1तिमोथि 4:10 - Dhimal NT

¹⁰ हाइपालिपानु केलाइ ताइको खाङधुरिको भाअ्सिङ थाङका परिस्रोम कालाउ सङघरस पान्हाखे, हाइपालिपानु केलाइको आस सिन्हुका परमेस्वरता ताअ्का हिनाहि, जाइ गोताङ द्‍याङको बिसेस पातेङ वाको ह्रुता खाङधुरि पाकागेलाइको मुक्ति दाता हि।

धिमाल

¹⁰ इदोइभाअ्‌सिङ केलाइ मिनेत पातेङ काम पान्‍हाखे हाइदोनु केलाइको आस सिन्‍हुका परमेस्‍वरता ताअ्‍का हिन्‍हाहि। वा दोङ गोताङ द्‌याङगेलाइहेङ खास पातेङ वाता खान्‍धुर ताअ्‌का झोकोहेङ छुटकारा पिका परमेस्‍वर हि।

1तिमोथि 4:10 Iomraidhean Croise

मत्‍ति 16:16

सिमोन पतरुस जोबाफ पिहि, “नाअ् चाहि बान्चिका परमेस्वरको चान ख्रिस्ट हिना परमेस्वर पाहासो दिङगिल्का।”

मत्‍ति 27:43

वा परमेस्वरता आस ताअ्का हि, परमेस्वर दोङ वासेहेङ बान्चि पाको। जेसापा परमेस्वर वासेहेङ लाअ्पालि खाङनु, वासेहेङ एलाङ दोङ लाअ्पाको हाइपालिपानु वा ताइमिङ दोअ्का हि का परमेस्वरको चान हिघा।

युहन्‍ना 1:29

न्हु दिना युहान्‍ना येसुहेङ ताइकोभारि लोका तिङतेङ दोअ्हि, खाङ, या दोङ ताइमिहेङ बलि पितेङ, सुमिङको पाप तोल्हितेङ चुम्पुका परमेस्वरको थुमा हि!

युहन्‍ना 4:42

उङको बेबालहेङ इम्बालाइ दोअ्हि, “एला नाङको दोअ्का काथाता खिनिङ माको, कालाउ केलाइ ताइमि दोङ वाको सन्‍देस हिङका कारनसो केलाइ खाङधुरि पाङ। जातिङकोङ वा दोङ सुमिङको मुक्ति दाता दोअ्तेङ केलाइ गिका हिनाहि।”

युहन्‍ना 5:24

जातिङ भारि का नेलाइहेङ दोअ्खा, जाइ काङको बचन हिङखे कालाउ कासेहेङ दिङगिल्काहेङ खाङधुरि पाखे, उङको दोफा आनान्त जिबन हि। ओबालाइहेङ दन्ड माप्याङ कालाउ इम्बालाइ आनान्त कालको सिकासो बान्चियाङ कालाउ लाम्फासोङ नावा जिबनता दुल्लि दोका हि।

1 कोरिन्थि 15:10

कालाउ का परमेस्वरको आनुग्रहहोइ छाल्न्हाका चात्या हिघा, कालाउ वाको आनुग्रह काङको जिबनता प्रभाबकारि हिघाहि। भरु का ते छाल्का चात्यागेलाइ खान्तेङ इस्तु परिस्रोम पाघा। कालाउ बुङ का माको, कालाउ परमेस्वरको आनुग्रहहोइ कासेहेङ साघाइहि।

2 कोरिन्थि 1:10

वा दोङ केलाइहेङ सिकासो थिलि गोइका जोखिमसो लाअ्पाहि, कालाउ वा दोङ केलाइहेङ बान्चिपाङ, हाइपालिपानु वाको ह्रुता दोङ केलाइ केलाइको भोरोसा ताअ्का हिनाहि, कि वा केलाइहेङ आरोङ बुङ बान्चिपाङ।

1तिमोथि 2:3

इसिका प्रार्थाना ठिक हि, कालाउ केलाइको मुक्ति दाता परमेस्वर बुङ इदोइ दोङ काथा मन्दा ताअ्खे।

1तिमोथि 2:4

गोताङ द्‍याङगेलाइ मुक्ति निनाको कालाउ इम्बालाइ सत्येको ग्यानता ल्वाको दोअ्का इच्छा वा पाखे।

1तिमोथि 2:6

ख्रिस्ट गोताङ द्‍याङगेलाहेङ पाप कालाउ सिकाको सरबुङसो लाअ्पालि मोल तिरितेङ ताइमिहेङ बलिदान पिहि। कालाउ वाको सिकासो परमेस्वर झाराङ द्‍याङ बान्च्याको दोअ्तेङ ठिक सोमोइता प्रमान पिहि।

1तिमोथि 3:15

कालाउकि हिसो बुङ का न्हुलाउ बुङ, नेलाइ गिसु कि केलाइ हेसा परमेस्वरको जाहानको रुपता जिबन जियाइलि गोइखे, जेदोङ चाहि परमेस्वरको मन्डलि बुङ हि। इदोइ खान्धुराइगेलाइ सत्ये सिक्स्याहेङ जोगाइतेङ ताअ्खे। जेसाङ जोग कालाउ खाम्बाहोइ साअ्हेङ आड् पिखे।

1तिमोथि 6:17

इदोइ सुमिङको धनिगेलाइहेङ घमन्ड माजेङलि आदेस पिसु, कालाउ इम्बालाइ ताइको आसथाइ सम्पतिता भोरोसा माताताको, कालाउ केलाइको सुखको भाअ्सिङ गेनेगेल्पा पिका परमेस्वर ह्रुता इम्बालाइ आस पाको, कालाउकि केलाइ आनान्द पालि द्वाको

हिब्रु 11:26

मोसा मिस्रो सारभिको धन सम्पति खान्तेङ ख्रिस्टको भाअ्सिङ खाङलि माकिका जेङलि वा झन बार्का सम्पति थानिहि। हाइपालिपानु वा ताइको इनाम निङका दामा खाङतेङ हिघाहि।

हिब्रु 13:13

ओदोङ भाअ्सिङ केलाइ बुङ सहर बाहार वाकोता हानाइने कालाउ वा दोङ सहिका बेइज्यत केलाइ बुङ सहियाइने।

1पतरुस 1:21

हाइपालिपानु ख्रिस्टको पाका कामको कारनहोइ, नेलाइ एला परमेस्वरता खाङधुरि पासुखेना। कालाउ नेलाइ ताइको खाङधुरि कालाउ आस परमेस्वरता ताअ्का हिसुना, हाइपालिपानु वा ख्रिस्टहेङ सिकासो सिन्चाल पाहि कालाउ वासेहेङ बारका महिमा पिहि।

१ युहन्‍ना 2:2

कालाउ केलाइको पापको भाअ्सिङ ख्रिस्ट बलि जेङपिहि, कालाउ केलाइको भाअ्सिङ खिनिङ माको, कालाउ सारा सुमिङको द्‍याङगेलाइको पापको भाअ्सिङ बुङ।

१ युहन्‍ना 4:14

केलाइ चानहेङ तिङका हिनाहि, कालाउ साक्सि पिनाखे, कि आबा परमेस्वर ताइको चानहेङ सुमिङको द्‍याङगेलाइको भाअ्सिङ मुक्ति दाता जेङलि दिङगिल्हि।