1तिमोथि 2:5 - Dhimal NT

⁵ हाइपालिपानु परमेस्वर एमि खिनिङ हि, परमेस्वर कालाउ द्‍याङगेलाइको माझाता सान्ति चुमाका बुङ एमि खिनिङ मध्यस्थ हि, कालाउ उङको द्‍याङ चाहि येसु ख्रिस्ट हि।

धिमाल

⁵ हाइपानु परमेस्‍वर एलोङ हि रो द्‍याङगेलाइहेङ परमेस्‍वरता चुमाका बुङ एलोङ हि। इङको माझाको द्‌याङचाहिँ ख्रिस्‍ट इसु हि।

1तिमोथि 2:5 Iomraidhean Croise

मत्‍ति 1:1

येसु ख्रिस्ट आब्राहाम कालाउ राजा दाउदको हारागुटियासो हिघाहि। इता येसु ख्रिस्टको पुर्खागेलाइको मिङको सुचि पिका हि:

मत्‍ति 1:23

“खाङसु, एमि धानि बेजान गान्धि तेअ्तावा, कालाउ वा एमि जामालहेङ जोलोम प्यावा, कालाउ वा वाको मिङ इम्मानुएल ताअ्पियावा।” जेदोङको माने हि, “परमेस्वर केलाइ दोफा हि।”

लुका 14:22

कालाउ उङको चाकारिया गिह्रिहेङ दोअ्हि, गिह्रि मालिक, नाअ् जेदोङ दोअ्का हिघाखेन्हा, इङको का पाघा कालाउ बुङ आरोङ आरु द्‍याङगेलाइहेङ योम्पाका थामे हि।

युहन्‍ना 1:14

कालाउ एमि हिघाहि जाइहेङ बचन दोअ्न्हाहि वा द्‍याङ जेङहि, कालाउ केलाइको माझाता बासा हि। केलाइ दोङ वाको महिमा तिङन्हाहि, वा इसिका हिघाहि जेसाङ आबासो लोका एमि खिनिङ चानको महिमा जेङखे, वा सत्ये कालाउ आनुग्रहहोइ भरि पुर्न हिघाहि।

युहन्‍ना 17:3

कालाउ आनान्त जिबन इदोइ दोङ कि द्‍याङगेलाइ नासेहेङ एमि खिनिङ सत्ये परमेस्वर दोअ्तेङ नाल्लि द्वाको, कालाउ कासेहेङ येसु ख्रिस्ट जाइ नाअ् दोङ दिङगिल्का हि दोअ्तेङ इम्बालाइ नाल्लि द्वाको।

साल्न्हाका चात्या 4:12

येसु बाहेक आरु हासुता बुङ मुक्ति मान्थु, हाइपालिपानु केलाइहेङ मुक्ति निङलि स्वर्ग लेता द्‍याङगेलाइकोता भेनेङ हिदोइ बुङ मिङ पिका मान्थु।”

रोमि 1:3

इदोइ सुसमाचार परमेस्वरको चान, केलाइको प्रभु येसु ख्रिस्टको बिसोइता हि। वा द्‍याङ जेङतेङ राजा दाउदको हारागुटियाता जोलोमहि।

रोमि 10:12

हाइपालिपानु यहुदि कालाउ गैर-यहुदिता हाइ दोङ फरक मान्थु। वा एनोङ दोङ प्रभु झाराङको प्रभु हि, कालाउ वासेहेङ साघाइलिको भाअ्सिङ काइका झाराङहेङ बान्चि पावा।

1 कोरिन्थि 8:4

ओदोङ भाअ्सिङ का मुर्तिगेलाइहेङ चाढाइका चाका-आम्का चालि एल या माएल, इङको प्रस्नको जोबाफ पिलि भोखा, केलाइ गिनाखे कि मुर्तिगेलाइ सत्ये परमेस्वर माको, भरु एमि खिनिङ परमेस्वर हि।

1 कोरिन्थि 8:6

कालाउ केलाइको भाअ्सिङ ते एमि खिनिङ परमेस्वर हि, कालाउ वा केलाइको आबा हि। कालाउ वा दोङ गोताङ आमेने बानाइहि, कालाउ केलाइ वाकोसोङ बान्चिका हिनाहि। एन्साङ पातेङ केलाइ दोफा एमि खिनिङ प्रभु हि, कालाउ वा येसु ख्रिस्ट हि। येसु पाहासो दोङ गोताङ काथा सिरजाइन्हाहि, कालाउ वाकोसोङ केलाइ बान्चिका हिनाहि।

गलाति 3:20

एमि खान्तेङ हेन्जा द्‍याङगेलाइ दोफा बाचा पालाउ एमि मध्यस्थ कर्ता हिलि गोइखे। कालाउ परमेस्वर आब्राहाम दोफा बाचा पालाउ मध्यस्थ कर्ता मागोइहि।

एफिसि 4:6

कालाउ केलाइ झाराङको एनोङ दोङ परमेस्वर हि, जाइ झाराङको आबा हि। वा झाराङको प्रभु हि कालाउ वा केलाइ झाराङता हि।

1तिमोथि 6:13

का झाराङहेङ जिबन पिका परमेस्वर कालाउ पन्तियास पिलातसको आगाता साक्सि पिका येसु ख्रिस्टको आगाता का नासेहेङ आग्या प्याङका।

हिब्रु 12:24

नेलाइ परमेस्वर कालाउ द्‍याङगेलाइको मध्यस्ताता नावा कारारता धेउपिका येसु कालाउ सिरकाइका हितिता लोका हिसुन्हा, जाइ हाबिलको हिति खान्तेङ आझाइ आसल बचन धुइखे दोअ्खे।

हिब्रु 7:25

ओदोङ भाअ्सिङ येसु पाहासो परमेस्वरको भेरपा लोकालाइहेङ वा जेलाउ बुङ उद्दार पालि द्वाङ, हाइपालिपानु इम्बालाइको भाअ्सिङ मध्येस्ताको प्रार्थाना चढाइलि वा जेलाउ बुङ सिन्हुतेङ हिखे।

हिब्रु 8:6

कालाउ येसु केलाइको प्राधान पुजारिहेङ पिका पुजारिको काम, इङको आरु प्राधान पुजारिको काम खान्तेङ आझाइ हेन्जा बारका हि, हाइपालिपानु वा जेदोङ कारारको मध्यस्ता पाका हि, इङको पुर्ना कारार खान्तेङ आसल हि कालाउ आसल काथागेलाइको प्रतिग्याता आधारित हि।

हिब्रु 9:15

ओदोङ भाअ्सिङ ख्रिस्ट द्‍याङगेलाइ दोफा नावा कारार धेउका हि, कालाउकि परमेस्वर पाहासो काइन्हाका द्‍याङगेलाइ वाको पाका प्रतिग्यासो आनान्तको भाअ्सिङ आसिस निङलि द्वाको। एसा बुङ जेङलि द्वाङ कि, हाइपालिपानु इम्बालाइ लाङ कारारता हिलाउ पाका पापको दन्डसो स्वतन्तरो पालिको भाअ्सिङ ख्रिस्ट सिहि।

१ युहन्‍ना 2:1

नेलाइ जाइ काङको आनाउ जामाललाइ भाइका हिसुन्हा, नेलाइ पाप मापासु दोअ्तेङ का इदोइ काथा नेलाइहेङ लेखेतेङ हिघा। कालाउ हिदोइ बुङ द्‍याङ पाप पाखे पानु बुङ आबा परमेस्वर दोफा केलाइको पक्स्यता धुइपिका एमि हि, जाइ केलाइको पाप स्यामाको भाअ्सिङ परमेस्वर दोफा बिन्ति पापिखे। उङको द्‍याङ दोङ येसु ख्रिस्ट हि, जाइ परमेस्वरको आगाता पुरा रुपता ठिक हि।

प्रकास 1:13

“हिदोइ बुङ द्‍याङ भाइका तिङघाखे” जेदोङ चाहि चेरादानिगेलाइको माझाता जातेङ हिघाहि। वा ताइको पाइताला थेकाका लोखोन धाबा होङका हिघाहि। कालाउ वाको तुम्ता भरि सोनाको रङको फिता लागाइका हिघाहि।