1तिमोथि 3:7 - Dhimal NT

⁷ कालाउ मन्डलि बाहारको द्‍याङगेलाइ बुङ वा एमि आसल द्‍याङ हि दोअ्लि गोइयावा। कालाउकि द्‍याङगेलाइ वाको बारेता मारेम्का काथागेलाइ मापाङ। कालाउ वा साइतानको जाल्ता मापरियाङ।

धिमाल

⁷ इन्‍सिका आगुवाचाहिँ ताइको मन्‍डलिता खिनिङ माको मन्‍डलि बाहार बुङ मान निङका हिलि गोयाङ। एन्‍सा जेङनु खिनिङ इङकोहेङ द्‌याङगेलाइ निन्‍दा मापावा रो इङको दियाबलसको आस्‍तिता मादेकावा।

1तिमोथि 3:7 Iomraidhean Croise

मर्कुस 4:11

येसु इम्बालाइहेङ दोअ्हि, “नासेहेङ परमेस्वरको सासनको रहस्य पिका हि, जाइ परमेस्वरको सासनको बाहार हिकालाइहेङ निङपिका पाहासो गोताङ काथा दोअ्पिहि।”

साल्न्हाका चात्या 10:22

उङको द्‍याङगेलाइ दोअ्हि, “कप्तान कर्निलियस केलाइहेङ दिङगिल्का हि, वा आसल कालाउ परमेस्वरहेङ थिअ्का द्‍याङ हि। कालाउ गोताङ यहुदि जातिगेलाइसो साम्मान निङका द्‍याङ हि, एमि पबित्तरो स्वर्गदुत वाकोता देखाल जेङहि कालाउ नासेहेङ वाको साअ्ता काइतेङ नाङको उपदेस हिङका आग्या स्वर्गदुत पिका हि।”

साल्न्हाका चात्या 22:12

दमिसकस सहरता, एमि हननिया मिङ हिका द्‍याङ हिघाहि, वा मोसाको व्यवस्था पालन पालि भक्त हिघाहि। इन्ता हिका यहुदिगेलाइ वासेहेङ साम्मान पाघाखे।

साल्न्हाका चात्या 6:3

ओदोङ भाअ्सिङ ओइ खान्धुराइ ओनेगेलाइ, नेलाइ मध्येसो पबित्तरो-आत्मा कालाउ बुद्दिहोइ पोङघाका कालाउ जाइको बारेता गिखे, न्हिमि द्‍याङगेलाइ छाल्सु, जाइहेङ केलाइ इदोइ कामता नियुक्त पाइने।

1 कोरिन्थि 10:32

एसापा दोङ हासुहेङ बुङ पाप पालि लागाइका काम मापासु, चाहे यहुदिगेलाइहेङ माकुनु गैर-यहुदिगेलाइहेङ, चाहे परमेस्वरको मन्डलिगेलाइ ह्याको।

1 कोरिन्थि 5:12

हाइपालिपानु खाङधुरि मापाका द्‍याङगेलाइको न्याय पाका काम काङको माको। कालाउ नेलाइ ताइको मन्डलिता हिकालाइहेङ सुधिर पालि गोइखे।

2 कोरिन्थि 6:3

परमेस्वरहेङ साघाइका द्‍याङ जेङतेङ केलाइको सेवाता हासु बुङ दुसिका मानिनाको दोअ्तेङ केलाइ हासुको बुङ दामाता बाधाको कारन माजेनाङ।

2 कोरिन्थि 8:21

हाइपालिपानु केलाइ प्रभुको नजरता खिनिङ माको, भरु द्‍याङगेलाइको नजरता बुङ जेदोङ आदारनिय हि इङको काम पालि ताइको ध्यान प्याङ।

कलस्सि 4:5

नेलाइ खान्धुराइगेलाइ दोङ हिसुना दोअ्तेङ तिङपालिको भाअ्सिङ गोताङ आबसर रेम्फा प्रयोग पासु, येसुता खाङधुरि मापाकालाइ दोफा बुद्दिमानि दोफा ब्यभाहार पासु।

1 थेस्लोनिकि 4:12

कालाउकि खाङधुरि मापाका द्‍याङगेलाइ बुङ नेलाइको ब्यभार तिनावा कालाउ आदार पावा। कालाउ नेलाइहेङ खाचो परिलाउ हासु बुङ दोफा भर परिलि मागोइयावा।

1 थेस्लोनिकि 5:22

गोताङ खालको मारेम्का काथागेलाइ इन्कार पासु।

1तिमोथि 3:6

वा नावा खान्धुराइ माह्याको, माकुनुते वा घमन्डि जेनावा कालाउ साइतान निङका भाइकाङ साजाइ निनावा।

1तिमोथि 5:14

ओदोङ भाअ्सिङ का साल्लाहा पिखा, कि म्हुइका उमेरको के सिकालाइ बिहु पाको, चान-चामिन्दिगेलाइ जोलोम पाको, ताइको साअ् सामाराइयाको, कालाउ बिरोधिगेलाइ इम्बालाइको बादनाम पाका मौका मानिनाङ।

1तिमोथि 6:9

कालाउ धनि जेङलि इच्छा पाका द्‍याङगेलाइ परिक्स्याता परिखे, कालाउ गुपुस लाअ्साता देका भाइपाङ इम्बालाइ लाअ्साता देखे। कालाउ इम्बालाइ इसिका काम पालि भोखे जेदोङ आनाइ कालाउ खतारानाक जेङखे कालाउ इसिका मारेम्का इच्साहोइ वासेहेङ नासाका थामेता थुका पापुखे।

2 तिमोथि 2:26

कालाउ ओबालाइ चेताना निङतेङ साइतानको जालेसो खाअ्तावा, कालाउ साइतान ओबालाइहेङ ताइको इच्छा आन्सार चलिलि बन्दि बानाइका हि।

तितस 2:5

कालाउ इम्बालाइ ताइमिहेङ काबुता ताअ्का, ताइको के दोफा खाङधुरि योग्य जेङलि, दायाका, रेम्फा साअ् पातेङ चाका कालाउ के को आधिनता हिलि धिरपाको, कालाउकि परमेस्वरको बचनको निन्दा जेङलि मानिनाको।

तितस 2:8

कालाउ नाङको सिक्स्या जेलाउ बुङ सहि कालाउ हासु बुङ निन्दा पालि मादोअ्का ह्याको, कालाउकि नाअ् येसुको भाअ्सिङ पाका कामको बिरोध पालाउ, इम्बालाइ लेदेरलि गोयाको, कालाउ इम्बालाइ केलाइको बारेता हाइ दोङ मारेम्का काथा दोअ्लि मानिनाङ।

३ युहन्‍ना 1:12

मन्डलिता झाराङ दोअ्खे, कि डेमेतिरियस एमि रेम्का द्‍याङ दोङ हि, हाइपालिपानु वा सत्ये परमेस्वरको बचन आन्सार ताइको जिबन जियाइखे। कालाउ केलाइ बुङ दोअ्न्हाखे कि वा एमि रेम्का द्‍याङ हि, कालाउ नाअ् गिखेना कि केलाइको साक्सि सत्ये हि।