1तिमोथि 1:20 - Dhimal NT

²⁰ इङको मध्येता हुमेनियस कालाउ आलेक्जेन्डर बुङ हि, का इम्बालाइहेङ परमेस्वरको निन्दा पालि लाअ्ताको दोअ्तेङ साइतानको खुरता सुम्पिका हिघा, कालाउकि इम्बालाइ परमेस्वरको निन्दा पालि माएल दोअ्का काथा धिराको।

धिमाल

²⁰ एम्‍बालाइता हुमेनियस रो अलेक्‍जेन्‍डर। परमेस्‍वरहेङ बादनामि पालि लाअ्‌ताको दोअ्‌तेङ का एम्‍बालाइहेङ दियाबलसको खुरता पिका हिघा।

1तिमोथि 1:20 Iomraidhean Croise

मत्‍ति 18:17

जेसापा वा खान्धुराइगेलाइको काथा बुङ हिङलि माकिनु, मन्डलिता हानितेङ गोताङ काथा खोलिपि कालाउ इम्बालाइको काथा बुङ माहिङपिनु वासेहेङ पोत ल्होपाका कालाउ गैर-यहुदि भाइपाङ ब्याभार पासु।

साल्न्हाका चात्या 13:45

कालाउ जेलाउ यहुदि आगुवागेलाइ इङको द्‍याङको जेरहेङ तिङतेङ मेनाङ डाहाहोइ भरिहि कालाउ पावलको दोअ्का काथाको बिरोध पालि तेङहि।

साल्न्हाका चात्या 19:33

जेरको आधे यहुदि द्‍याङगेलाइ जेरसो आलेकज्यानडरहेङ आगा साराइतेङ जाअ्पाहि। आलेकज्यानडर ताइको खुरको इसाराहोइ झाराङहेङ सान्त पातेङ द्‍याङगेलाइको आगाता बान्चिलिको भाअ्सिङ हाइ दोङ दोअ्लि भोहि।

1 कोरिन्थि 11:32

कालाउ प्रभु केलाइहेङ दन्ड कालाउ आनुसासन पिखे, कालाउकि केलाइहेङ परमेस्वर सुमिङको द्‍याङगेलाइ दोफाङ न्याय माप्याको।

2 कोरिन्थि 10:6

जेलाउ नेलाइ ख्रिस्टको पुर्न आग्याकारि जेङस्वाना केलाइ आग्या माकिकालाइहेङ साजाइ पिलि तियार जेनाङ।

2 कोरिन्थि 13:10

ओदोङ भाअ्सिङ का नेलाइहेङ इदोइ काथा लेखेतेङ हिघा, कालाउकि का नेलाइकोता लोलि खाङतेङ लाम्फा प्रभु कासेहेङ नेलाइहेङ दन्ड पिलि खाबारा पिका हि दोअ्तेङ का नेलाइहेङ तिङपालि द्वाको, हाइपालिपानु का ताइको खाबारा प्रयोग पातेङ नेलाइहेङ खाङधुरिता बल्लियाका बानाइलि भोखा, कालाउ नासा पालिको भाअ्सिङ माको।

2 थेस्लोनिकि 3:15

कालाउ बुङ वासेहेङ ताइकोङ सतुरु भाइपा ब्याभार मापासु, कालाउ ताइकोङ ओनेहेङ सम्झाइका भाइपा वासेहेङ सम्झाइ।

1तिमोथि 5:15

का या दोअ्दोङखा, हाइपालिपानु आधिमि के सिकालाइ परमेस्वरको आग्या केम्लि लाअ्तेङ साइतान जेदोङ पालि भोखे इम्बालाइ इन्सिकाङ पातेङ हि।

2 तिमोथि 2:14

नाङको द्‍याङगेलाइ इदोइ काथागेलाइ मानिलाको जेदोङ काथा का नासेहेङ दोअ्का हिघा, कालाउ प्रभुको साक्सिको रुपता इम्बालाइहेङ सब्दगेलाइको आर्थाता काथा मापोसुसु दोअ्तेङ चेताउनि पिसु। हाइपालिपानु इन्सिका काथा पोसुकाहोइ हासुहेङ बुङ फाइदा मापाखे, कालाउ हिङका द्‍याङगेलाको खाङधुरिहेङ बुङ बार्का हान्ति पाखे।

2 तिमोथि 2:17

इम्बालाइको सन्देसगेलाइ फाइलाइयावा कालाउ जाइ इम्बालाइको सन्‍देस हिनावा इम्बालाइको खाङधुरि नासातावा। उङको न्हेमि मध्ये हुमेनियस कालाउ फिलितोस इन्सिकाङ सिक्स्या पिका द्‍याङगेलाइ दोङ हि।

2 तिमोथि 3:2

हाइपालिपानु द्‍याङगेलाइ ताइमिहेङ खिनिङ माया पाका, धनको लोभ पाका, आहाङकारि, घमन्डि, ताइमिहेङ बार्का फोम पाका, आरु द्‍याङगेलाइहेङ निन्दा पाका, ताइको आमाइ-आबाको आग्या माकेम्का, आरुको गुन मातिङका कालाउ आपबित्तरो हिखे।

हिब्रु 12:5

परमेस्वरको चान-चामिन्दिगेलाइ कोनिङ नेलाइहेङ एसापा परमेस्वरसो हाउसाइका सब्दगेलाइ दोअ्का नेलाइ निल्सुन्हा। “हे काङको चान, परमप्रभु नाङको पाका गल्ति तिङपा पिहि पानु ध्यान पि, कालाउ वा नेलाइहेङ नाइलाउ बुङ सुइकारसु।”

प्रकास 13:1

एनोङ, राक्सेस समुन्द्रसो बाहार ओल्लेतेङ लोका का तिङघा। वाको न्हि लोङ पुरिङ हिघाहि कालाउ तेलोङ दाङगेलाइ हिघाहि वाको गोताङ दाङता मुकुट हिघाहि। वाको गोताङ पुरिङता परमेस्वरको बिरोध पाका मिङ लेखेका हिघाहि।

प्रकास 3:19

जाइहेङ का प्रेम पाखा, का इम्बालाइहेङ धिरपाङका कालाउ साजाइ प्याङका कालाउकि इम्बालाइ आसल जेनाको। कालाउ रेम्का कामगेलाइ पालि उत्सुक जेनाको कालाउ पाप पालि लाअ्ताको कालाउ परमेस्वर भारि घुरियाको।