1तिमोथि 1:5 - Dhimal NT

⁵ का नेलाइहेङ आदेस पिका उदेस्य इदोइ हि, कि नेलाइ एमिसो-भेनेङहेङ पुरा ह्रदयहोइ, प्रेम पासु, जेदोङ चाहि सुद्द मन, आसल बिबेक, कालाउ सत्ये खाङधुरिसो लोखे।

धिमाल

⁵ केलाइको पिका बिद्‍याको मुल काथा दाया पालि इदोइचाहिँ चोखो मन, रेम्‍का बिचार रो जातिङको खान्‍धुरिसो लोखे।

1तिमोथि 1:5 Iomraidhean Croise

मत्‍ति 12:35

कालाउ आसल द्‍याङ, ताइको मनता हिका आसल काथा भाकारसो आसल काथा दोङ ओल्लेपाखे। खाराब द्‍याङ खाराब दोङ काथा भाकारसो ओल्लेपाखे।

मत्‍ति 5:8

धन्य मनता सुद्द हिकालाइ, हाइपालिपानु इम्बालाइ परमेस्वरहेङ तिनावा।

साल्न्हाका चात्या 15:9

कालाउ खाङधुरिसो ओबालाइको मन सुद्द पातेङ परमेस्वर केलाइको कालाउ ओबालाइको माझाता हिदोइ बुङ खाल्को भेदभाव माअ्ताहि।

साल्न्हाका चात्या 23:1

पावल माहासभाता हिका द्‍याङगेलाइ भारि खाङहि, कालाउ दोअ्हि, “काङको ओनेगेलाइ, नानिको दिना थेकापा परमेस्वरको नजरता काङको जिबन सुद्द बिबेकहोइ बितिपातेङ हिघा।”

साल्न्हाका चात्या 24:16

ओदोङ भाअ्सिङ का जेलाउ बुङ परमेस्वरको कालाउ द्‍याङगेलाइको आगाता का काङको बिचारहेङ सुद्द पालि कोसिस पाङका।

रोमि 10:4

हाइपालिपानु ख्रिस्ट लोतेङ एला व्यवस्थाको उदेस्य पुरा जेङलि दोका हि। ओदोङ भाअ्सिङ ख्रिस्टता खाङधुरि पाका झाराङहेङ परमेस्वर धर्मि बानाइयाङ।

रोमि 12:9

नेलाइको प्रेम तिङपाका खिनिङ माको भरु जातिङको ह्याको। जेदोङ काथा खाराब हि इङकोहेङ बाथालाइगिल, कालाउ जेदोङ काथा एल्का हि इङको काम लागातार पातेङ हि।

रोमि 14:15

जेसापा नाअ् जेदोङ चाखेना ओदोङ काथाहोइ नाङको खान्धुराइ ओनेगेलाइ खाङधुरिहेङ चोट पापाखे पानु नाअ् वासेहेङ मायारु मापाखेना। हाइपालिपानु जेदोङ खान्धुराइ ओनेको भाअ्सिङ ख्रिस्ट सिपिहि, नाङको चाका आमेनेहोइ वाको खाङधुरिहेङ हान्ति माज्याको।

रोमि 9:1

का ख्रिस्टहेङ साक्सि मानितेङ सत्ये काथा धुइतेङ हिघा, पबित्तरो आत्मा कालाउ काङको बुद्दिहोइ बुङ या साक्सि पिखे कि का धाताइका मान्थुघा।

1 कोरिन्थि 13:1

जेसापा का द्‍याङगेलाइ कालाउ स्वर्गदुतगेलाइको भासाता धुइलाउ बुङ कालाउ का आरुहेङ प्रेम माखापा पानु, काङको दोअ्का काथा आर्था हिन घन्टि कालाउ झ्याइ-झ्याइ पाका झ्यालि खिनिङ जेनाङ।

2 कोरिन्थि 1:12

हाइपालिपानु केलाइ गर्ब पानाखे कि केलाइको बिबेक झालाफालापा हि, सुमिङता कालाउ बिसेस पातेङ नेलाइ दोफाको केलाइको सम्बन्ध नेलाइ दोफा कालाउ सुमिङको द्‍याङगेलाइ दोफा पबित्तरो कालाउ सत्ये हि, जेदोङ चाहि परमेस्वरसो लोखे, इदोइ चाहि मानिमुइ बुद्दिहोइ माको, भरु परमेस्वरको आनुग्रह पाहासो हि।

गलाति 5:22

कालाउ पबित्तरो आत्मा केलाइ लिता उब्जाइ पाका गुनगेलाइ इदोइ दोङ हि: प्रेम, आनान्द, सान्ति, धैर्य, दाया, भालाइ, खाङधुरि योग्य,

गलाति 5:6

जेसापा नेलाइ येसु ख्रिस्टको खान्धुराइगेलाइनु खाताना पालाउ बुङ मापालाउ बुङ हिदोइ बुङ फरक माजेङखे। कालाउ मुलि काथा या कि केलाइ ख्रिस्टता खाङधुरि पान्हाखे, कालाउ परमेस्वर कालाउ आरु द्‍याङहेङ बुङ प्रेम पान्हाखे।

1तिमोथि 1:18

काङको चान तिमोथि, का नासेहेङ या आग्या पिदोङखा, कि नाङको बिसोइता लाम्फासोङ परमेस्वरको बाक्ता दोअ्का काथा नाअ् फोम ताअ् कालाउकि नेलाइ धाताइका सिक्स्यकगेलाइको बिरोधता आसल धुम पालि दोसु।

1तिमोथि 1:19

नाअ् ख्रिस्टता लागातार खाङधुरि पातेङ हिलि गोइखे कालाउ आसल बिचार पातेङ हिलि गोइखे आधिमि द्‍याङगेलाइ ताइको आसल बिचार इन्कार पाका हि, कालाउ इम्बालाइ ख्रिस्टता खाङधुरि पालि लाअ्का हि।

1तिमोथि 3:9

कालाउ इम्बालाइ सुद्द बिबेकता परमेस्वर तिङपाका सत्ये सन्देसता खाङधुरि पातेङ हितेङ हिलि गोइखे।

2 तिमोथि 1:3

जेलाउ बुङ का परमेस्वर दोफा प्रार्थाना पाखा दिनाङ नासेहेङ फोम पाखा, का परमेस्वरहेङ धन्यबाद चढाइखा, जाइको सेवा काङको पुर्खागेलाइ पाका भाइपाङ का बुङ सुद्द बिबेकहोइ पाखा।

2 तिमोथि 1:5

कासेहेङ नाङको येसु ख्रिस्ट ह्रुता हिका खाङधुरिको फोम हि। इङको खाङधुरि जेदोङ लाम्फा नाङको आझाइ लोइस कालाउ नाङको आमाइ युनिस्ता हिघाहि। कालाउ एला कासेहेङ निस्चित हि, कि नाङकोता बुङ इन्सिकाङ खाङधुरि हि।

2 तिमोथि 2:22

तिमोथि नाअ् धाना द्‍याङगेलाइ पालि इच्छा पाका मारेम्का कामगेलाइसो दुरे हिसु, कालाउ सुद्द ह्रदयसो प्रभुको आराधाना पाकालाइ दोफा आसल काम, खाङधुरि, प्रेम, कालाउ सान्तिहेङ पिताइसु।

तितस 1:15

जाहाँका हृदय हिकालाइको बिचार जाहाँका दोङ हिखे। कालाउ इङको दुस्ट द्‍याङगेलाइ जाइ येसुहेङ खाङधुरि मापाखे इम्बालाइको भाअ्सिङ हाइ दोङ काथा बुङ जाहाँका माजेङखे। हाइपालिपानु इम्बालाइको मन कालाउ बिबेक आसुद्द हिखे।

हिब्रु 10:22

कालाउ वा ख्रिस्टको हिति सिरकाइतेङ केलाइको ह्रदयता हिका दुसिका लाअ्पापिका हि, कालाउ केलाइको जिउ सुद्द चिहोइ झाका हि, कालाउ केलाइ तियार जेङका हिनाहि। ओदोङ भाअ्सिङ सत्ये ह्रदय कालाउ बल्लियाका खाङधुरि दोफाङ परमेस्वरको भेरपा हानाइने।

हिब्रु 13:18

केलाइको भाअ्सिङ प्रार्थाना पासु, केलाइहेङ निसित दोङ थाहा हि कि, केलाइको बिबेक जाहाँका हि, हाइपालिपानु केलाइ जेलाउ बुङ आसल काथागेलाइ पालि भोनाखे।

हिब्रु 9:14

या सोचिसु कि सिका भारि चुम्पुका कामगेलाइसो ख्रिस्टको हितिहोइ केलाइको ह्रदयहेङ ते झन हेथे हेन्जा सुद्द बानाइलि दोखे, कालाउकि केलाइ सिन्हुका परमेस्वरको आराधाना पालि द्वाको, हाइपालिपानु आनान्त आत्माको सरबुङ पाहासो ताइमिहेङ केलाइको पापको भाअ्सिङ एमि सिद्द भोगको रुपता परमेस्वरहेङ चाढाइहि।

याकुब 4:8

परमेस्वरको भेरपाङ लोसु, कालाउ वा नेलाइको भेरपाङ लावा। पापिगेलाइ! ताइको जिबनसो पाप पालि लाअ्पासु। न्हेनोङ मन हिका द्‍याङगेलाइ! नेलाइको हृदय सुद्द पासु।

1पतरुस 1:22

हाइपालिपानु नेलाइ सत्ये पालन पातेङ सुद्द जेङका हिसुना, एला नेलाइ ताइको दोफाङको खान्धुराइगेलाइहेङ चोखो प्रेम पासु। कालाउ एमिसो भेनेङहेङ ताइको ह्रदयको लिता सोङ प्रेम पातेङ हिसु।

1पतरुस 3:16

कालाउ इदोइ मोनोइ कालाउ आदार पुर्न तरिकाहोइ पासु। जेलाउ बुङ जेदोङ ठिक हि इङकोङ पासु। कालाउ जेसापा द्‍याङगेलाइ नेलाइको बिरोधता खाराका काथा पाखे पानु, इम्बालाइ लेदेरता परियावा जेलाउ इम्बालाइ नेलाइको ख्रिस्ट दोफाको सम्बन्धको कारन नेलाइको आसल ब्यभार तिनावा।

1पतरुस 3:21

पुर्ना सोमोइता इम्बालाइको मुक्ति एला केलाइको मुक्तिको रुप दोङ, जेलाउ केलाइ बप्तिस्ता ह्रुन्हाखे। केलाइ बप्तिस्ता ह्रुका चिहोइ केलाइको जिउसो मिधि माझानाखे, भरु इङको सङकेत हि कि केलाइ परमेस्वरसो माफ ह्रेका हिनाहि, कालाउकि केलाइको मन एला माआउलियाको। केलाइ स्यामा निङलि द्वाङ, हाइपालिपानु येसु ख्रिस्ट ताइको सिकासो आरोङ बान्चिका हि,

1पतरुस 4:8

झाराङ खान्तेङ मुलि काथा, एमिसो भेनेङहेङ लिताङसो प्रेम पासु। हाइपालिपानु जेसापा नेलाइ द्‍याङगेलाइहेङ प्रेम पासुन्हा, नेलाइ जेलाउ बुङ इम्बालाइको हिदोइ बुङ पाप पाका काम स्यामा पालि तियार जेङस्वाना।

२ पत्‍रुस 1:7

नेलाइ परमेस्वरहेङ लेङचापाका जिबन जियाइलि खिनिङ माको, कालाउ ताइकोङ जाहानको सदस्य जेसाङ नेलाइ एमिसो-भेनेङ दोफा प्रेम पालि गोइखे। कालाउ झाराङ द्‍याङगेलाइहेङ बुङ प्रेम पालि गोइखे।

१ युहन्‍ना 3:10

परमेस्वरको सान्तान हासु कालाउ साइतानको सान्तान हासु एसापा नाल्खे, जाइ परमेस्वरको आगाता आसल काम पाखे कालाउ जाइ आरु खान्धुराइगेलाइहेङ प्रेम पाखे उङको दोङ परमेस्वरको सान्तान दोङ हि।

१ युहन्‍ना 3:23

कालाउ परमेस्वरको आग्या इदोइ दोङ हि, कि केलाइ वाको चान येसु ख्रिस्टता खाङधुरि पालि गोइखे, कालाउ वा केलाइहेङ आग्या पिका बमोजिम केलाइ एमिसो-भेनेङहेङ प्रेम पालि गोइखे।

१ युहन्‍ना 3:3

कालाउ जेसाङ ख्रिस्टता हिदोइ बुङ पाप मान्थु, हासु बुङ ख्रिस्ट भाइपाङ जेङलि भोखे वा पाप मापाको।