1तिमोथि 1:8 - Dhimal NT

⁸ केलाइ गिनाखे, कि मोसाको व्यवस्था रेम्का हि कालाउ द्‍याङगेलाइ चाहि व्यवस्थाहेङ ठिकसो धिरपालि गोइखे।

धिमाल

⁸ एदि हासुङ नियमहेङ रेम्‍फा मानेहिपानु इदोइ रेम्‍का काथा दोअ्‌तेङ केलाइ गेन्‍हाखे।

1तिमोथि 1:8 Iomraidhean Croise

रोमि 12:2

इदोइ सुमिङको द्‍याङगेलाइ भाइपा माजेङसु, कालाउ परमेस्वर नाङको स्वभाबहेङ परिबर्तन पातेङ नेलाइको बिचारहेङ नावा बानाइलि द्वाङ। कालाउ परमेस्वरको आसल ग्रहन योग्य कालाउ सिद्द इच्छा हाइ हि, इङको नेलाइ गिलि दोसु।

रोमि 7:16

जेसापा का मारेम्का काम पाखा जेदोङ का पालि माभोखा पानु, का व्यवस्था रेम्का हि दोअ्तेङ मानियाङका।

रोमि 7:18

हाइपालिपानु कासेहेङ थाहा हि, कि काङको पापमय स्वभाबता हाइ दोङ आसल काथा मान्थु, हाइपालिपानु जेदोङ रेम्का हि, इङको पालि इच्छा का दोफा हि, कालाउ का इङको पालि माद्वाङका।

रोमि 7:22

हाइपालिपानु का काङको गोताङ ह्रदयहोइ परमेस्वरको व्यवस्थाता लेङचाका हिघा।

गलाति 3:21

एन्सा पानु, हाइ व्यवस्था परमेस्वर पाका बाचाको बिरोधता हि? मिधुलाउ बुङ मान्थु। हाइपालिपानु जेसापा व्यवस्था केलाइहेङ आनान्त जिबन पिलि दोनुते, केलाइ व्यवस्था केम्तेङ परमेस्वर दोफा धर्मि जेङलि द्वाङ।

2 तिमोथि 2:5

एन्साङ दोङ हिदोइ बुङ खेलाडि खेलता भाग ह्रुखे पानु, वा खेलको नियम आन्सार माघापा धाउ इनाम निङलि मादोखे।