1तिमोथि 5:1 - Dhimal NT

¹ ताइमि खान्तेङ बार्का उमेरको वाबालाइहेङ मानाइ, कालाउ वासेहेङ आबाहेङ भाइपाङ आदार पातेङ सम्झाइ। ताइमि खान्तेङ म्हुइकालाइ दोफा ताइको खान्धुराइ ओने भाइपा ब्यभाहार पाअ्‌।

धिमाल

¹ वाराङगेलाइहेङ माहाप्‍काइसु, कालाउ इङकोहेङ ताइकोङ आबाहेङ भाइपाङ मान पातेङ मतो पि। कालाउ म्‍हुइकालाइहेङ चाहिँ ओनेगेलाइहेङ भाइपाङ बेभार पा।

1तिमोथि 5:1 Iomraidhean Croise

मत्‍ति 23:8

नेलाइहेङ हासु बुङ गुरु ज्यु मादोअ्ताको हाइपालिपानु नेलाइते झाराङ दादा-ओनेगेलाइ बानाबोर हिसुना। नेलाइको एमि खिनिङ गुरु हि।

साल्न्हाका चात्या 14:23

कालाउ पावल कालाउ बार्नाबास गोताङ खान्धुराइगेलाइको समुहसो आगुवागेलाइ नियुक्त पाहि, कालाउ इम्बालाइ उङको मन्डलिको आगुवागेलाइहेङ ताइमि खाङधुरि पाका प्रभु येसुता प्रार्थाना पालि सुम्पिहि।

साल्न्हाका चात्या 15:4

जेलाउ पावल कालाउ बार्नाबास यरुसेलेम सहरता थुकालि लोहि, कालाउ इम्बालाइहेङ मन्डलिको, आगुवागेलाइ कालाउ साल्न्हाका चात्यागेलाइ स्‍वागत पाहि। कालाउ पावल कालाउ बार्नाबास इन्ता जोम्का झाराङहेङ परमेस्वर इम्बालाइ पाहासो पाका गोताङ कामगेलाइको बारेता दोअ्हि।

साल्न्हाका चात्या 15:6

कालाउ इङको बिसोइता बिचार पालि साल्न्हाका चात्यागेलाइ कालाउ मन्डलिको आगुवागेलाइ जोम्हि।

साल्न्हाका चात्या 20:17

जेलाउ केलाइ मिलेटस सहरता थुकान्हाहि, पावल एफिसस सहरको मन्डलिको आगुवागेलाइहेङ काइलि दिङगिल्हि।

रोमि 13:7

तिरिलि गोइका झाराङहेङ तिरिसु, पोत ल्होपाकालाइहेङ पोत तिरिसु, एन्साङ पातेङ महसुल ल्होपाकालाइहेङ महसुल तिरिसु, आदार पालि गोइकाहेङ आदार पासु कालाउ इज्‍जत पालि गोइकाहेङ इज्‍जत पासु।

गलाति 6:1

खान्धुराइ ओनेगेलाइ, नेलाइ पबित्तरो आत्माको आगुवाइसो तेअ्कालाइ, जेसापा हिदोइ बुङ खान्धुराइ पाप पालाउ रिमनिन्चानु वासेहेङ मोनोइ जेङतेङ सुध्राइलि गोइखे। कालाउ ताइमि बुङ पापता माफोस्याइने दोअ्तेङ होसियार हिलि गोइखे।

1तिमोथि 5:17

मन्डलि रेम्फासो सामाराइलि दोका आगुवागेलाइ दोब्बल आदार हिलि गोइखे, बिसेस पातेङ जाइ परमेस्वरको बचनको प्राचार कालाउ धिरपालि परिस्रोम पाखे।

1तिमोथि 5:2

ताइमि खान्तेङ बार्का उमेरको बेबालाइहेङ ताइको आमाइ भाइपाङ कालाउ ताइमि खान्तेङ म्हुइका बेजान ओने दोफा चाहि सुद्द मनहोइ ताइकोङ बेजान ओने भाइपाङ ब्यभाहार पासु।

तितस 2:2

कालाउ वाराङ द्‍याङगेलाइहेङ ताइमिहेङ काबुता ताअ्लि, आदारको योग्य, समझदारिता जियाइलि, खाङधुरिता पाक्का, प्रेम कालाउ धर्यता बल्लियाका जेङलि धिरपा।

तितस 2:6

एन्साङ पातेङ धानागेलाइहेङ बुङ बुद्दिमानसो ब्यभार पाका आर्ति पि।

याकुब 3:17

कालाउ जेदोङ बुद्दि परमेस्वरसो लोखे इङको लाम्फाङ सुद्द हिखे, कालाउ इङको सान्तिप्रिय, मोनोइ, मिलिका, दायाहोइ कालाउ रेम्का कामहोइ भरिका, पक्स्य पात मान्थुका कालाउ छल माकोसिङ हिखे।

याकुब 5:14

हाइ नेलाइको माझाता आधिमि मासाधिका हिसुना? वा दोङ मन्डलिको आगुवागेलाइहेङ कायाको। इम्बालाइ प्रभुको मिङता वासेहेङ चुइतिसो आबिसेक पापितेङ वाको भाअ्सिङ प्रार्थाना पापियाको।

1पतरुस 5:1

का नाअ् इन्ताको मन्डलिको आगुवागेलाइहेङ हाइ दोङ दोअ्लि भोखा, हाइपालिपानु का बुङ नेलाइ भाइकाङ एमि आगुवा हिघा। का ताइमिङ ख्रिस्टको हेन्जाङ सोमोइ लाम्फा निङका कस्ट तिङका हिघा। जेलाउ वा आरोङ धुरितेङ ल्वाङ, का बुङ वाको महिमाता साझेदार जेनाङका। एला का नेलाइहेङ आग्राह पाङका।

२ युहन्‍ना 1:1

का युहान्‍ना मन्डलिको आगुवा इदोइ पात्तारा परमेस्वरको छाल्का बेबालहेङ कालाउ वाको जामालाइहेङ लेखेदोङखा। जाइहेङ का जातिङको प्रेम पाखा कालाउ का खिनिङ माको, कालाउ सत्येहेङ नाल्का झाराङ दोङ प्रेम पाखे।

३ युहन्‍ना 1:1

का युहान्‍ना मन्डलिको आगुवा या पात्तारा नासेहेङ लेखेदोङखा, काङको आनाउ सानाइति गायस, का नासेहेङ जातिङको प्रेम पाखा।

प्रकास 4:4

इङको सिङहासनको कोरपाहाङ ए कुरि द्‍या आरु सिङहासनगेलाइ हिघाहि। कालाउ पुरिङता सोनाको मुकुटगेलाइ कालाउ जे:का धाबागेलाइ लागाइतेङ ए कुरि द्‍यामि आगुवागेलाइ इङको सिङहासनगेलाइता योमतेङ हिका का तिङघा।