1तिमोथि 4:4 - Dhimal NT

⁴ हाइपालिपानु परमेस्वर सिरजाइका गोताङ काथा आसल हि, कालाउ परमेस्वरहेङ धन्यबाद दोफाङ ग्रहन पातेङ केलाइ हिदोइ बुङ आमेने चाअ्लि इन्कार पातेङ हिलि मागोयाङ।

धिमाल

⁴ परमेस्‍वरसो सिरजाइन्‍हाका गोताङ थोकगेलाइ रेम्‍का हि। परमेस्‍वरहेङ च्‍याबास चार्‍हाइतेङ इङको थोकगेलाइ चालि एल्‍खे रो हिदिङ थोक बुङ इन्‍कार पालि मागोयाङ।

1तिमोथि 4:4 Iomraidhean Croise

साल्न्हाका चात्या 10:15

कालाउ आरोङ न्हुसो न्हेतेङ पोल्ति वा इङको गाला हिङहि, “परमेस्वर जेदोङ सुद्द पाका हि नाअ् यासेहेङ आपबित्तरो माअ्दो।”

साल्न्हाका चात्या 15:29

मुर्तिगेलाइहेङ चाढाइका भोग माचासु, हिति माआम्सु, निर्धा मेतेङ सेअ्का गपुसगेलाइको बिहा माचासु, कासिबिरिसो दुरे हिसु। जेसापा नेलाइ इसिका काथागेलाइसो दुरे हिसुन्हा पानु, नेलाइहेङ रेम्फा जेनावा। कालाउ एला केलाइ बिदा ह्रेन्हाखे।”

साल्न्हाका चात्या 21:25

कालाउ गैर-यहुदि जाइ खाङधुरि पाका हि, इम्बालाइ मुर्तिगेलाइहेङ चाढाइका भोग कालाउ निर्घा मेतेङ सेअ्का गपुसको बिहा कालाउ हिति माचासु कालाउ कासिबिरिसो दुरे हिलि गोइखे दोअ्का केलाइ निर्नय गितेङ केलाइ या पात्तारा लेखेतेङ पिगिल्का हिनाहि।”

रोमि 14:14

का गिखा, कालाउ प्रभु येसुता कासेहेङ निस्चित हि, कि हिदोइ बुङ चाका आमेने ताइमिङता आसुद्द माजेङखे, भरु जाइ इङको आसुद्द थानिखे वाको भाअ्सिङ इङको आसुद्ददोङ जेङखे।

रोमि 14:20

हाइपालिपानु चालि-आम्लिको भाअ्सिङ परमेस्वरको कामहेङ मानासापासु। साचिकोङ इङको गोताङ आमेने सुद्द हिखे, कालाउ ताइमि चाका आमेनेहोइ आरुगेलाइहेङ पाप पालि लागाइनु इङको चालि चाहि खाराब हि।

रोमि 14:6

जेदोङ द्‍याङ हिदोइ बुङ दिनागेलाइहेङ बिसेस रुपता मानिखे, वा प्रभुको आदरको भाअ्सिङ मानिखे। जेदोङ द्‍याङ बिहा चाखे, वा प्रभुको भाअ्सिङ चाखे, हाइपालिपानु वा परमेस्वरहेङ धन्यबाद पिखे। जेदोङ द्‍याङ बिहा माचाखे, वा परमेस्वरको आदरको भाअ्सिङ माचाखे कालाउ परमेस्वरहेङ धन्यबाद पिखे।

1 कोरिन्थि 10:23

नेलाइ दोअ्सुखेना केलाइ गोताङ काथा पालि द्वाङ। एइ कालाउ गोताङ काथा केलाइको एल्का माको। केलाइ हाइ दोङ पालि द्वाङ, कालाउ गोताङ काथागेलाइहोइ परमेस्वरता केलाइको खाङधुरि बल्लियाका बानाइयाङ।

1 कोरिन्थि 10:25

जेलाउ नेलाइ दोकानगेलाइसो बिहा चोल्तेङ चुमासुखेना, इङको मुन्दिरता भोग पितेङ चुमाका हि कि दोअ्तेङ मासोचिसु, भरु हाइ दोङ मासोचिसिङ चासु।

1 कोरिन्थि 10:26

नेलाइ इदोइ चालि दोस्वाना, हाइपालिपानु धर्मसास्तरता इसिका लेखेका हि, “प्रिथिबि कालाउ इता हिका गोताङ आमेनेगेलाइ प्रभुको दोङ हि।”

1 कोरिन्थि 10:30

जेसापा का धन्यबाद पितेङ चाअ्खा पानु, का धन्यबाद पितेङ चाका आमेनेता हाइ पालि आरु कासेहेङ दुसिखे?

1तिमोथि 4:3

इन्सिका द्‍याङगेलाइ धिरपाखे कि बिहु पालि माएल, कालाउ हेथेते आमेनेगेलाइ चाअ्लि माएल। कालाउ खाङधुरि पाकालाइ कालाउ सत्ये काथा गिकालाइ धन्यबाद पितेङ चाअ्लि एल, हाइपालिपानु परमेस्वर दोङ इङको गोताङ चाअ्का आमेने सिरजाइहि।