1तिमोथि 2:3 - Dhimal NT

³ इसिका प्रार्थाना ठिक हि, कालाउ केलाइको मुक्ति दाता परमेस्वर बुङ इदोइ दोङ काथा मन्दा ताअ्खे।

धिमाल

³ एसा पालि रेम्‍का काथा रो केलाइहेङ छुटकारा पिका परमेस्‍वर बुङ इदोङ मोन्‍दाताखे।

1तिमोथि 2:3 Iomraidhean Croise

लुका 1:47

काङको परमेस्वर कासेहेङ मुक्ति पिकाता का आनान्दित हिघा।

रोमि 14:18

जाइ इदोइ खाल्होइ येसु ख्रिस्टको सेवा पाखे वा दोफा परमेस्वर खुसि हिखे कालाउ द्‍याङगेलाइ वाको बारेता बाखिनखे।

फिलिप्पि 1:11

कालाउ जेसाङ एनोङ सिङ फल पिखे, एन्साङ दोङ नेलाइ परमेस्वरको महिमा कालाउ बाखिनको भाअ्सिङ येसु ख्रिस्टता ठिक काम पातेङ हानेसु।

फिलिप्पि 4:18

का निङलि गोइका खान्तेङ हेन्जाङ निङका हिघा। इपाफ्रोडाइट्सो नेलाइहेङ पिगिल्का काङको भाअ्सिङ नेलाइको उपाहार परमेस्वरहेङ चढाइका ताअ्का बासाना लोका भेति कालाउ भोग भाइका हि। जाइ परमेस्वरहेङ हेन्जा मान्दा ताअ्खे कालाउ ग्रहन योग्य हि।

कलस्सि 1:10

केलाइ प्रार्थाना पानाखे, कालाउकि नेलाइ प्रभुहेङ आदार पिका कालाउ हाउसाइपाका जिबन जियाइलि दोसु, कालाउ नेलाइ लागातार आसल कामगेलाइ पासु, आरुको भाअ्सिङ भलाइ पालि दोसु। कालाउकि नेलाइ परमेस्वरहेङ आझाइ रेम्फासो गिलि दोसु।

1 थेस्लोनिकि 4:1

आखिरिता खान्धुराइ ओनेगेलाइ, प्रभु येसुता केलाइ नेलाइहेङ आनुरोध पानाखे कि परमेस्वरहेङ मन परिका जिबन जियाइसु, जेसाङ केलाइ नेलाइहेङ धिरपाका हिनाहि, कालाउ एन्सा बुङ पादोङ सुखेना कालाउ केलाइ आझाइ हाउसा पिनाखे कि इदोइ खान्तेङ आसल पासु।

1तिमोथि 1:1

का पावल इदोइ पात्तारा लेखेदोङखा। का केलाइको मुक्ति दाता परमेस्वर कालाउ येसु ख्रिस्ट जाइता केलाइ आस ताअ्नाखे, का वाको छाल्न्हाका चात्या हिघा।

1तिमोथि 4:10

हाइपालिपानु केलाइ ताइको खाङधुरिको भाअ्सिङ थाङका परिस्रोम कालाउ सङघरस पान्हाखे, हाइपालिपानु केलाइको आस सिन्हुका परमेस्वरता ताअ्का हिनाहि, जाइ गोताङ द्‍याङको बिसेस पातेङ वाको ह्रुता खाङधुरि पाकागेलाइको मुक्ति दाता हि।

1तिमोथि 5:4

हिदोइ बुङ के सिका बेबालको चान-चामिन्दि वा चुगेलाइ हिहे पानु, इम्बालाइ लाम्फाङ ताइकोङ जाहानहेङ खाअ्नाको कालाउ परमेस्वरहेङ ताइको भक्ति तिङपाको। कालाउ इम्बालाइ ताइको आमाइ-आबाहेङ पोसिलि द्वाको जेसाङ ओबालाइ पाहि। हाइपालिपानु या परमेस्वरको नजरता हेन्जाङ आसल हि।

2 तिमोथि 1:9

परमेस्वर केलाइहेङ बान्चिपाहि कालाउ पबित्तरो जिबन जियाइलि काइहि। केलाइ रेम्का काम पाकानाङ काइका माको, भरु ताइको योजाना कालाउ आनुग्रहहोइ परमेस्वर केलाइहेङ बान्चिपाहि। जेदोङ आनुग्रह वा येसु ख्रिस्ट पाहासो सुमिङहेङ सिरजाइका खान्तेङ लाम्फा पिका हिघाहि।

हिब्रु 13:16

भलाइ पालि ताइमि दोफा हिका आमेने आवस्यकता परिकालाइहेङ बाख्राइलि मानिल्सु, हाइपालिपानु इसिकाङ भोगगेलाइता परमेस्वर खुसि जेङखे।

1पतरुस 2:20

कालाउ जेसापा नेलाइ गलत काम पातेङ दानाइ निन्चास्वाना पानु, नेलाइको साजाइता धैर्य हिलि हिदोइ बुङ बाखानाइको कारन मान्थु। नेलाइ रेम्का कामको भाअ्सिङ दुख भोगिस्वाना पानु, कालाउ नेलाइ धैर्य जेङस्वाना पानु कालाउ परमेस्वर लेङचाखे।