1तिमोथि 3:1 - Dhimal NT

¹ इदोइ भनाइ सत्ये हि, जेसापा हिदोइ बुङ द्‍याङ खान्धुराइगेलाइको आगुवा जेङका काम पालि चाहिखे पानु, वा रेम्काङ कामको इच्छा पाखे।

धिमाल

¹ इदोइ काथा जातिङको, एदि हासुङ मन्‍डलिता आगुवाको काम पालि लाल्‍सा ताअ्‌खे पानु इङकोको बिचार रेम्‍काङ।

1तिमोथि 3:1 Iomraidhean Croise

लुका 15:10

एसाङ दोङ का नेलाइहेङ दोअ्खा, ‘जेलाउ एमि पापि पाप पालि लाअ्खे कालाउ परमेस्वरको स्वर्गदुत स्वर्गता लेङचास्वावा।

साल्न्हाका चात्या 1:20

हाइपालिपानु, “राजा दाउदको भजन सङग्रहता यहुदाको बिसोइता इसिका लेखेका हि: वाको साअ् उदादाङका जेनाको, कालाउ इन्ता बासा हिका हासु बुङ माजेनाको, ‘कालाउ राजा भेनेङ थामेता एसा बुङ दोअ्का हि!’ वाको पाका कामको जिम्मा भेनेङ द्‍याङ ह्रुकाको!

साल्न्हाका चात्या 20:28

नेलाइ ताइको कालाउ ताइको गोताङ हुलको भाअ्सिङ चङख हिसु, पबित्तरो आत्मा नेलाइहेङ मन्डलिको आगुवा बानाइकानाङ हि। वा ताइकोङ हितिहोइ चोल्का परमेस्वरको मन्डलिहेङ नेलाइ सामाराइसु।

रोमि 11:13

एला नाअ् गैर-यहुदिगेलाइहेङ का दोअ्दोङखा, गैर-यहुदिगेलाइको भाअ्सिङ साल्का चात्या जेङनाङ का काङको सेवाता गर्ब पाखा।

एफिसि 4:12

ख्रिस्ट द्‍याङगेलाइहेङ इदोइ योग्यतागेलाइ पिहि, कालाउकि इम्बालाइ परमेस्वरको पबित्तरो जनगेलाइहेङ वाको सेवा पालि तियार बानाइलि द्वाको कालाउ ख्रिस्टता इम्बालाइको खाङधुरि बल्लियाका जेनाको।

फिलिप्पि 1:1

ख्रिस्ट येसुको बान्धाइतिगेलाइ, का पावल तिमोथि दोफा इता पात्ताराता फिलिप्पि सहरता हिका मन्डलिको आगुवागेलाइ कालाउ खान्धुराइगेलाइहेङ साघाइका दोफाङ गोताङ परमेस्वरको जनगेलाइहेङ लेखेदोङखा, जाइ ख्रिस्ट येसुको दोङ हि।

1 थेस्लोनिकि 5:14

कालाउ खान्धुराइ ओनेगेलाइ, केलाइ नेलाइहेङ आर्ति पिनाखे, कि कुरियागेलाइहेङ चेताउनि पिसु, थिकालाइहेङ हाउसाइ पिसु, हुइका हिकालाइहेङ मद्दत पासु, कालाउ झाराङ दोफा धैर्य जेङतेङ तिङपासु।

1तिमोथि 1:15

इदोइ भनाइ सत्ये हि, कालाउ यासेहेङ खाङधुरि पालि द्वाङ, कि केलाइ पापिगेलाइहेङ उद्दार पालि येसु ख्रिस्ट सुमिङता लोहि, कालाउ पापिगेलाइता का झाराङ खान्तेङ हेन्जा पापि हिघा।

1तिमोथि 4:9

इदोइ भनाइ सत्ये हि, कालाउ यासेहेङ खाङधुरि पालि द्वाङ,

2 तिमोथि 2:11

इदोइ भनाइ सत्ये हि, कालाउ यासेहेङ खाङधुरि पालि द्वाङ, जेसापा केलाइ ख्रिस्ट दोफा सिकानु, केलाइ बुङ वाको दोफाङ बान्चियाङ।

तितस 1:7

हाइपालिपानु मन्डलिको आगुवा परमेस्वरको कामको जिम्मा ह्रुका हिखे, ओदोङ भाअ्सिङ वाकोता हिदोइ बुङ दुसिका हिलि माएल। वा ताइकोङ काथाता जिद्दि पाका, धेमाङ चेर ताम्पाका, गोरा चि आमका, बल दिका कालाउ ताकाको लोभ मापाका द्‍याङ हिलि गोइखे।

तितस 3:8

इदोइ भनाइ सत्ये हि, जेदोङ एलाङ खिनिङ का नासेहेङ दोअ्का हिघा, का भोखा कि जेलाउ नाअ् खान्धुराइगेलाइहेङ धिरपाखेना इदोइ काथागेलाइता जोर पिसु, कालाउकि जाइ परमेस्वरता खाङधुरि ताअ्का हि ताइमिहेङ रेम्का काम पालि मन लागाइलि द्वाको। हाइपालिपानु इदोइ सिक्स्यागेलाइ गोताङ द्‍याङगेलाइको भाअ्सिङ रेम्का कालाउ फाइदा जनक बुङ हि।

हिब्रु 12:15

चङख हिसु, कि हिदोइ बुङ द्‍याङ परमेस्वरको आनुग्रह निङलिसो आसफल माजेनाको, “कालाउ हासु बुङ नेलाइको माझाता समस्या माचुमाको, इन्सिका खाल्को द्‍याङ नेलाइ हेन्जाङहेङ झुकिपावा।”

1पतरुस 2:25

लाम्फा, नेलाइ दामा आवाइतेङ भेडा मेसा कोनिङ हिघासुखेना कालाउ एला नेलाइ ताइको आत्माको लाखुरिया कालाउ रक्स्या पाकाता ख्रिस्टकोता घुरितेङ लोका हिसुना।

1पतरुस 4:15

कालाउ नेलाइ मध्येसो हासु बुङ मारा पाका, माकुनु खुर ह्रिङपाका माकुनु खाराबि पाका, माकुनु बोमिको काथाता खुर ह्वाका भाइपाङ दुख माभोगेसु।

1पतरुस 5:2

जेसाङ लाखुरिया ताइको भेडाहेङ सामाराइखे, नेलाइ बुङ झाराङहेङ सामाराइलि गोइस्वाना, जाइहेङ परमेस्वरको नेलाइको जिम्माता पिका हि। इङको ताइकोङ इच्छाहोइ पासु, हाइपालिपानु इङको दोङ परमेस्वर नेलाइ पाका चाहिखे। इङको कामहेङ करकापहोइ मापासु। इङको काम ताका निङलिको भाअसिङ मापासु, कालाउ परमेस्वर कालाउ द्‍याङगेलाइको सेवा पालि इच्छाहोइ या पासु।