1तिमोथि 3:15 - Dhimal NT

¹⁵ कालाउकि हिसो बुङ का न्हुलाउ बुङ, नेलाइ गिसु कि केलाइ हेसा परमेस्वरको जाहानको रुपता जिबन जियाइलि गोइखे, जेदोङ चाहि परमेस्वरको मन्डलि बुङ हि। इदोइ खान्धुराइगेलाइ सत्ये सिक्स्याहेङ जोगाइतेङ ताअ्खे। जेसाङ जोग कालाउ खाम्बाहोइ साअ्हेङ आड् पिखे।

धिमाल

¹⁵ कालाउ का लोलि बेलोमघा पानु बुङ परमेस्‍वरको साअ्‌ता हेसापा काम पालि, इङको काथा इदोइ चिथिसो गेसु। परमेस्‍वरको साअ्‌चाहिँ सिन्‍हुका परमेस्‍वरको मन्‍डलि। इदोइ सतको खाम्‍भा रो जग बुङ।

1तिमोथि 3:15 Iomraidhean Croise

मत्‍ति 16:16

सिमोन पतरुस जोबाफ पिहि, “नाअ् चाहि बान्चिका परमेस्वरको चान ख्रिस्ट हिना परमेस्वर पाहासो दिङगिल्का।”

मत्‍ति 18:18

जातिङ भारि का नेलाइहेङ दोअ्खा, जेलाउ नेलाइ इदोइ प्रिथिबिता न्यायको भाअ्सिङ धेउस्वाना कालाउ इङको न्याय स्वर्गता परमेस्वरको न्याय जेनावा। जेलाउ नाअ् इङको प्रिथिबिता हासुहेङ बुङ माफ प्याना कालाउ इङको माफ परमेस्वरको माफ जेनावा।

युहन्‍ना 1:17

हाइपालिपानु व्यवस्था मोसा पाहासो पिहि, कालाउ परमेस्वर दोङ आनुग्रह कालाउ सत्ये चाहि येसु ख्रिस्टसो तिङपाहि।

युहन्‍ना 14:6

येसु थोमाहेङ दोअ्हि, दामा, सत्ये, कालाउ जिबन पिका का दोङ हिघा। का बाहेक हासु बुङ आबाकोता हानिलि माद्वाङ।

युहन्‍ना 18:37

पिलातस येसुहेङ हिअ्हि, “हाइ नाअ् राजा दोङ?” कालाउ येसु उत्तारा पिहि का राजा दोङ दोअ्तेङ नाअ् दोङ दोअ्खेना। का जोलोमलिको कालाउ इदोइ सुमिङता लोकाको कारन इदोइ हि कि का सत्येको बिसोइता धिरपालि द्वाको। इङको गोताङ जाइ कासेहेङ पिताइखे कालाउ सत्येको पालन पाखे।

युहन्‍ना 6:69

कालाउ केलाइ खाङधुरि पाका हिनाहि कालाउ गिका हिनाहि, नाअ् दोङ परमेस्वरको जन हिना।

साल्न्हाका चात्या 1:2

येसुहेङ परमेस्वर स्वर्गता चुम्पुका खान्तेङ लाम्फा ताइमिसो छाल्न्हाका चात्यागेलाइहेङ पबित्तरो आत्माको सरबुङसो आदेस पिहि।

साल्न्हाका चात्या 14:15

“ओइ द्‍याङगेलाइ, नेलाइ हाइ पालि इसिका कामगेलाइ पासुखेना? केलाइ बुङते नेलाइ भाइकाङ दुख-सुख भोगेका द्‍याङगेलाइ खिनिङ हिनाहि, कालाउ केलाइ नेलाइहेङ प्राचार पालि लोन्हाहि कालाउकि नेलाइ इदोइ ब्यर्थको काथागेलाइ लाअ्तेङ सिन्हुका परमेस्वर भारि जेदोङ परमेस्वर स्वर्ग, प्रिथिबि, समुन्द्र कालाउ इङकोता हिका गोताङ आमेने बानाइहि।

रोमि 3:2

एइ, यहुदि जेङलि हेन्जा फाइदा हि, झाराङ खान्तेङ लाम्फा परमेस्वरको बचन यहुदिगेलाइहेङ दोङ सुम्पिका हि।

रोमि 9:26

कालाउ जेता परमेस्वर नेलाइ काङको द्‍याङ माको, दोअ्तेङ इम्बालाइहेङ दोअ्का हिघाहि, ओदोङ बान्चिका परमेस्वर इम्बालाइहेङ ताइको सान्तान दोअ्तेङ काइयाङ।”

1 कोरिन्थि 10:32

एसापा दोङ हासुहेङ बुङ पाप पालि लागाइका काम मापासु, चाहे यहुदिगेलाइहेङ माकुनु गैर-यहुदिगेलाइहेङ, चाहे परमेस्वरको मन्डलिगेलाइ ह्याको।

1 कोरिन्थि 3:16

नेलाइहेङ थाहा दोङ हि, नेलाइ परमेस्वरको मुन्दिर हिसुना, कालाउ पबित्तरो आत्मा नेलाइता बासा हिखे।

2 कोरिन्थि 3:3

नेलाइ दोङ तिङपासुखेना, कि नेलाइको बद्लिका जिबन ख्रिस्टको लेखेका पात्तारा भाइका हि, या पात्तारा वा केलाइको सेवाको माध्यामसो लेखेका हिघाहि। जेदोङ मसिहोइ लेखेका माको, भरु बान्चिका परमेस्वरको आत्माहोइ लेखेका हि, उन्ठुइको पाटिता माको, कालाउ द्‍याङको ह्रदयको पाटिता लेखेका हि।

2 कोरिन्थि 6:16

मुर्तिगेलाइहेङ परमेस्वरको मुन्दिरको हिदोइ बुङ थामे मान्थु, कालाउ केलाइ सिन्हुका परमेस्वरको मुन्दिरगेलाइ दोङ हिनाहि जेसाङ परमेस्वर धर्मसास्तरता दोअ्का हि, “का उङको द्‍याङगेलाइकोता बासा ह्याङका, कालाउ इम्बालाइको माझाता हिगिल्लाङका, कालाउ का इम्बालाइको परमेस्वर जेनाङका, कालाउ इम्बालाइ काङको द्‍याङगेलाइ जेनावा।”

2 कोरिन्थि 6:7

इदोइ भनाइ सहि हि: सत्येको बचनता कालाउ परमेस्वरको सरबुङता। केलाइ धार्मिकताको कात्तिगेलाइ दाम्पाहा खुरहोइ झाअ्मिरिलिको भाअ्सिङ कालाउ केपाहा खुरहोइ बान्चिलिको भाअ्सिङ प्रयोग पानाखे।

गलाति 2:9

याकुब, पतरुस, कालाउ युहान्‍ना जाइ मन्डलिको आगुवागेलाइ भाइपा मानिका हि, इम्बालाइ बुझिहि, कि परमेस्वर कासेहेङ बिसेस बरदान पिका हि। ओदोङ भाअ्सिङ इम्बालाइ बार्नाबास कालाउ कासेहेङ सुइकार पाहि। इम्बालाइ दोअ्हि, केलाइ गैर-यहुदिगेलाइकोता सुसमाचार प्राचार पासु, कालाउ केलाइ चाहि यहुदिगेलाइकोता दोङ प्राचार पाङ।

गलाति 3:1

नेलाइ गलातिको खान्धुराइगेलाइ, हाइ नेलाइ ताइको बुद्दि राम्पासुन्हा, हासु नेलाइहेङ थोगिहि? येसु ख्रिस्ट हेसा क्रुस्टता सिहि, का नेलाइहेङ इङको गोताङ काथा झालाफालापा दोअ्काङ हिघाखा।

एफिसि 4:21

नेलाइ येसु ख्रिस्टको बारेता जेदोङ हिङका हिसुना कालाउ इम्बालाइको सिक्स्यकगेलाइ नेलाइहेङ जेदोङ धिर्पाका हि, ख्रिस्टको बारेता हिङका इङको सत्ये सन्‍देस दोङ हि।

कलस्सि 1:5

नेलाइ इङको पासुखेना हाइपालिपानु नेलाइको आस स्वर्गता ताअ्का काथाता हि। जेदोङको येसु ख्रिस्टको सत्ये सन्देसको बिसोइता नेलाइ लाम्फाङ सुसमाचार हिङका हिसुना।

1 थेस्लोनिकि 1:9

हाइपालिपानु उङको द्‍याङगेलाइ आरुगेलाइहेङ दोअ्ताङ कि, केलाइ नेलाइकोता लोलाउ नेलाइ केलाइहेङ हेसा स्‍वागत पासुन्हा, कालाउ मुर्ति पुजिलि लाअ्तेङ परमेस्वरको भारि घुरिसुन्हा, कालाउकि सिन्हुका कालाउ सत्ये परमेस्वरको सेवा पालि दोसु।

1तिमोथि 3:14

नाङकोता धेमाङ लोलि आस ताअ्लाउ बुङ का नेलाइहेङ इदोइ सुझाब लेखेदोङखा,

1तिमोथि 3:16

हिदोइ बुङ साङखा माकोसिङ केलाइ मानिन्हाखे, कि केलाइको खाङधुरिको रहस्य हेन्जाङ माहान हि: ख्रिस्ट एमि द्‍याङको रुपता देखाल जेङहि, वा पबित्तरो आत्मासो परमेस्वरको चान साबित जेङहि, स्वर्गदुतगेलाइ वासेहेङ तिङहि, गोताङ सारभिगेलाइता वाको बारेता सुसमाचार हिङपाहि, सुमिङको गोताङ द्‍याङगेलाइ वाको ह्रुता खाङधुरि पाहि, कालाउ परमेस्वर वासेहेङ महिमाको स्वर्गता चुम्पुहि।

1तिमोथि 3:2

ओदोङ भाअ्सिङ इदोइ आव्यस्यक हि, कि आगुवागेलाइ चाहि दुसिका मान्थुका हिलि गोइखे। वाको एमि खिनिङ बे ह्याको। ताइमिहेङ काबुता ताअ्लि दोका, साम्मान निङका, समझदार, कालाउ ताइको साअ्ता लोकालाइहेङ सेवा सात्कार पाका कालाउ परमेस्वरको बचन रेम्फासो धिरपाका द्‍याङ हिलि गोइखे।

1तिमोथि 3:5

जेसापा हिदोइ बुङ द्‍याङ ताइकोङ जाहानगेलाइहेङ रेम्फा चालाइलि मागिखे पानु, वा निसित दोङ परमेस्वरको मन्डलिको खान्धुराइगेलाइहेङ सामाराइलि माद्वावा।

1तिमोथि 4:10

हाइपालिपानु केलाइ ताइको खाङधुरिको भाअ्सिङ थाङका परिस्रोम कालाउ सङघरस पान्हाखे, हाइपालिपानु केलाइको आस सिन्हुका परमेस्वरता ताअ्का हिनाहि, जाइ गोताङ द्‍याङको बिसेस पातेङ वाको ह्रुता खाङधुरि पाकागेलाइको मुक्ति दाता हि।

1तिमोथि 6:16

वा खिनिङ एमि हि जाइ जेलाउ बुङ बान्चिका हि, कालाउ वा ओथे फाइसालामकाता हि कि, हासु बुङ वाको भेरपा हानिलि मादोखे। वासेहेङ हिदोइ बुङ द्‍याङ हेलाउ बुङ तिङका मान्थु ना ते तिङलि दोखे। वासेहेङ दोङ आदार कालाउ सरबुङ जेलाउलाउ बुङ ह्याको। आमेन।

2 तिमोथि 2:19

कालाउ परमेस्वरको द्‍याङगेलाइ बल्लियाका जग भाइका दोङ हि, जेदोङ माहेङगालाइनाखे। कालाउ इदोइ जगता इसिका सब्दगेलाइ लेखेका हि: “प्रभु ताइको द्‍याङगेलाइहेङ नाल्खे” कालाउ जाइ प्रभुको हि वा मारेम्का काम पालि लाअ्लि गोइखे।

2 तिमोथि 2:20

हिदोइ बुङ बार्का साअ्ता सोना कालाउ चान्दिहोइ बानाइका भान्डा-कुन्डा खिनिङ माहिखे, कालाउ फाला कालाउ भनोइहोइ बानाइका भान्डा-कुन्डा बुङ हिखे। आधे भान्डा-कुन्डागेलाइ बिसेस कामको भाअ्सिङ चालाइखे कालाउ आधे चाहि साधारन कामको भाअ्सिङ चालाइखे।

हिब्रु 10:21

कालाउ परमेस्वरको द्‍याङगेलाइता सासन पाका केलाइ दोफा एमि माहान पुजारि हि।

हिब्रु 12:22

कालाउ नेलाइते सियोन तिकारता लोका हिसुना, जेता स्वर्गिय यरुसेलेम हि, जेदोङ सिन्हुका परमेस्वरको सहर हि, जेता लाख-लाख स्वर्गदुतगेलाइ जोम्तेङ आनान्दहोइ-उत्साह मानाइखे।

हिब्रु 3:12

खान्धुराइ ओनेगेलाइ, चङख हिसु, कालाउकि नेलाइ मध्ये हासुता बुङ हिका दुस्ट कालाउ खाङधुरि मापाका ह्रदयहोइ नेलाइहेङ जिबन पिका परमेस्वरसो लाअ्पातेङ दुरे चुम्पुलि माद्वाको।

हिब्रु 9:14

या सोचिसु कि सिका भारि चुम्पुका कामगेलाइसो ख्रिस्टको हितिहोइ केलाइको ह्रदयहेङ ते झन हेथे हेन्जा सुद्द बानाइलि दोखे, कालाउकि केलाइ सिन्हुका परमेस्वरको आराधाना पालि द्वाको, हाइपालिपानु आनान्त आत्माको सरबुङ पाहासो ताइमिहेङ केलाइको पापको भाअ्सिङ एमि सिद्द भोगको रुपता परमेस्वरहेङ चाढाइहि।

1पतरुस 4:17

हाइपालिपानु परमेस्वरको ताइकोङ जाहान दोफा न्याय सुरु जेङका सोमोइ लोलि दोका हि। जेसापा परमेस्वर लाम्फा केलाइ खाङधुरि पाकालाइको न्याय पाङ, कालाउ वाकोसो लोका सुसमाचार माकिकालाइहेङ हिसिका हि वाला इङको काथाको बारेता सोचेसु।