1तिमोथि 4:3 - Dhimal NT

³ इन्सिका द्‍याङगेलाइ धिरपाखे कि बिहु पालि माएल, कालाउ हेथेते आमेनेगेलाइ चाअ्लि माएल। कालाउ खाङधुरि पाकालाइ कालाउ सत्ये काथा गिकालाइ धन्यबाद पितेङ चाअ्लि एल, हाइपालिपानु परमेस्वर दोङ इङको गोताङ चाअ्का आमेने सिरजाइहि।

धिमाल

³ एबालाइ बिहुपालि माएलाङ रो हेथे थोकचाहिँ चालिमाएलाङ दोअ्‌तेङ द्‍याङगेलाइहेङ धिरपाखे। कालाउ खान्‍धुर पाका रो सतहेङ नाल्‍कालाइ च्‍याबास चार्‍हाइतेङ इदोइ चाका थोकगेलाइ चालिएल्‍खे। हाइदोनु इदोङ गोताङ थोकगेलाइ परमेस्‍वर दोङ सिरजाइका।

1तिमोथि 4:3 Iomraidhean Croise

मत्‍ति 14:19

कालाउ न्हुसो येसु गोताङ द्‍याङगेलाइहेङ सिङजालजालका घासिता तोम्बा-तोम्बा बानाइहि कालाउ योम्लि आग्या पिहि। येसु इङको नालोङ तोले कालाउ न्हेनोङ हाया चुम्तेङ स्वर्ग भारि म्हाल्तेङ परमेस्वरहेङ धन्यबाद पिहि, कालाउ इङको तोलेगेलाइ पोङहि कालाउ द्‍याङगेलाइको आगाता ताअ्पि दोअ्तेङ चात्यागेलाइहेङ पिहि, कालाउ इङको न्हेनोङ हाया बुङ वा झाराङहेङ बाख्राइपिहि।

मत्‍ति 15:11

जेदोङ झोको काथा नुइलिता दुल्खे, इङको द्‍याङहेङ आसुद्द मापाखे। कालाउ बुङ जेदोङ नुइसो बाहार ओल्लेखे, इङकोहोइ दोङ द्‍याङहेङ आसुद्द बानाइखे।

मत्‍ति 15:36

येसु न्हि लोङ तोले कालाउ हायागेलाइ खुरता चुम्तेङ इङको को भाअ्सिङ परमेस्वरहेङ धन्यबाद पिहि। कालाउ वा इङको तोले टुक्रा-टुक्रा पोङतेङ चात्यागेलाइहेङ पिहि। ओबालाइ द्‍याङगेलाइहेङ बाखाराइ पिहि।

लुका 24:30

येसु जेलाउ चाअ्लि ओबालाइ दोफा योमहि, कालाउ तोलेको भाअ्सिङ परमेस्वरहेङ धन्यबाद पिहि। कालाउ वा इङको तोले पोङहि कालाउ ओबालाइहेङ पिलि तेङहि।

युहन्‍ना 6:23

कालाउ तेबेरियासो आरोङ नाउगेलाइ इङको थामेको भेरपा लोहि, जेता प्रभु धन्यबाद पितेङ कालाउ न्हुसो, इम्बालाइ तोले चाका हिघाहि।

साल्न्हाका चात्या 27:35

पावल दोङ एसा दोअ्लि दोअ्तेङ वा तोले ह्रुहि कालाउ झाराङको आगाता परमेस्वरहेङ धन्यबाद पितेङ तोले पोङतेङ चालि तेङहि।

रोमि 14:17

हाइपालिपानु परमेस्वरको सासनता चालि कालाउ आम्लि महत्व पुर्न माको, कालाउ महत्व पुर्न काथा चाहि धार्मिकता, सान्ति कालाउ आनान्द हि जाइ पबित्तरो आत्मा पिखे।

रोमि 14:3

बिहा चाकालाइ सारसिङ चाकालाइहेङ तुच्स माथान्याको, कालाउ सारसिङ चाकालाइ बिहा चाकालाइहेङ मादुसियाको। हाइपालिपानु परमेस्वर न्हेमिहेङ दोङ सुइकार पाका हि।

रोमि 14:6

जेदोङ द्‍याङ हिदोइ बुङ दिनागेलाइहेङ बिसेस रुपता मानिखे, वा प्रभुको आदरको भाअ्सिङ मानिखे। जेदोङ द्‍याङ बिहा चाखे, वा प्रभुको भाअ्सिङ चाखे, हाइपालिपानु वा परमेस्वरहेङ धन्यबाद पिखे। जेदोङ द्‍याङ बिहा माचाखे, वा परमेस्वरको आदरको भाअ्सिङ माचाखे कालाउ परमेस्वरहेङ धन्यबाद पिखे।

1 कोरिन्थि 6:13

आधिमि दोअ्तावा, “चाका आनेमाने जिउको भाअ्सिङ, कालाउ जिउ चाहि चाका आनेमानेको भाअ्सिङ हि।” इङको थिकोङ हि, कालाउ परमेस्वर केलाइको जिउ कालाउ चाका आनेमाने न्हेमिहेङ नासा पाङ। केलाइको जिउ कासिबिरिको भाअ्सिङ माको, कालाउ केलाइको जिउ चाहि प्रभुको भाअ्सिङ हि, कालाउ प्रभुको सेवा पालिको भाअ्सिङ हि।

1 कोरिन्थि 7:28

कालाउ नेलाइ बिहु पासुना पानु इङको पाप माको, कालाउ धानि बेजान बिहु पानु बुङ इङको पाप माको। कालाउ बुङ बिहु पाकालाइ चाहि इदोइ सुमिङता हिलाउ जिबनता दुख निनावा, कालाउ का नेलाइहेङ यासो जोगाइलि भोखा।

1 कोरिन्थि 8:8

कालाउ चाका-आम्का आनेमानेहोइ केलाइहेङ परमेस्वरको भेरपा माबानाइखे। माचालाउ बुङ परमेस्वरको नजरता केलाइ आयोग्य माजेङन्हाखे, कालाउ चालाउ बुङ केलाइ परमेस्वरको नजरता आसल माजेनाङ।

कलस्सि 2:16

ओदोङ भाअ्सिङ चाअ्का कालाउ आम्काता, माकुनु पार्बा दिना, माकुनु औसिको उत्सब मानिका माकुनु परमेस्वरको पबित्तरो दिना मानिका बिसोइता हिदोइ बुङ द्‍याङ नेलाइहेङ मादुसियाको। कालाउ हासु बुङ नेलाइको न्याय मापाको।

कलस्सि 3:17

नेलाइ जिस्काङ दोअ्लाउ बुङ, जेदोङ पालाउ बुङ गोताङ काथा प्रभु येसुकोङ मिङता पासु कालाउ वाको पाहासोङ परमेस्वर आबाहेङ धन्यबाद चढाइसु।

1तिमोथि 2:4

गोताङ द्‍याङगेलाइ मुक्ति निनाको कालाउ इम्बालाइ सत्येको ग्यानता ल्वाको दोअ्का इच्छा वा पाखे।

1तिमोथि 4:4

हाइपालिपानु परमेस्वर सिरजाइका गोताङ काथा आसल हि, कालाउ परमेस्वरहेङ धन्यबाद दोफाङ ग्रहन पातेङ केलाइ हिदोइ बुङ आमेने चाअ्लि इन्कार पातेङ हिलि मागोयाङ।

1तिमोथि 5:14

ओदोङ भाअ्सिङ का साल्लाहा पिखा, कि म्हुइका उमेरको के सिकालाइ बिहु पाको, चान-चामिन्दिगेलाइ जोलोम पाको, ताइको साअ् सामाराइयाको, कालाउ बिरोधिगेलाइ इम्बालाइको बादनाम पाका मौका मानिनाङ।

हिब्रु 13:4

झाराङको माझाता बिहु चाहि आदारनिय ह्याको, कालाउ एमिसो-भेनेङ दोफा जेलाउ बुङ खाङधुरि योग्य जेङतेङ हिसु, हाइपालिपानु दुराचारि कालाउ कासिबिरिगेलाइको न्याय परमेस्वर पावा।

हिब्रु 13:9

नेलाइहेङ थाहा माजेङका आचाम्माको सिक्स्याको मारेम्का दामाता मालागिसु, कालाउ चाका-आम्का आमेनेको बारेता नियमगेलाइ मानितेङ माको, भरु परमेस्वरको आनुग्रहता नेलाइको ह्रदय बल्लियाका ह्याको। हाइपालिपानु इन्सिका मुन्धुम पालि केम्कालाइको उपकार जेङका मान्थु।