1तिमोथि 1:18 - Dhimal NT

¹⁸ काङको चान तिमोथि, का नासेहेङ या आग्या पिदोङखा, कि नाङको बिसोइता लाम्फासोङ परमेस्वरको बाक्ता दोअ्का काथा नाअ् फोम ताअ् कालाउकि नेलाइ धाताइका सिक्स्यकगेलाइको बिरोधता आसल धुम पालि दोसु।

धिमाल

¹⁸ खान्‍धुरता काङको जातिङको चान तिमोथि, हेन्‍जाङलाम्‍फा नाङको बारेता धुइका आगाधुइ माफिक का नासेहेङ हुकुम पिखा। इङको काथागेलाइ फोम पातेङ रेम्‍का बानालको भाअ्‌सिङ रेम्‍का धुम पालि दोसु।

1तिमोथि 1:18 Iomraidhean Croise

साल्न्हाका चात्या 16:1

पावल डर्बि सहर लुस्तारा सहरता बुङ लोहि। इन्ता तिमोथि मिङ हिका एमि चात्या हिघाहि। कालाउ वा एमि यहुदि खान्धुराइको बेबालको चान हिघाहि। कालाउ वाको आबा चाहि ग्रिक सारभिको बासिन्दा हिघाहि।

1 कोरिन्थि 4:17

ओदोङ भाअ्सिङ का तिमोथिहेङ नेलाइकोता दिङगिल्दोङखा। प्रभुता वा काङको मायारु कालाउ खाङधुरि योग्य चान भाइका हि। का गोताङ थामेगेलाइको मन्डलिता धिरपाका आन्सार येसु ख्रिस्टता काङको जिबन हिसिका हि तिमोथि नेलाइहेङ दोअ्तावा।

1 कोरिन्थि 9:7

सिपालाइ सेनाता हिलाउ ताइको खर्च ताइमिङ तिरिलि मागोइखे। आङगुर थिङका द्‍याङ आङगुर चालि निङखे। कालाउ लाखुरिया ताइको भेडा पोसितेङ दुधे आम्लि द्वाङ।

फिलिप्पि 2:22

कालाउ नेलाइहेङ थाहा हि, कि हेसा वा ताइमिहेङ खाङधुरि योग्य तिङपाहि, जेसाङ चान आबा दोफा सेवा पाखे, एन्साङ दोङ तिमोथि का दोफा सुसमाचारको कामता सेवा पाहि।

1तिमोथि 1:2

का इदोइ पात्तारा तिमोथिहेङ लेखेदोङखा, नाअ् काङको ताइकोङ चान भाइका हिना हाइपालिपानु नाअ् बुङ येसु ख्रिस्टता खाङधुरि पाखेना। का प्रार्थाना पाखा, कि केलाइको आबा परमेस्वर कालाउ येसु ख्रिस्ट नासेहेङ आनुग्रह, क्रिपा कालाउ सान्ति प्याको।

1तिमोथि 1:5

का नेलाइहेङ आदेस पिका उदेस्य इदोइ हि, कि नेलाइ एमिसो-भेनेङहेङ पुरा ह्रदयहोइ, प्रेम पासु, जेदोङ चाहि सुद्द मन, आसल बिबेक, कालाउ सत्ये खाङधुरिसो लोखे।

1तिमोथि 4:14

नाङको दोफा हिका बरदानको हेलचेक्राइ मापा, जेदोङ बरदान मन्डलिको आगुवागेलाइ ताइको खुर नाङको ह्रुता ताअ्लाउ आगमबानिसो नासेहेङ मिलिका हिघाखे।

1तिमोथि 4:4

हाइपालिपानु परमेस्वर सिरजाइका गोताङ काथा आसल हि, कालाउ परमेस्वरहेङ धन्यबाद दोफाङ ग्रहन पातेङ केलाइ हिदोइ बुङ आमेने चाअ्लि इन्कार पातेङ हिलि मागोयाङ।

1तिमोथि 6:20

तिमोथि, परमेस्वर नासेहेङ जेदोङ सुम्पिका हि, इङको रेम्फासो पाअ्‌। कालाउ हेथेते द्‍याङगेलाइ सुमिङको ब्यर्थको काथा जाइहेङ इम्बालाइ “ग्यान” दोअ्खे, इन्सिका धाताइका काथागेलाइसो फारापा हिसु।

2 तिमोथि 1:2

का इदोइ पात्तारा तिमोथिहेङ लेखेदोङखा नाअ् काङको ताइकोङ चान भाइका हिना का प्रार्थाना पाखा, कि आबा परमेस्वर कालाउ केलाइको प्रभु येसु ख्रिस्ट नासेहेङ आनुग्रह, क्रिपा कालाउ सान्ति प्याको।

2 तिमोथि 4:7

खाङधुरिको रेम्का धुम पासु, जेसाङ एमि आर्मि धुम पालि हार मामानिखे, का बुङ ख्रिस्टको भाअ्सिङ थाङका मेहेनत पाका हिघा। का येसु ख्रिस्टको पिका कामहेङ पुरा पाका हिघा। कालाउ आखिरि दिना थेकापा खाङधुरि योग्य जेङतेङ हिघा।

तितस 1:4

का इदोइ पात्तारा तितसहेङ लेखेदोङखा, नाअ् काङको ताइकोङ चान भाइका हिना, हाइपालिपानु नाअ् बुङ येसु ख्रिस्टता खाङधुरि पाखेना। आबा परमेस्वर कालाउ केलाइहेङ मुक्ति पिका येसु ख्रिस्ट नासेहेङ आनुग्रह कालाउ सान्ति प्याको।

फिलेमोन 1:10

का ओनेसिमसको भाअ्सिङ निबेदन पादोङखा, जाइ काङको भाअ्सिङ चान भाइकाङ जेङका हि। का इता झ्यालखानाता हिलाउ वा ख्रिस्टता काङको चान जेङहि।