1तिमोथि 1:6 - Dhimal NT

⁶ हाइपालिपानु हेथेते धाताइका सिक्स्यकगेलाइ इङको गोताङ काथागेलाइ पालि लाअ्तेङ काम ब्यर्थको काथागेलाइ दोअ्लि तेङका हि।

धिमाल

⁶ हेथे द्‍याङगेलाइ इदोइ काथागेलाइहेङ लाअ्‌तेङ काम मालागिका काथाता आवाइका हि।

1तिमोथि 1:6 Iomraidhean Croise

मत्‍ति 18:12

“नेलाइ हाइ बिचार पासुखेना?” एसाइ भेडा हिका द्‍याङको एनोङ भेडा राम्हे पानु वा हाइ पावा? वा दोङ आरु उनान्साइ भेडाहेङ इन्ताङ तिकारता लाअ्तेङ, राम्काहेङ भोअ्लि मान्हावा रो?

1तिमोथि 5:15

का या दोअ्दोङखा, हाइपालिपानु आधिमि के सिकालाइ परमेस्वरको आग्या केम्लि लाअ्तेङ साइतान जेदोङ पालि भोखे इम्बालाइ इन्सिकाङ पातेङ हि।

2 तिमोथि 2:18

उङको न्हेमि द्‍याङगेलाइ सत्ये सिक्स्याहेङ लाअ्का हि, इम्बालाइ धिरपाखे कि, परमेस्वर सिका खान्धुराइगेलाइहेङ आनान्त जिबनको भाअ्सिङ लाम्फाङ दोङ सिन्चाल पाका हि। कालाउ परिनाम स्वरुप इम्बालाइ आधिमि खान्धुराइगेलाइको खाङधुरिसो खेङका हि।

2 तिमोथि 4:10

हाइपालिपानु डेमास इदोइ सुमिङको काथागेलाइहेङ मन्दा ताअ्खे कालाउ वा कासेहेङ लाअ्तेङ थेसलोनिकि सहरता हानेका हि। कालाउ खान्धुराइ ओने क्रेसेनस चाहि गलातिया इलाका हानिका हि, कालाउ तितस चाहि दालमितिया प्रदेसता हानिका हि।

तितस 1:10

का इदोइ काथा दोअ्ताङका, हाइपालिपानु हेन्जा द्‍याङगेलाइ ठिक सिक्स्याको बिरोध पावा, इम्बालाइ काम मालागेका काथागेलाइ धिरपाखे कालाउ आरुहेङ धोका पिखे। उङको द्‍याङगेलाइ इङको दलको हि, जाइ गोताङ खान्धुराइगेलाइ यहुदिगेलाइको व्यवस्था किताको दोअ्तेङ चाहिखे, बिसेस पातेङ खाताना पाका भोखे।

तितस 3:9

कालाउ आनाइ जालबाजिगेलाइ, पुर्खागेलाइको माओताका सुचि, बेकारको काथागेलाइ कालाउ मोसाको व्यवस्थाको बिसोइता चेरसुका काथागेलाइसो दुरे हिसु, हाइपालिपानु इङको ब्यर्थको काम मालागिका काथागेलाइ दोङ हि।