1तिमोथि 4:6 - Dhimal NT

⁶ जेसापा नाअ् का एलाङ दोअ्का काथागेलाइ खान्धुराइ ओनेगेलाइहेङ धिरपान्हा पानु, नाअ् येसु ख्रिस्टको खाङधुरि योग्य सेवक जेनाना, जेदोङ खाङधुरिको सन्देसता बल्लियाका जेङका हिखे कालाउ आसल सिक्स्याहेङ पिताइकाताङ लोका हिखे।

धिमाल

⁶ ना इदोइ काथा खान्‍धुरिगेलाइहेङ धिरपान्‍हा पानु ना ख्रिस्‍ट इसुको रेम्‍का चाकर जेनाना। नाङको पाका खान्‍धुर रो रेम्‍का बिद्‌याता ना बाराकाताङ हानेका हिन्‍हा दोअ्‌का काथा या तिङपाखे।

1तिमोथि 4:6 Iomraidhean Croise

मत्‍ति 13:52

येसु आरोङ इम्बालाइहेङ दोअ्हि, ओदोङ भाअ्सिङ परमेस्वरको व्यवस्था धिरपाका द्‍याङ कालाउ काङको चात्यागेलाइ बुङ परमेस्वरको सासनता एमि साअ्को गिह्रि भाइका हिखे, जाइ ताइको भाकारसो मुल्यवान आनेमानेगेलाइ नावा कालाउ पुरना बाहार ओल्लेपाखे।

लुका 1:3

ओदोङ भाअ्सिङ आनाउ थियोफिलस का ताइमिङ लाम्फासोङ ध्यान पातेङ गोताङ काथागेलाइको बिसोइता भोका हिघा कासेहेङ या रेम्का लागिहि कि, का नाङको भाअ्सिङ इदोइ घाटानागेलाइ सारिपासोङ लेखेदोङखा।

साल्न्हाका चात्या 1:15

इङको दिनागेलाइता खान्धुराइ ओनेगेलाइ मध्येसो पतरुस जाअ्हि (उङको द्‍याङगेलाइको सङख्या माकुलाउ बुङ: एसाइ ए कुरि हिघाहि)।

साल्न्हाका चात्या 20:31

ओदोङ भाअ्सिङ इदोइ सम्झितेङ चङखे हिसु, कि का सुम बासार थेकापा झेम्पाङ लिपाङ मिति होपातेङ गोताङ द्‍याङगेलाइहेङ चेतान पितेङ हिघा।

साल्न्हाका चात्या 20:35

का गोताङ कामगेलाइता नेलाइहेङ उधाहरन पिका हिघा, कि इम्बालाइ बुङ एसापा दोङ थाङका मेहेनत पातेङ कोमजोर द्‍याङगेलाइहेङ साघाइलि गोइखे। प्रभु येसुको बचन फोम पासु, “कि हेसा वा ताइमिहेङ दोअ्का हि, ह्रुलि खान्तेङ भरु पिलि दोङ धन्य हि।”

रोमि 15:15

कालाउ परमेस्वर कासेहेङ पिका आनुग्रहको कारनहोइ नेलाइहेङ आरोङ आधे काथागेलाइ फोम पापालि का खुल्ला रुपहोइ लेखेका हिघा,

1 कोरिन्थि 4:17

ओदोङ भाअ्सिङ का तिमोथिहेङ नेलाइकोता दिङगिल्दोङखा। प्रभुता वा काङको मायारु कालाउ खाङधुरि योग्य चान भाइका हि। का गोताङ थामेगेलाइको मन्डलिता धिरपाका आन्सार येसु ख्रिस्टता काङको जिबन हिसिका हि तिमोथि नेलाइहेङ दोअ्तावा।

2 कोरिन्थि 11:23

हाइ इम्बालाइ ख्रिस्टको सेवकगेलाइ दोङ हि? का बुङ झन आसल सेवक हिघा, का पागाला भाइपाङ नुइ धुइतेङ हिघा, का इम्बालाइ खान्तेङ हेन्जाङ परिस्रोम पाघा इम्बालाइ खान्तेङ कासेहेङ हेन्जाङखे झ्यालखानाता ताअ्हि, कासेहेङ गान्दिलि मादोपाङ द्वालिहोइ म्हेहि, एसापा काङको प्रान घुरि-घुरि सङकटता परिहि।

2 कोरिन्थि 3:6

नावा कारारको सेवकगेलाइ जेङलि वा केलाइहेङ खुबि पिहि, इदोइ चाहि पबित्तरो आत्माको कारार हि, व्यवस्थाहोइ तेअ्पाका कारार माको, हाइपालिपानु मोसा लेखेका व्यवस्था माकिलिको परिनाम सिलि दोङ, भरु पबित्तरो आत्माते आनान्त जिबन पिखे।

2 कोरिन्थि 6:4

भरु इदोङ गोताङ काथागेलाइ केलाइ परमेस्वरको सत्ये सेवकगेलाइ हि दोअ्तेङ तिङपानाखे: सहनसिलता, कस्टता, आप्थारोता, आपत-बिपतता,

एफिसि 6:21

प्रभुता केलाइको आनाउ खान्धुराइ ओने कालाउ खाङधुरि योग्य सेवक तुखिकुस काङको बारेता गोताङ काथा नेलाइहेङ दोअ्प्याङ, कालाउकि नेलाइ बुङ थाहा निङलि दोसु कि का हिसिका हिघा, हाइ पादोङखा।

फिलिप्पि 2:20

तिमोथि भाइका नेलाइको जातिङको मनहोइ वास्ता पाका आरु द्‍याङ का दोफा हासु बुङ मान्थु।

फिलिप्पि 2:22

कालाउ नेलाइहेङ थाहा हि, कि हेसा वा ताइमिहेङ खाङधुरि योग्य तिङपाहि, जेसाङ चान आबा दोफा सेवा पाखे, एन्साङ दोङ तिमोथि का दोफा सुसमाचारको कामता सेवा पाहि।

फिलिप्पि 3:16

ओदोङ भाअ्सिङ परमेस्वर केलाइहेङ तिङपाका सत्ये आन्सार जिबन जियाइलि गोइखे।

कलस्सि 3:16

ख्रिस्टको बचनहोइ नेलाइको बिचारता रेम्फासो कामगेलाइ पालि पिसु, कालाउ पुरा बुद्दिमानि जेङतेङ एमिसो-भेनेङहेङ धिरपासु कालाउ साल्लाहा पिसु, कालाउ परमेस्वरहेङ ताइको ह्रदयसोङ धन्यबाद पितेङ आत्मिक भजन लेसु।

कलस्सि 4:7

जेलाउ तुखिकस केलाइको आनाउ खान्धुराइ ओने, खाङधुरि योग्य सेवक कालाउ प्रभुता दोफाङको दास तुखिकस नेलाइकोता ल्वाङ वा काङको बिसोइता गोताङ काथा नेलाइहेङ दोअ्प्यावा।

1 थेस्लोनिकि 3:2

कालाउ नेलाइहेङ ताइको खाङधुरिता इस्थिर कालाउ हाउसाइ पालि, परमेस्वरता ख्रिस्टको सुसमाचारको सेवक केलाइको दोफाङको ओने तिमोथिहेङ नेलाइकोता दिङगिल्का हिनाहि।

1तिमोथि 1:10

कासिबिरिगेलाइको भाअ्सिङ, वाबालसो-वाबालहेङ कुसुमि पाकागेलाइको भाअ्सिङ, द्‍याङगेलाइहेङ बान्धाइतिको रुपता पिइकालाइको भाअ्सिङ, धाताइका काथा पाकागेलाइको भाअ्सिङ, कालाउ धाताइका केरा चाकालाइको भाअ्सिङ, कालाउ सत्ये सिक्स्याको बिरोधता काम पाकालाइको भाअ्सिङ जेङका हि।

1तिमोथि 4:16

नाअ् हिसिका जिबन जियाइतेङ हिना कालाउ हाइ धिरपातेङ हिना इङको काथागेलाइता चङख हिसु। कालाउ इदोइ काथाता लागितेङ हिसु। एन्सा पाहे पानु परमेस्वर नासेहेङ कालाउ नाङको काथा हिङकागेलाइहेङ न्यायको दन्डसो बान्चि पावा।

1तिमोथि 6:3

जेसापा हासु बुङ धाताइका सिक्स्यागेलाइ धिरपाखे पानु, केलाइको प्रभु येसु ख्रिस्टको सत्ये सिक्स्या कालाउ परमेस्वरहेङ भक्ति पाका सिक्स्या दोफा सहमत माजेङखे।

2 तिमोथि 1:6

ओदोङ भाअ्सिङ का नासेहेङ परमेस्वर पिका इङको बरदानको बारेता फोम पापालि चाहिखा, जेदोङ बरदान का ताइको खुर नाङकोता ताअ्लाउ, परमेस्वर नासेहेङ पिका हिघाहि। इङको बरदानहेङ जोगाइतेङ ताअ्।

2 तिमोथि 3:10

कालाउ तिमोथि नाअ् गि, कि का हाइ धिरपाखा, कालाउ का हेसा जिबन जियाइखा, काङको योजाना हाइ हि, कालाउ का हाइ खाङधुरि पाखा। कालाउ नासेहेङ थाहा दोङ हि, का गोताङ खालको द्‍याङगेलाइ दोफा धर्यता कालाउ मायारु ब्यभार पाका हिघा, कालाउ कस्टगेलाइ बुङ सहिका हिघा।

2 तिमोथि 4:3

हाइपालिपानु इसिका सोमोइ लोदोङखे जेलाउ द्‍याङगेलाइ सत्ये सिक्स्याहेङ हिङलि माकितावा, कालाउ इम्बालाइ हेन्जा धाताइका सिक्स्यकसो ताइमिहेङ मन्दा ताअ्का काथा खिनिङ हिङलि भोखे।

तितस 2:1

कालाउ तितस नाअ् चाहि खान्धुराइगेलाइहेङ सहि सिक्स्यागेलाइ खिनिङ धिरपा।

1पतरुस 2:2

जेसाङ भरखङ जोलोम जेङका जामाललाइ ताइको आमाइको सुद्द दुधे भोखे, नेलाइ परमेस्वरको बचन धिरलि भोलि गोइखे, कालाउकि नेलाइ आत्मिक रुपता परिपक्क जेङलि दोसु। कालाउ आम्तिमता परमेस्वर नेलाइहेङ इदोइ सुमिङको खाराका आमेनेगेलाइसो पुरा रुपता बान्चि पावा।

२ युहन्‍ना 1:9

जेसापा हिदोइ बुङ द्‍याङ ख्रिस्टको सिक्स्याहेङ लागातार आनुसरन मापाखे, कालाउ इङको सिमासो बाहार हानिका द्‍याङ परमेस्वर दोफा वाको सामान्दा माहिखे, कालाउ ख्रिस्टको सिक्स्याहेङ लागातार केम्का द्‍याङको सामान्दा न्हेमि दोङ आबा परमेस्वर कालाउ वाको चान येसु ख्रिस्ट दोफा हिखे।

यहुदा 1:5

नेलाइ इदोइ गोताङ काथा गिका हिसुना, कालाउ बुङ एला का नेलाइहेङ फोमपापिलि भोखा, प्रभु इस्राएलिगेलाइहेङ बान्धाइतिसो लाअ्पाहि, कालाउ इम्बालाइहेङ मिस्रो सारभिसो बाहार ओल्लेपाहि, कालाउ न्हुसो वाकोता खाङधुरि मापाका झाराङहेङ वा चाका-मान्दा थामेता सेअ्हि।