1तिमोथि 3:11 - Dhimal NT

¹¹ मन्डलि साघाइकालाइको बे गेलाइ बुङ आदार पालिको योग्य हिलि गोइखे, बोमिको बिसोइता आखेका काथा मापोका हिलि गोइखे। कालाउ ताइमिहेङ काबुता ताअ्तेङ गोताङ काथाता खाङधुरि योग्य हिलि गोइखे।

धिमाल

¹¹ एन्‍साङ पातेङ एम्‍बालाइको बेअ्‌गेलाइ बुङ बोमि द्‌याङगेलाइसो मान निङका हिलि गोयाङ रो एम्‍बालाइ बोमिको बारेता मारेम्‍का काथा मापाका हिलि गोयाङ, कालाउ ताइमिङहेङ आधिनता ताअ्‌तेङ गोताङ काथाता खान्‍धुरि लाएक हिलि गोयाङ।

1तिमोथि 3:11 Iomraidhean Croise

मत्‍ति 4:1

कालाउ पबित्तरो आत्मासो येसुहेङ चाका-मान्दा थामेता चुम्पुहि, कालाउकि साइतानसो येसुहेङ जाचियाको।

युहन्‍ना 6:70

येसु इम्बालाइहेङ जोबाफ पिहि, “हाइ का ताइमिङ नेलाइ तेन्हे झनाहेङ साल्का माको रो? कालाउ बुङ नेलाइ मध्येसो एमि चाहि साइतानको खाबाराता हि।”

रोमि 1:29

इम्बालाइ गोताङ खाल्को पाप, खाराबि, दुस्ट, दिका, इख, मारा पाका, चेरसुका, धाताइका कालाउ एमिसो-भेनेङको काथा पोअ्खे।

1तिमोथि 1:12

कासेहेङ सरबुङ पिका ख्रिस्ट येसु केलाइको प्रभुहेङ का धन्यबाद पिखा, हाइपालिपानु ताइको सेवाको कामको भाअ्सिङ वा दोङ कासेहेङ खाङधुरि योग्य थानिहि।

1तिमोथि 3:2

ओदोङ भाअ्सिङ इदोइ आव्यस्यक हि, कि आगुवागेलाइ चाहि दुसिका मान्थुका हिलि गोइखे। वाको एमि खिनिङ बे ह्याको। ताइमिहेङ काबुता ताअ्लि दोका, साम्मान निङका, समझदार, कालाउ ताइको साअ्ता लोकालाइहेङ सेवा सात्कार पाका कालाउ परमेस्वरको बचन रेम्फासो धिरपाका द्‍याङ हिलि गोइखे।

1तिमोथि 6:2

जाइको गिह्रि खान्धुराइ हि, वाको बान्धाइतिगेलाइ वासेहेङ ख्रिस्टता खान्धुराइ ओने हिनाङ वासेहेङ आदार पाको। भरु इम्बालाइ ओबालाइको भाअ्सिङ हेन्जा रेम्का काम पाको, हाइपालिपानु इम्बालाइको गिह्रि बुङ बान्धाइति खान्धुराइ हिनाङ वा ताइको बान्धाइतिहेङ ओनेगेलाइ भाइपाङ मायारु पाखे। इदोइ आग्यागेलाइ केम्लि आरु द्‍याङगेलाइहेङ धिरपासु।

2 तिमोथि 3:3

हिदोइ बुङ द्‍याङगेलाइ दाया मापाका हासुहेङ बुङ स्यामा मापिका, आरुको मारेम्का काथा दोअ्का, ताइको इच्छागेलाइ काबुता ताअ्लि मादोअ्का, थाङका कालाउ रेम्का काथागेलाइ मन मापरिका जेनावा।

2 तिमोथि 4:5

कालाउ नाअ् कस्ट भोगिलि गोइलाउ बुङ जेलाउ बुङ ताइमिहेङ नियन्तरन पालि गोइखे, कालाउ सुसमाचार प्राचार पालि थाङका मेहेनत पाअ्‌, कालाउ प्रभु नासेहेङ पिका गोताङ काम पुरा पाअ्‌।

तितस 2:3

एन्साङ पातेङ बेराङ बेबालाइ गोताङ काथाता परमेस्वरहेङ मन्दा ताअ्का जिबन जियाइयाको, बोमिको काथा पाका कालाउ हेन्जा गोरा-चि आम्का बानि माह्याको। कालाउ इम्बालाइ बो गेलाइहेङ रेम्का काथा पालि धिरपाको दोअ्तेङ इम्बालाइहेङ धिरपा।

तितस 3:2

इम्बालाइ हासुको बुङ बिरोध मापाको कालाउ माचेरस्वाको, मोनोइ कालाउ गोताङ द्‍याङगेलाइ दोफा मिलितेङ हिका जेनाको।

1पतरुस 5:8

नेलाइ ताइमिहेङ काबुता ताअ्सु कालाउ जागितेङ हिसु, हाइपालिपानु नेलाइको सतुरु साइतान द्‍याङगेलाइहेङ नासा पालिको भाअ्सिङ द्‍यापाहाङ घुराइगिल्तेङ हि। वा गुन्जिरका खुवाँ भाइका हासुहेङ बुङ दुसुतेङ चाङका दोअ्तेङ दाउता घुराइगिल्तेङ हिगिल्तेङ हि।