1तिमोथि 1:7 - Dhimal NT

⁷ इदोइ धाताइका सिक्स्कगेलाइ मोसाको व्यवस्था धिरपाका द्‍याङगेलाइ भाइपाङ जेङलि इच्छा पाखे, कालाउ ताइमिङ दोअ्का काथा कालाउ ताइमिङ दाबि पातेङ दोअ्का काथागेलाइ इम्बालाइ ताइमिङ माबुझिखे।

धिमाल

⁷ एम्‍बालाइ नियमको मास्‍टर जेङलि भोखे, कालाउ ताइमिङ धुइका काथा मागेखे रो हाइको बारेता धुइका दोअ्‌का काथा बुङ मागेखे।

1तिमोथि 1:7 Iomraidhean Croise

मत्‍ति 15:14

इम्बालाइहेङ लाअ्पिसु, इम्बालाइ द्‍याङगेलाइहेङ ठोङनुते थोङखे, कालाउ बुङ इम्बालाइको थोङका चाहि एमि कान्हाँ भेनेङ कान्हाँहेङ थोङका भाइका खिनिङ जेङखे। कालाउ जेलाउ एमि कान्हाँ भेनेङ कान्हाँहेङ थोङखे कालाउ न्हेमि दोङ खाराता वालातावा।”

मत्‍ति 21:27

कालाउ न्हुसो इम्बालाइ येसुहेङ जोबाफ पिहि, “केलाइहेङ फोम मान्थु।” कालाउ येसु दोअ्हि, “का बुङ हिदोइ खाबारासो इदोइ कामगेलाइ पादोङखा इदोइ नेलाइहेङ मादोअ्ताङका।”

लुका 2:46

सुम दिनाता ओबालाइ वासेहेङ मुन्दिरको सालेङता निङहि, येसु मुन्दिरता गुरुज्युगेलाइ दोफा काथागेलाइ हिङकाताङ कालाउ प्रस्न पाकाताङ योम्तेङ हिघाखे।

साल्न्हाका चात्या 15:1

कालाउ आधिमि यहुदि खान्धुराइगेलाइ यहुदिया जिल्लासो एन्टिओक सहरता लोहि, कालाउ इम्बालाइ खाङधुराइगेलाइहेङ सिक्स्या पिलि तेङहि, जेसापा नेलाइ मोसाको व्यवस्था आन्सार खाताना माजेङनुते नेलाइको मुक्ति माजेनाङ।

रोमि 1:22

इम्बालाइ ताइमिहेङ बुद्दिमानि दोअ्तेङ दाबि पाहि, कालाउ बुङ इम्बालाइ मुर्ख जेङहि।

गलाति 3:2

कासेहेङ एनोङ काथा दोअ्पि, नेलाइ पबित्तरो आत्मा हेसा निङसुन्हा? हाइ व्यवस्था केम्नाङ पबित्तरो आत्मा निङसुन्हा? माको, नेलाइ पबित्तरो आत्मा निङसुन्हा हाइपालिपानु नेलाइ सुसमाचार हिङसुन्हा कालाउ खाङधुरि पासुन्हा।

गलाति 3:5

नेलाइहेङ परमेस्वर दोङ पबित्तरो आत्मा पिखे, कालाउ परमेस्वर नेलाइको माझाता भारबुसाइका कामगेलाइ पाखे। हाइ या गोताङ नेलाइ मोसाको व्यवस्था मानिनाङ जेङका हि, कि सुसमाचार हिङतेङ खाङधुरि पानाङ जेङका हि?

गलाति 4:21

नेलाइ मोसाको व्यवस्था मानिलि खाङकालाइ कासेहेङ दोअ्सु, मोसाको व्यवस्थाहोइ केलाइहेङ हाइ दोअ्लि खाङखे बिचार पासु।

1तिमोथि 6:4

उङको द्‍याङ घमन्डहोइ फुलिका हिखे, कालाउ वा हाइ दोङ बुङ बुझिका चाहि मान्थुखे। इन्सिका द्‍याङगेलाइ बेकारको काथागेलाइ कालाउ नाना थरिको सब्दगेलाइको बारेता काथा पोसुखे कालाउ चेरसुलि भोतेङ हिखे। इदोइ काथागेलाइसो डाहा, कलह, बाद्नामि कालाउ मारेम्का साङकागेलाइ उब्जाइपाखे।

2 तिमोथि 3:7

उङको बेबालाइ जेलाउ बुङ भेनेङ-भेनेङ काथागेलाइ धिरखे, कालाउ ख्रिस्टको सत्ये सिक्स्याको बारेता हेलाउ बुङ बुझिलि मादोअ्खे।

याकुब 3:1

ओइ खान्धुराइ ओनेगेलाइ, नेलाइकोसो हेन्जा झना परमेस्वरको बचनको सिक्स्यक माजेङसु, हाइपालिपानु नेलाइ गिसुखेना, केलाइ सिक्स्या पिकालाइको न्याय आरुगेलाइको खाङतेङ झन थाङका रुपहोइ जेनावा।

२ पत्‍रुस 2:12

कालाउ इदोइ धाताइका सिक्स्यकगेलाइ झारभारिको गुपुसगेलाइ भाइका हि। इदोइ गपुसगेलाइ हेसा सोचिखे मागिखे कालाउ इम्बालाइहेङ खिनिङ रिम्तेङ सेअ्न्हालि उदेस्यहोइ खिनिङ बनेका हिखे। उङको द्‍याङगेलाइ जेदोङ इम्बालाइको पुङदिङता लोखे इङको पाखे, कालाउ इम्बालाइ माबुझिका काथाको बुङ आपामान पाखे। इम्बालाइ आबस्य बुङ नासातावा।