1तिमोथि 1:3 - Dhimal NT

³ जेलाउ म्यासिडोनिया प्रदेस हानेलि तोमलाउ का आरोङ नेलाइहेङ आनुरोध पाखा कि, नेलाइ एफिसस सहरता दोङ हिसु कालाउ धाताइका सिक्स्या धिरपाका द्‍याङगेलाइहेङ एन्सा मापा दोअ्तेङ थाङका आग्या पि।

धिमाल

³ का माकेडोनिया हानेलि तोमलाउ नासेहेङ एफिससताङ हि दोअ्‌तेङ कर लागाइका हिघाखा। आरोङ बुङ इन्‍ता ढाटाइका बिद्‌या धिरपाकालाइहेङ रोकेलि ना इन्‍ताङ हि।

1तिमोथि 1:3 Iomraidhean Croise

साल्न्हाका चात्या 18:19

इम्बालाइ एफिसस सहरता लोहि, कालाउ पावल प्रिस्किला कालाउ आकिलासहेङ इन्ताङ ताअ्धिहि कालाउ ताइमि चाहि एनोङ चाउघारा साअ्ता दुल्तेङ यहुदिगेलाइ दोफा काथा पोसुलि तेङहि।

साल्न्हाका चात्या 18:21

पावल एसा दोअ्तेङ इम्बालाइ दोफा बिदा जेङहि, “जेसापा परमेस्वरको इच्छा जेङनु का नेलाइकोता आरोङ ल्वाङका।” कालाउ वा एफिसस सहरसो समुन्द्रको दामा पाहासो हानिहि।

रोमि 15:26

हाइपालिपानु यरुसेलेम सहरता हिका पबित्तरो जनगेलाइता जाइ गरिब हि, इम्बालाइको भाअ्सिङ म्यासिडोनिया प्रदेस कालाउ आखैया प्रदेसको मन्डलिगेलाइ भेति पिगिल्लि भोका हि।

रोमि 16:17

खान्धुराइ ओनेगेलाइ, का नेलाइहेङ सेउपाखा, कि नेलाइहेङ धिर्पाका सत्ये सिक्स्याको बिरोध पाका द्‍याङगेलाइसो जाइ खेङपाखे चङख हिसु कालाउ इम्बालाइसो दुरे हिसु।

2 कोरिन्थि 11:4

केलाइ येसुको बारेता दोअ्न्हाहि कालाउ नेलाइ केलाइको सन्देसहेङ ग्रहन पातेङ पबित्तरो आत्मा निङसुन्हा, कालाउ नेलाइ भेनेङ येसुको बारेता आधिमि द्‍याङगेलाइहेङ दोअ्लि पिसुन्हा। एला नेलाइ भेनेङ आत्मा माकुनु सुसमाचार ग्रहन पालि तियार हिसुना, जेदोङ चाहि केलाइको पिका सिक्स्या खान्तेङ भेनेङ हि। कालाउ गोल्तिहोइ नेलाइ इङको सुसमाचार ग्रहन पासुना।

एफिसि 4:14

ओदोङ भाअ्सिङ केलाइ जामाललाइ भाइपा माभायाङ, एला केलाइ नाउ भाइपा माजेनाङ जाइहेङ भेरमाहोइ कालाउ चिको उलाउ उलाउको छाल्काहोइ जेसो ओसोङ थुगिल्खे। जाइको माने या कि एला चङख, कालाउ कपटि द्‍याङगेलाइ ताइको धाताइका सिक्स्याहोइ केलाइहेङ दोका मापियाङ।

फिलिप्पि 2:24

कालाउ का बुङ धेमाङ ल्वाङका दोअ्तेङ प्रभुता भोरोसा ताअ्का हिघा।

1तिमोथि 4:11

इदोइ दोङ काथागेलाइ खान्धुराइगेलाइहेङ धिरपा कालाउ इम्बालाइ इङको काथागेलाइहेङ आग्या केम्लि दोअ्सु।

1तिमोथि 4:6

जेसापा नाअ् का एलाङ दोअ्का काथागेलाइ खान्धुराइ ओनेगेलाइहेङ धिरपान्हा पानु, नाअ् येसु ख्रिस्टको खाङधुरि योग्य सेवक जेनाना, जेदोङ खाङधुरिको सन्देसता बल्लियाका जेङका हिखे कालाउ आसल सिक्स्याहेङ पिताइकाताङ लोका हिखे।

1तिमोथि 5:7

खान्धुराइगेलाइहेङ इदोइ काथाको साल्लाहा पिसु, कालाउकि हासु बुङ इम्बालाइहेङ दुसिलि माद्वाको।

1तिमोथि 6:10

हाइपालिपानु धनसम्पतिको लोभ दोङ गोताङ किसिमको मारेम्का कामको जारि दोङ हि। हेथेते द्‍याङ ताका कामाइका लोभता लागितेङ खाङधुरि पालि लाअ्का हि कालाउ हेन्जा दुख पिडाता परिका हि।

1तिमोथि 6:17

इदोइ सुमिङको धनिगेलाइहेङ घमन्ड माजेङलि आदेस पिसु, कालाउ इम्बालाइ ताइको आसथाइ सम्पतिता भोरोसा माताताको, कालाउ केलाइको सुखको भाअ्सिङ गेनेगेल्पा पिका परमेस्वर ह्रुता इम्बालाइ आस पाको, कालाउकि केलाइ आनान्द पालि द्वाको

1तिमोथि 6:3

जेसापा हासु बुङ धाताइका सिक्स्यागेलाइ धिरपाखे पानु, केलाइको प्रभु येसु ख्रिस्टको सत्ये सिक्स्या कालाउ परमेस्वरहेङ भक्ति पाका सिक्स्या दोफा सहमत माजेङखे।

2 तिमोथि 1:18

प्रभु आन्सिफोरसहेङ न्याको दिनाता माहान क्रिपा तिङपाको। नासेहेङ रेम्फा थाहा हि, कि एफिसस सहरता वा कासेहेङ हेन्जाङ प्रकारसो साघाइका हिघाहि।

२ युहन्‍ना 1:7

का या दोअ्खा हाइपालिपानु, धाताइका सिक्स्या पाहा बोमिहेङ धोका पिका हेन्जाङ द्‍याङगेलाइ इदोइ सुमिङता लोका हि। इम्बालाइ येसु ख्रिस्टहेङ इदोइ सुमिङता द्‍याङको रुपता लोका हि दोअ्तेङ सुइकार मापाखे। जेसापा हिदोइ बुङ द्‍याङ एसा दोअ्खे, उङको द्‍याङ ख्रिस्ट बिरोधि दोङ हि, जाइ जेलाउ बुङ द्‍याङगेलाइहेङ धोका पिखे।

प्रकास 2:14

कालाउ कासेहेङ नेलाइको बारेता हाइ दोङ गुनासो हि, हाइपालिपानु धाताइका सिक्स्या पिकालाइहेङ नेलाइ बिरोध मापास्वाना जिसिका परमेस्वरको बक्ता बालाम लाम्फाको सोमोइता जेदोङ धिरपाहि। बालाम बालाक राजाहेङ धिरपाहि कि इस्राएललिको द्‍याङगेलाइहेङ हेसा लोभता फासेपातेङ पाप पापालि, वा मुर्तिगेलाइहेङ भोग पिका आमेने चालि-आम्लि कालाउ आनैतिक जिबन बितिपालि धिरपाहि।

प्रकास 2:20

कालाउ नाङको बिरोधता कासेहेङ या गुनासो दोअ्लि हि: नाअ् इजेबेल दोअ्का बेबालहेङ सहिका हिना। वा ताइमिहेङ परमेस्वरको बक्ता दोअ्खे, कालाउ काङको द्‍याङगेलाइहेङ कासिबिरि पालि कालाउ मुर्तिगेलाइहेङ भोग पिका आमेने चालि-आम्लि कालाउ आसलिल जिबन बितिपालि धिरपाहि।