1तिमोथि 4:7 - Dhimal NT

⁷ कालाउ दन्ते काथागेलाइता कालाउ आर्था मान्थुका काथागेलाइसो एकदम फारापा हिसु, भरु ताइमिहेङ लागातार परमेस्वरहेङ मन परिका जिबन जियाइलि तालिम पाअ्‌।

धिमाल

⁷ परमेस्‍वरको प्रताप माजेङका रो मानेमान्‍थुका काथागेलाइसो फारापा हिसु। इङको खान्‍तेङ ते परमेस्‍वरहेङ चाकर पाका काथाता तालिम पिसु।

1तिमोथि 4:7 Iomraidhean Croise

साल्न्हाका चात्या 24:16

ओदोङ भाअ्सिङ का जेलाउ बुङ परमेस्वरको कालाउ द्‍याङगेलाइको आगाता का काङको बिचारहेङ सुद्द पालि कोसिस पाङका।

1तिमोथि 1:4

का आरोङ बुङ नेलाइहेङ आनुरोध पातेङ दोअ्खा, कि नेलाइ इम्बालाइको दन्ते काथागेलाइ कालाउ पुर्खागेलाइको माओताका सुचिको काथागेलाइता सोमोइ खेर माथाइगिल्सु। इन्सिका काथा पोसुकालाइहोइ परमेस्वरको काम पालि मासाघाइखे, हाइपालिपानु परमेस्वरको काम वाकोता खाङधुरि पानाङ जेङखे।

1तिमोथि 1:9

केलाइ या बुङ गिन्हाखे, कि मोसाको व्यवस्था आसल काम पाका द्‍याङको भाअ्सिङ पिका माको, भरु परमेस्वरको व्यवस्था माकिकालाइहेङ कालाउ आनाग्या कारिगेलाइको भाअ्सिङ हि, जाइ परमेस्वरको आराधाना मापाखे कालाउ जाइ लागातार पाप पातेङ हिखे, दुस्ट द्‍याङगेलाइ कालाउ परमेस्वरको आदार मापाकालाइ कालाउ ताइको आमाइ-आबागेलाइहेङ कालाउ आरु द्‍याङगेलाइहेङ सेअ्कालाइको भाअ्सिङ,

1तिमोथि 2:10

कालाउ रेम्का कामगेलाइ पातेङ ताइमिहेङ सोबाइका बानाइलि, जाइ परमेस्वरको भक्ति पाका बेबालाइहेङ सोबाइखे।

1तिमोथि 3:16

हिदोइ बुङ साङखा माकोसिङ केलाइ मानिन्हाखे, कि केलाइको खाङधुरिको रहस्य हेन्जाङ माहान हि: ख्रिस्ट एमि द्‍याङको रुपता देखाल जेङहि, वा पबित्तरो आत्मासो परमेस्वरको चान साबित जेङहि, स्वर्गदुतगेलाइ वासेहेङ तिङहि, गोताङ सारभिगेलाइता वाको बारेता सुसमाचार हिङपाहि, सुमिङको गोताङ द्‍याङगेलाइ वाको ह्रुता खाङधुरि पाहि, कालाउ परमेस्वर वासेहेङ महिमाको स्वर्गता चुम्पुहि।

1तिमोथि 4:8

हाइपालिपानु जिउको कसरतहोइ जिउहेङ खिनिङ फाइदा जेङखे। कालाउ परमेस्वरको भक्तिचाहि गोताङ काथाता फाइदा हिखे, हाइपालिपानु इदोइहोइ एलाको जिबनता कालाउ न्हुसोको जिबनता फाइदा जेङखे।

1तिमोथि 6:11

कालाउ तिमोथि नाअ् परमेस्वरको जन इदोइ गोताङ मारेम्का काथागेलाइसो फारापा हिसु, कालाउ आसल कामता, भक्तिता, खाङधुरिता, प्रेम धर्यता कालाउ मोनोइ जेङका काथाता ताइको मन लागाइ।

1तिमोथि 6:20

तिमोथि, परमेस्वर नासेहेङ जेदोङ सुम्पिका हि, इङको रेम्फासो पाअ्‌। कालाउ हेथेते द्‍याङगेलाइ सुमिङको ब्यर्थको काथा जाइहेङ इम्बालाइ “ग्यान” दोअ्खे, इन्सिका धाताइका काथागेलाइसो फारापा हिसु।

1तिमोथि 6:3

जेसापा हासु बुङ धाताइका सिक्स्यागेलाइ धिरपाखे पानु, केलाइको प्रभु येसु ख्रिस्टको सत्ये सिक्स्या कालाउ परमेस्वरहेङ भक्ति पाका सिक्स्या दोफा सहमत माजेङखे।

1तिमोथि 6:5

कालाउ इसिका द्‍याङगेलाइको बिबेक साङकाहोइ पोङघाका हिखे, कालाउ आरु दोफा काथा पोसुखे। कालाउ इम्बालाइ सत्ये हाइ हि रो दोअ्तेङ बुझिलि मादोअ्खे, इम्बालाइ सोचिखे, कि परमेस्वरको बारेता धिरपाका एनोङ ताका कामाइका तरिका हि।

2 तिमोथि 2:16

इन्सिका आनाइ कालाउ फाल्तु काथागेलाइ दोअ्कालाइसो फारापा हिसु। हाइपालिपानु इन्सिका काथाहोइ द्‍याङगेलाइहेङ परमेस्वरसो झन दुरे बानाइखे।

2 तिमोथि 2:23

कालाउ हाइ दोङ मागिका आनाइ काथा जालबाजिगेलाइसो दुरे हिसु, हाइपालिपानु नासेहेङ थाहा दोङ हि, कि इसिका मारेम्का काथागेलाइसो चेरसुखे खिनिङ।

2 तिमोथि 3:12

परमेस्वरहेङ खुसि बानाइलि भोका कालाउ येसु ख्रिस्टता खाङधुरि पाका झाराङहेङ साताइयाङ।

2 तिमोथि 3:5

इम्बालाइ परमेस्वरको आदार पाका कोनिङ तिङपाखे कालाउ परमेस्वरको सरबुङहेङ ताइको मारेम्का जिबनसो परिबतन पालि आनुमति मापिखे। इसिका द्‍याङगेलाइको सङगतसो फारापा हिसु।

2 तिमोथि 4:4

इम्बालाइ सत्ये काथा माहिङखे कालाउ दन्त्य काथागेलाइ चाहि हिङलि मन्दा ताअ्खे।

तितस 1:14

कालाउ सत्येहेङ इन्कार पाका द्‍याङगेलाइको आग्या कालाउ यहुदि दन्ते काथाता ध्यान मापिसु।

तितस 2:12

हाइपालिपानु परमेस्वरको आनुग्रहहोइ केलाइहेङ मारेम्का जिबन जियाइलिसो रोकिखे, कालाउ वाको आनुग्रहसो केलाइ ताइमिहेङ काबुता ताअ्तेङ इदोइ सुमिङता सहि कालाउ आसल जिबन जियाइलि द्वाङ। जेदोङ चाहि परमेस्वरहेङ मन परिखे।

तितस 3:9

कालाउ आनाइ जालबाजिगेलाइ, पुर्खागेलाइको माओताका सुचि, बेकारको काथागेलाइ कालाउ मोसाको व्यवस्थाको बिसोइता चेरसुका काथागेलाइसो दुरे हिसु, हाइपालिपानु इङको ब्यर्थको काम मालागिका काथागेलाइ दोङ हि।

हिब्रु 5:14

कालाउ जाराउका चाका-आम्का चाहि खाङधुरिता बल्लियाका द्‍याङको भाअ्सिङ दोङ हि, वाते रेम्का-मारेम्का काथा लाअ्पालि दोका तालिम निङलि दोका हिखे।