1तिमोथि 2:10 - Dhimal NT

¹⁰ कालाउ रेम्का कामगेलाइ पातेङ ताइमिहेङ सोबाइका बानाइलि, जाइ परमेस्वरको भक्ति पाका बेबालाइहेङ सोबाइखे।

धिमाल

¹⁰ कालाउ परमेस्‍वरको चाकर पाका बेबालाइ ताइमिहेङ सोबाइका खाल्‍को रेम्‍का काम खिनिङ पाको।

1तिमोथि 2:10 Iomraidhean Croise

साल्न्हाका चात्या 9:36

जोप्पा नगरता तबिता दोअ्का एमि खान्धुराइ हिघाहि। वा जेलाउ आरुको भाअ्सिङ आसल काम पाघाखे कालाउ गरिबगेलाइहेङ साघाइघाखे।

साल्न्हाका चात्या 9:39

कालाउ पतरुस ल्होतेङ इम्बालाइ दोफा हानिहि। इन्ता थुकातेङ इम्बालाइ पतरुसहेङ ह्रुताको कोठाता चुम्पुहि। गोताङ के सिकालाइ वाको भेरपा जाअ्तेङ खारलि तेङहि। कालाउ तबिता इम्बालाइ दोफा हिलाउ ताइमि जोका कोटगेलाइ कालाउ आरु लोखन-धाबागेलाइ ओबालाइहेङ तिङपाहि।

एफिसि 2:10

हाइपालिपानु केलाइ परमेस्वरको सिरजाइन्हाका हिनाहि, कालाउ केलाइ येसु ख्रिस्ट दोफाको सम्बन्ध हिकालाइ नावा द्‍याङको रुपता एल्का काम पालिको भाअ्सिङ सिरजाइन्हाका हि। केलाइ इङको आसल कामगेलाइ पाइने दोअ्तेङ वा लाम्फा दोङ तियार पाका हिघाहि।

1तिमोथि 2:11

जेलाउ हिदोइ बुङ द्‍याङ खान्धुराइगेलाइहेङ धिरपातेङ हिखे, झाराङ बेबालाइ सान्त रुपहोइ कालाउ हेन्जा आदार पातेङ हिङलि गोइखे कालाउ धिरलि गोइखे।

1तिमोथि 2:9

एसाङ पातेङ का चाहिखा, कि खान्धुराइ बेबालाइ सोबाइका सुइकार योग्य कालाउ आदार योग्य लोखोन धाबा लागाइयाको। पुसुङहेङ हेन्जा साजाइतेङ, सोना, मोति कालाउ हेन्जा जाङका लोखोन धाबागेलाइ लागाइतेङ माको,

तितस 2:14

केलाइहेङ पापको सरबुङसो बान्चिपालि कालाउ पबित्तरो बानाइलि येसु ख्रिस्ट ताइमिहेङ बलिदान पिहि, कालाउकि केलाइ वाकोङ द्‍याङ जेङलि द्वाको। कालाउ आसल कामगेलाइ पालि द्वाको।

तितस 3:8

इदोइ भनाइ सत्ये हि, जेदोङ एलाङ खिनिङ का नासेहेङ दोअ्का हिघा, का भोखा कि जेलाउ नाअ् खान्धुराइगेलाइहेङ धिरपाखेना इदोइ काथागेलाइता जोर पिसु, कालाउकि जाइ परमेस्वरता खाङधुरि ताअ्का हि ताइमिहेङ रेम्का काम पालि मन लागाइलि द्वाको। हाइपालिपानु इदोइ सिक्स्यागेलाइ गोताङ द्‍याङगेलाइको भाअ्सिङ रेम्का कालाउ फाइदा जनक बुङ हि।

1पतरुस 2:12

परमेस्वरता खाङधुरि मापाका द्‍याङगेलाइ नेलाइको द्‍यापाहाङ हिखे कालाउ नेलाइ गलत पातेङ हिसुना दोअ्लि द्वावा। इसिका रेम्का जिबन बितिपासु कि इम्बालाइ नेलाइहेङ पाका आसल कामगेलाइ तिनावा कालाउ ख्रिस्ट घुरितेङ लोका दिना परमेस्वरहेङ महिमा प्यावा।

२ पत्‍रुस 3:11

इदोइ निसित हि कि परमेस्वर एसापा गोताङ काथा नासा पाङ, नेलाइहेङ निसित थाहा हि कि नेलाइ हेसा जिबन जियाइलि गोइखे। नेलाइको ब्यभार कालाउ नेलाइको पाका गोताङ कामगेलाइसो परमेस्वरहेङ लेङचापाका बानाइका हिलि गोइखे।

प्रकास 2:19

कासेहेङ नेलाइको काम थाहा हि कि, नाअ् एमिसो भेनेङहेङ प्रेम पाखेना, नाअ् काङकोता ओसारापाङ भोरोसा ताअ्खेना। कालाउ कासेहेङ थाहा हि कि, नाअ् एमिसो भेनेङहेङ हेसा साघाइका हिना, कालाउ नाङको धैर्यको स्यमता। कालाउ का गिखा कि, नेलाइ एला बुङ लाम्फाङ खान्तेङ आसल कामगेलाइ पासुखेना, जेलाउ नाअ् का ह्रुता लाम्फा खाङधुरि पाका हिघाखेना।