1तिमोथि 1:14 - Dhimal NT

¹⁴ कालाउ केलाइको प्रभु कासेहेङ वाको आसिम आनुग्रह लागातार तिङपाहि। वा दोङ कासेहेङ वा ह्रुता खाङधुरि पाका बानाइहि, कालाउ आरुहेङ प्रेम पालि धिरपाहि, हाइपालिपानु का येसु ख्रिस्ट दोफा ए जेङतेङ हिघाखा।

धिमाल

¹⁴ केलाइको प्रभुको निगाहा का हेन्‍जाङ निङका हिघा। ख्रिस्‍ट इसुता निङका खान्‍धुरि रो दाया प्रभु दोङ कासेहेङ पिहि।

1तिमोथि 1:14 Iomraidhean Croise

मत्‍ति 20:9

कालाउ नाइके ना बजेको सोमोइता काम सुरु पाकालाइहेङ लाम्फा काइतेङ झाराङहेङ ए दिनाको निङका पुरा ज्याला चान्दिको एनोङ-एनोङ थुरि पिहि।

साल्न्हाका चात्या 15:11

एसा पालि ठिक माको केलाइ खाङधुरि पान्हाखे, कि ओबालाइ भाइपाङ केलाइ बुङ प्रभु येसुको आनुग्रहसो मुक्ति निङका हिनाहि, मोसाको व्यवस्था आग्या केम्नाङ माको।”

रोमि 16:20

सान्तिको परमेस्वर मार्फाङ दोङ साइतानहेङ नासा पाङ कालाउ वासेहेङ नेलाइको आधिनता चुमावा, केलाइको प्रभु येसु ख्रिस्टको आनुग्रह नेलाइ दोफा हितेङ ह्याको।

1 कोरिन्थि 15:10

कालाउ का परमेस्वरको आनुग्रहहोइ छाल्न्हाका चात्या हिघा, कालाउ वाको आनुग्रह काङको जिबनता प्रभाबकारि हिघाहि। भरु का ते छाल्का चात्यागेलाइ खान्तेङ इस्तु परिस्रोम पाघा। कालाउ बुङ का माको, कालाउ परमेस्वरको आनुग्रहहोइ कासेहेङ साघाइहि।

1 कोरिन्थि 3:10

परमेस्वर पिका बरदान आन्सार साअ् धाम्का सिपालु मिस्तिरि भाइपाङ का साअ्को जग योम्पाघा, कालाउ बोगेलाइ चाहि इङको ह्रुता साअ् धाम्काताङ हानिखे। इङको ह्रुता साअ् धाम्का गोताङ द्‍याङ हेसा धाम्लि गोइका हि दोअ्तेङ रेम्फा बिचार पाको।

2 कोरिन्थि 13:14

प्रभु येसु ख्रिस्टको आनुग्रह, परमेस्वरको प्रेम कालाउ पबित्तरो आत्माको सङगति नेलाइ झाराङ दोफा ह्याको।

2 कोरिन्थि 4:15

हाइपालिपानु केलाइ सहिका इदोइ गोताङ कस्टगेलाइ नेलाइको भलाइको भाअ्सिङ जेङका हि, हेन्जाङ खान्तेङ हेन्जा द्‍याङगेलाइ थाहा निङलि द्वाको कि परमेस्वर हेथे दायालु हि, एन्साङ दोङ परमेस्वरको महिमाको भाअ्सिङ हेन्जा द्‍याङगेलाइ वासेहेङ धन्यबाद चढाइयाको।

2 कोरिन्थि 8:9

हाइपालिपानु केलाइको प्रभु येसु ख्रिस्टको आनुग्रह नेलाइहेङ थाहा हि, वा धनि हिघाहि, कालाउ बुङ नेलाइको भाअ्सिङ वा गरिब जेङपिहि। कालाउकि वाको गरिबसो नेलाइ धनि जेङलि दोसु।

गलाति 1:13

का हेसा लाम्फा यहुदि धर्म केम्घाखा नेलाइहेङ थाहा दोङ हि, एन्सालाउ का परमेस्वरता खान्धुराइगेलाइहेङ साताइघाखा कालाउ इम्बालाइहेङ नासा पालि भोघाखा।

1 थेस्लोनिकि 1:3

जेलाउ केलाइ आबा परमेस्वर दोफा प्रार्थाना पानाखे, केलाइ प्रभु येसु ख्रिस्ट नेलाइको खाङधुरिसो पाका काम, नेलाइ खान्धुराइगेलाइहेङ पाका प्रेम कालाउ साघाइ कालाउ नेलाइको थाङका परिस्रोम, कालाउ नेलाइ प्रभु येसु ख्रिस्ट आरोङ ल्वाङ दोअ्का आसता धर्य पातेङ लागातार फोम पानाखे।

1 थेस्लोनिकि 5:8

कालाउ केलाइ चाहि दिनाको हिनाङ खाङधुरि कालाउ प्रेमको तुम्ताको पाता लागाइने जेदोङहोइ केलाइहेङ बान्चिपाखे, जेसाङ तुम्ताको पाताहोइ सिपालाइहेङ जोगे पाखे। कालाउ आस पाइने, कि केलाइ आनान्त साजाइसो बान्चिका हिनाहि, जेसाङ टोपहोइ सिपाइहेङ बान्चिपाखे।

1तिमोथि 2:15

कालाउ जेलाउ थेकापा इम्बालाइ ख्रिस्टता खाङधुरि पातेङ हिहे पानु, आरुहेङ बुङ प्रेम पावा, कालाउ सुद्द कालाउ मोनोइ तरिकासो ब्याभार पाहे पानु परमेस्वर बेबालाइहेङ जामालको जोलोम पिकासो बान्चि पावा।

1तिमोथि 4:12

इसिका ब्याभार पाअ्‌ कि, हासु बुङ नाअ् धाना हिना दोअ्तेङ हेला मापाको कालाउ नाङको आदार पाअ्को। कालाउ खान्धुराइगेलाइको आगाता बोलिचालि, बानिबेहुरा कालाउ प्रेमता कालाउ ख्रिस्टको खाङधुरिता, कालाउ सुद्दता जिबन जियाइतेङ नाअ् एनोङ नमुना जेङ।

1तिमोथि 6:11

कालाउ तिमोथि नाअ् परमेस्वरको जन इदोइ गोताङ मारेम्का काथागेलाइसो फारापा हिसु, कालाउ आसल कामता, भक्तिता, खाङधुरिता, प्रेम धर्यता कालाउ मोनोइ जेङका काथाता ताइको मन लागाइ।

2 तिमोथि 1:13

का नासेहेङ पिका गोताङ सत्ये सिक्स्यागेलाइ नमुना भाइपाङ जोगाइतेङ ताअ्सु। खाङधुरि कालाउ प्रेम दोफा या पासु, हाइपालिपानु नेलाइ येसु ख्रिस्ट दोफा ए जेङतेङ हिसुन्हा।

2 तिमोथि 2:22

तिमोथि नाअ् धाना द्‍याङगेलाइ पालि इच्छा पाका मारेम्का कामगेलाइसो दुरे हिसु, कालाउ सुद्द ह्रदयसो प्रभुको आराधाना पाकालाइ दोफा आसल काम, खाङधुरि, प्रेम, कालाउ सान्तिहेङ पिताइसु।

तितस 2:2

कालाउ वाराङ द्‍याङगेलाइहेङ ताइमिहेङ काबुता ताअ्लि, आदारको योग्य, समझदारिता जियाइलि, खाङधुरिता पाक्का, प्रेम कालाउ धर्यता बल्लियाका जेङलि धिरपा।

1पतरुस 1:3

केलाइको प्रभु येसु ख्रिस्टको आबा कालाउ परमेस्वरको बाखानाइ ज्याको। परमेस्वर केलाइ दोफाको माहान क्रिपा होइ वा केलाइहेङ एनोङ नावा जिबन पिका हि। हाइपालिपानु परमेस्वर येसु ख्रिस्टहेङ सिकासो सिन्चाल पाका हि, वा दोङ केलाइहेङ धुक्कसो बान्चिलि दोका बानाइका हि, इङको दोअ्का वा केलाइहेङ प्रतिग्या पाका काथा निङका पुरा आस पाका हि।

१ युहन्‍ना 4:10

सत्ये प्रेम या दोङ हि: केलाइ परमेस्वरहेङ प्रेम पाकानाङ माको, कालाउ वा दोङ केलाइहेङ प्रेम पाहि, कालाउ ताइको चानहेङ दिङगिल्पिहि। कालाउकि वाको बलिदानसो केलाइको पापको दन्ड स्यामा जेनाको।

प्रकास 22:21

केलाइको प्रभु येसु ख्रिस्टको आनुग्रह परमेस्वरको गोताङ द्‍याङगेलाइ दोफा ह्याको। आमेन!