1तिमोथि 4:13 - Dhimal NT

¹³ का इन्ता मालोका थेकापा नाअ् खान्धुराइगेलाइहेङ धर्मसास्तर बार्का गालाहोइ पढेतेङ हिङपा, हाउसाइपा कालाउ धर्मसास्तरको आर्था खोलिपि।

धिमाल

¹³ का मालोपाधाउ ना द्‌याङगेलाइहेङ धरमकिताब पर्‍हेतेङ हिम्‍पा, हिमत पितेङ पारचार पा रो बोमिहेङ बिद्‍या पिका काथाता मन लागाइ।

1तिमोथि 4:13 Iomraidhean Croise

युहन्‍ना 5:39

नेलाइ धर्मसास्तरता ध्यान पातेङ आध्यान पासुखेना, हाइपालिपानु इन्ता आनान्त जिबन निनाङबे दोअ्तेङ, नेलाइ मानिसुखेना। काङको बिसोइता धर्मसास्तर दोङ साक्सि पिखे।

साल्न्हाका चात्या 17:11

इताको यहुदिगेलाइ थेसलोनिकि सहरको द्‍याङगेलाइ खान्तेङ हेन्जा आसल हिघाहि। हाइपालिपानु इम्बालाइ मेनाङ चासो पातेङ पावल कालाउ सिलासको दोअ्का बचन हिङतेङ हिघाहि। कालाउ इङको काथागेलाइ ठिक हि कि मान्थु दोअ्तेङ दिनाङ-दिनाङ धर्मसास्तर पढेतेङ जाचिघाखे।

साल्न्हाका चात्या 6:4

कालाउ केलाइ चाहि प्रार्थाना कालाउ बचन प्रचार कालाउ सिक्स्या पिकाता पुराङ सोमोइ पियाङ।”

रोमि 12:8

हाउसाइ पिकालाइ हाउसाइ प्याको, दान पिका बरदान हि पानु उद्दार मनसो दान प्याको, आगुवाइ पाकालाइ रेम्फासो आगुवाइ पाको, कालाउ दायाकालाइ खुसिसो दाया पाको।

1 कोरिन्थि 14:26

खान्धुराइ ओनेगेलाइ, का दोअ्लि खाङका काथा इदोइ दोङ हि, कि जेलाउ नेलाइ आराधानाको भाअ्सिङ ए दोफाङ जोम्सुखेना, नेलाइ मध्ये आधिमि भजन लेका, आधिमि सिक्स्या पिखे, आधिमि परमेस्वरसो लोका प्रकासको काथा पाखे, आधिमि परिपरिको भासा धुइखे कालाउ आधिमि दोफा इङको को माने खोलि पिका बरदान हिखे। इदोइ गोताङ काथा मन्डलिको खाङधुरिको उन्नतिको भाअ्सिङ हिलि गोइखे।

1 कोरिन्थि 14:3

कालाउ आगमबानि धुइकालाइ खान्धुराइगेलाइहेङ खाङधुरिता बल्लियाका बानाइलि, हाउसा पिलि कालाउ सान्ति पिलिको भाअ्सिङ वा धुइखे।

1 कोरिन्थि 14:6

ओदोङ भाअ्सिङ खान्धुराइ ओनेगेलाइ, जेसापा का नेलाइकोता लोतेङ परिपरिको भासाता धुइघा पानु, नेलाइहेङ काङकोसो हाइ फाइदा जेनावा रो? भरु जेसापा नेलाइकोता का हिदोइ बुङ काथाको प्राकास माकुनु आधे मुख्य ग्यान माकुनु आगमबानि चुमाघा पानु काङकोसो नेलाइहेङ फाइदा जेनावा।

1तिमोथि 4:16

नाअ् हिसिका जिबन जियाइतेङ हिना कालाउ हाइ धिरपातेङ हिना इङको काथागेलाइता चङख हिसु। कालाउ इदोइ काथाता लागितेङ हिसु। एन्सा पाहे पानु परमेस्वर नासेहेङ कालाउ नाङको काथा हिङकागेलाइहेङ न्यायको दन्डसो बान्चि पावा।

1तिमोथि 4:6

जेसापा नाअ् का एलाङ दोअ्का काथागेलाइ खान्धुराइ ओनेगेलाइहेङ धिरपान्हा पानु, नाअ् येसु ख्रिस्टको खाङधुरि योग्य सेवक जेनाना, जेदोङ खाङधुरिको सन्देसता बल्लियाका जेङका हिखे कालाउ आसल सिक्स्याहेङ पिताइकाताङ लोका हिखे।

2 तिमोथि 3:15

नाअ् जामालसोङ पबित्तरो धर्मसास्तरको काथागेलाइ धिरका हिना। इदोइ धर्मसास्तर दोङ नासेहेङ इदोइ बुझिलि साघाइयाङ कि येसु ख्रिस्टता खाङधुरि पानाङ परमेस्वर नासेहेङ बान्चि पावा।

2 तिमोथि 4:2

नाअ् जिसिकाङ आबास्थाता बुङ परमेस्वरको बचन प्राचार पालि तियार जेङ, कालाउ द्‍याङगेलाइ गोल्ति पालाउ इम्बालाइहेङ सम्झाइसु कालाउ आसल पालि हाउसाइ पासु। कालाउ इदोइ गोताङ काथागेलाइ धर्य पातेङ रेम्फासो धिरपा।

तितस 2:15

तितस, का नासेहेङ धिरपाका काथा इन्ता क्रेट टापुता हिका खान्धुराइगेलाइहेङ धिरपा। कालाउ ताइको द्‍याङगेलाइहेङ हाउसाइपा कालाउ गोल्ति पानु इम्बालाइहेङ सच्याइपा नाअ् दोफा या पालि खाबारा हि। कालाउ हासु बुङ नासेहेङ हेला पालि माउका मापि।