गोताङ खाल्को आसल काम पालि तियार कालाउ सक्स्यम जेङलि द्वाको दोअ्तेङ इदोइ धर्मसास्तर पिका हि।

तितस 2:14

केलाइहेङ पापको सरबुङसो बान्चिपालि कालाउ पबित्तरो बानाइलि येसु ख्रिस्ट ताइमिहेङ बलिदान पिहि, कालाउकि केलाइ वाकोङ द्‍याङ जेङलि द्वाको। कालाउ आसल कामगेलाइ पालि द्वाको।

तितस 2:7

नाअ् गोताङ काथाता जेलाउ बुङ आसल काम पाअ्‌ कालाउ आरुको भाअ्सिङ नामुना जेङतेङ तिङपा। जेलाउ नाअ् खान्धुराइगेलाइहेङ धिरपाना रेम्का मनसायहोइ धिरपा। कालाउकि इम्बालाइ नासेहेङ आदार पाको।

तितस 3:1

सासकगेलाइ कालाउ आधिकारिगेलाइको आदार पाअ्‌ कालाउ इम्बालाइको आग्या किलि दोअ्तेङ इन्ताको खान्धुराइगेलाइहेङ फोम पा-पाअ्‌, कालाउ आरुको भाअ्सिङ रेम्का काम पालि दोअ्।

तितस 3:14

इङको खिनिङ माको, कालाउ खान्धुराइगेलाइहेङ रेम्का काम पातेङ हि दोअ्तेङ धिरपा, कालाउकि इम्बालाइ खाचोता परिका द्‍याङगेलाइहेङ साघाइलि द्वाको, कालाउ इदोइ कामसो खान्धुराइगेलाइ जिबनको उदेस्य हाइ दोअ्तेङ गिलि द्वाको।

तितस 3:8

इदोइ भनाइ सत्ये हि, जेदोङ एलाङ खिनिङ का नासेहेङ दोअ्का हिघा, का भोखा कि जेलाउ नाअ् खान्धुराइगेलाइहेङ धिरपाखेना इदोइ काथागेलाइता जोर पिसु, कालाउकि जाइ परमेस्वरता खाङधुरि ताअ्का हि ताइमिहेङ रेम्का काम पालि मन लागाइलि द्वाको। हाइपालिपानु इदोइ सिक्स्यागेलाइ गोताङ द्‍याङगेलाइको भाअ्सिङ रेम्का कालाउ फाइदा जनक बुङ हि।

हिब्रु 10:24

केलाइ ता-ताइमिता एमिसो-भेनेङहेङ प्रेम कालाउ भलाइ पाका कामता एमिसो-भेनेङहेङ हाउसाइ पाइने।

हिब्रु 13:2

जेदोङ खान्धुराइ ओनेगेलाइहेङ नाअ् लाम्फा हेलाउ बुङ भेतिका मान्थुना इम्बालाइहेङ ताइको साअ्ता बान्साको रुपता स्‍वागत पालि निल्लि माएल। हाइपालिपानु एसापा दोङ आधिमिते थाहा मानिङसिङ स्वर्गदुतगेलाइको स्‍वागत पाका हि।

1पतरुस 2:12

परमेस्वरता खाङधुरि मापाका द्‍याङगेलाइ नेलाइको द्‍यापाहाङ हिखे कालाउ नेलाइ गलत पातेङ हिसुना दोअ्लि द्वावा। इसिका रेम्का जिबन बितिपासु कि इम्बालाइ नेलाइहेङ पाका आसल कामगेलाइ तिनावा कालाउ ख्रिस्ट घुरितेङ लोका दिना परमेस्वरहेङ महिमा प्यावा।

1पतरुस 4:9

द्‍याङगेलाइहेङ नेलाइको साअ्ता स्‍वागत पासु कालाउ हिदोइ बुङ गुनासो मापासिङ इसिका पाका पासु।

३ युहन्‍ना 1:12

मन्डलिता झाराङ दोअ्खे, कि डेमेतिरियस एमि रेम्का द्‍याङ दोङ हि, हाइपालिपानु वा सत्ये परमेस्वरको बचन आन्सार ताइको जिबन जियाइखे। कालाउ केलाइ बुङ दोअ्न्हाखे कि वा एमि रेम्का द्‍याङ हि, कालाउ नाअ् गिखेना कि केलाइको साक्सि सत्ये हि।