1तिमोथि 2:2 - Dhimal NT

² राजागेलाइ कालाउ गोताङ आधिकारिगेलाइको भाअ्सिङ बुङ प्रार्थाना पासु। कालाउकि केलाइ सान्ति कालाउ सुरुक्स्याता जियाइतेङ परमेस्वरको आराधाना पालि दोवाइने कालाउ वा जेदोङ पालि भोखे इङको केलाइ पालि दोवाइने।

धिमाल

² कालाउ राजागेलाइ रो सारकारको द्‍याङगेलाइको भाअ्‌सिङ बुङ पुकार पासु। कोलाउ केलाइ दिनाङ सान्‍तिता हितेङ धरमाति रो मानको ज्‍यान सिन्‍हुलि द्‍वाइने।

1तिमोथि 2:2 Iomraidhean Croise

लुका 1:6

उधिन्हेमि परमेस्वरको आगाता धर्मि जिबन बितिपाघाखे। इम्बालाइ परमप्रभुको गोताङ आग्या कालाउ मुन्धुमगेलाइ माबिराइसिङ मानिघाहि।

लुका 2:25

इङको सोमोइता सिमियोन मिङ पाका एमि द्‍याङ यरुसेलेम मुन्दिरता हिघाहि, वा भक्त कालाउ धर्मि द्‍याङ हिघाहि। वा इस्राएल सारभिको द्‍याङगेलाइहेङ बान्चिपाका ख्रिस्ट ल्वाङ दोअ्का आस पातेङ ह्रुम्तेङ हिघाहि, जाइहेङ परमेस्वर दिङगिल्लि बाचा पाका हिघाहि कालाउ पबित्तरो आत्मा वाको दोफा हिघाखे।

साल्न्हाका चात्या 10:22

उङको द्‍याङगेलाइ दोअ्हि, “कप्तान कर्निलियस केलाइहेङ दिङगिल्का हि, वा आसल कालाउ परमेस्वरहेङ थिअ्का द्‍याङ हि। कालाउ गोताङ यहुदि जातिगेलाइसो साम्मान निङका द्‍याङ हि, एमि पबित्तरो स्वर्गदुत वाकोता देखाल जेङहि कालाउ नासेहेङ वाको साअ्ता काइतेङ नाङको उपदेस हिङका आग्या स्वर्गदुत पिका हि।”

साल्न्हाका चात्या 24:16

ओदोङ भाअ्सिङ का जेलाउ बुङ परमेस्वरको कालाउ द्‍याङगेलाइको आगाता का काङको बिचारहेङ सुद्द पालि कोसिस पाङका।

रोमि 12:18

जेङलि दोनु, झाराङ दोफा मिलितेङ हिसु।

फिलिप्पि 4:8

आम्तिमता खान्धुराइ ओनेगेलाइ, जेदोङ काथा सत्ये हि, जेदोङ काथा आदारनिय हि, जेदोङ काथा ठिक हि, जेदोङ काथा सुद्द हि, जेदोङ काथा झालाफालापा हि, जेदोङ काथा क्रिपामय हि, जेसापा हाइ दोङ स्रेस्थता, कालाउ बाखिन योग्य हाइ दोङ हि पानु इदोइ दोङ काथागेलाइता मन लागाइसु।

1 थेस्लोनिकि 4:11

केलाइ नेलाइहेङ दोअ्का भाइपा नेलाइ सान्ति पुर्न जिबन जियाइलि गोइखे। कालाउ आरुको कामता आगाल माअ्धा भरु ताइकोङ आवस्यकता को भाअ्सिङ ताइमिङ परिस्रोम पासु।

हिब्रु 12:14

झाराङ द्‍याङगेलाइ दोफा सान्तिता हिलि कालाउ पबित्तरो जिबन जियाइतेङ हिका कोसिस पासु, पबित्तरो बिना हिदोइ बुङ द्‍याङगेलाइ प्रभुहेङ तिङलि माद्वावा।