1तिमोथि 1:12 - Dhimal NT

¹² कासेहेङ सरबुङ पिका ख्रिस्ट येसु केलाइको प्रभुहेङ का धन्यबाद पिखा, हाइपालिपानु ताइको सेवाको कामको भाअ्सिङ वा दोङ कासेहेङ खाङधुरि योग्य थानिहि।

धिमाल

¹² काङको कामता कासेहेङ बल पिका केलाइको प्रभु इसु ख्रिस्‍टहेङ का च्‍याबास चार्‍हाइखा। वा कासेहेङ खान्‍धुर पातेङ दोङ ताइको कामता लागाइहि।

1तिमोथि 1:12 Iomraidhean Croise

मत्‍ति 20:4

कालाउ वा इम्बालाइहेङ दोअ्हि, नेलाइ बुङ काङको आङगुरको बारिता हानेसु, का नेलाइहेङ निङलि गोइका ज्याला प्याङका। कालाउ इम्बालाइ बुङ काम पालि हानिहि।

युहन्‍ना 5:23

हाइपालिपानु जेसाङ गोताङ द्‍याङगेलाइ आदार पाखे, एन्साङ दोङ इम्बालाइ का चानको आदार पाको। जेसापा हासु बुङ कासेहेङ आदार मापाखे पानु वा कासेहेङ दिङगिल्का आबा परमेस्वरहेङ बुङ आदार मापाखे।

साल्न्हाका चात्या 16:15

जेलाउ लिडिया कालाउ वाको गोताङ जाहान बप्तिस्ता ह्रुहि। कालाउ न्हुसो लिडिया केलाइहेङ ताइको साअ्ता नेउता पिहि। कालाउ वा दोअ्हि, “जेसापा नेलाइ कासेहेङ प्रभु येसुको जातिङको खाङधुरि पाका मानिस्वाना पानु, काङको साअ्ता लोतेङ हिसु।” कालाउ वा केलाइहेङ वाको साअ्ता हिलि कर पाहि।

साल्न्हाका चात्या 9:15

कालाउ प्रभु हननियाहेङ दोअ्हि, “हाने, हाइपालिपानु का दोङ साउलहेङ कासेहेङ सेवा पालि कालाउ काङको बिसोइता गैर-यहुदिगेलाइहेङ, राजागेलाइहेङ कालाउ इस्राएललिगेलाइको माझाता प्राचार पालिको भाअ्सिङ वासेहेङ साल्का हिघा।

साल्न्हाका चात्या 9:22

कालाउ साउल झन प्रभाबकारि जेङतेङ प्राचार पालि तेङहि, कालाउ येसु दोङ ख्रिस्ट हि दोअ्का प्रमान पितेङ दमस्कस सहरता हिका यहुदिगेलाइहेङ आवाइतुअ्पाहि।

1 कोरिन्थि 15:10

कालाउ का परमेस्वरको आनुग्रहहोइ छाल्न्हाका चात्या हिघा, कालाउ वाको आनुग्रह काङको जिबनता प्रभाबकारि हिघाहि। भरु का ते छाल्का चात्यागेलाइ खान्तेङ इस्तु परिस्रोम पाघा। कालाउ बुङ का माको, कालाउ परमेस्वरको आनुग्रहहोइ कासेहेङ साघाइहि।

1 कोरिन्थि 3:5

आपुल्लोस हासु रो? कालाउ का पावल हासु रो? किधिन्हेमिते परमेस्वरको सेवक खिनिङ हिनाहि, जाइ नेलाइहेङ येसु ख्रिस्टको खाङधुरिता चुमाहि। केलाइ झाराङ ते परमेस्वर केलाइहेङ खाटाइका काम खिनिङ पान्हाखे।

1 कोरिन्थि 7:25

एला का धानिगेलाइको बिसोइता कासेहेङ प्रभुसो हिदोइ बुङ आग्या मिलिका मान्थु। कालाउ प्रभु कासेहेङ ताइको क्रिपासो पिका बुद्दि निङकानाङ का भोरोसा योग्य जेङतेङ नेलाइहेङ साल्लाहा प्याङका।

2 कोरिन्थि 4:1

ओदोङ भाअ्सिङ परमेस्वरको क्रिपा पाहासो केलाइ दोफा परमेस्वरको बचन प्राचार पाका सेवा हिनाङ केलाइ हारेस माचाङ।

गलाति 3:26

ओदोङ भाअ्सिङ नेलाइ झाराङ झना येसु ख्रिस्टता खाङधुरि पानाङ परमेस्वरको सान्तान जेङसुन्हा।

गलाति 3:28

ओदोङ भाअ्सिङ एला येसु ख्रिस्टता यहुदि कालाउ गैर-यहुदि, बान्धाइति कालाउ लाअ्न्हाका द्‍याङको माझाता हिदोइ बुङ फरक मान्थु। कालाउ वाबाल कालाउ बेबालता बुङ हिदोइ बुङ फरक मान्थु। हाइपालिपानु येसु ख्रिस्टता केलाइ झाराङ ए-सामान हिनाहि।

फिलिप्पि 2:11

कालाउ झाराङ आबा परमेस्वरको महिमाको भाअ्सिङ येसु ख्रिस्टहेङ प्रभु हि दोअ्तेङ सुइकार पावा।

फिलिप्पि 4:13

ख्रिस्ट जाइ कासेहेङ सरबुङ पिखे वाकोसो दोङ का गोताङ काम पालि द्वाङका।

कलस्सि 1:25

परमेस्वर कासेहेङ ताइको मन्डलिको सेवा पालि जिम्माबारि सुम्पिका हि, कालाउकि का परमेस्वरको सन्‍देस पुरा रितिहोइ गैर-यहुदिगेलाइहेङ प्राचार पालि द्वाको।

1तिमोथि 1:1

का पावल इदोइ पात्तारा लेखेदोङखा। का केलाइको मुक्ति दाता परमेस्वर कालाउ येसु ख्रिस्ट जाइता केलाइ आस ताअ्नाखे, का वाको छाल्न्हाका चात्या हिघा।

1तिमोथि 1:11

इदोइ सहि सिक्स्या केलाइको आधभुत परमेस्वरको महिमाको बारेता सुसमाचार दोफा सहमति हिखे, जाइ कासेहेङ प्राचार पाका जिम्माबारि सुम्पिका हि।

1तिमोथि 1:2

का इदोइ पात्तारा तिमोथिहेङ लेखेदोङखा, नाअ् काङको ताइकोङ चान भाइका हिना हाइपालिपानु नाअ् बुङ येसु ख्रिस्टता खाङधुरि पाखेना। का प्रार्थाना पाखा, कि केलाइको आबा परमेस्वर कालाउ येसु ख्रिस्ट नासेहेङ आनुग्रह, क्रिपा कालाउ सान्ति प्याको।

1तिमोथि 6:13

का झाराङहेङ जिबन पिका परमेस्वर कालाउ पन्तियास पिलातसको आगाता साक्सि पिका येसु ख्रिस्टको आगाता का नासेहेङ आग्या प्याङका।

2 तिमोथि 2:2

का हेन्जा साक्सिगेलाइको आगाता ख्रिस्टको बारेता दोअ्का सन्‍देस नाअ् हिङका हिघाखेना। एला का चाहिखा कि नाअ् बुङ ओदोङ सन्‍देस आरु खान्धुराइगेलाइहेङ हिङपा जाइहेङ नाअ् खाङधुरि योग्य थानिखेना, कालाउकि इम्बालाइ बुङ ओदोङ सन्‍देस आरु द्‍याङगेलाइहेङ हिङपालि द्वाको।

2 तिमोथि 4:17

कालाउ प्रभु काङको दोफा हिघाखे, कालाउ वा दोङ कासेहेङ सरबुङ पिहि, कालाउकि का गोताङ गैर-यहुदिगेलाइहेङ जाइ इन्ता जोम्का हिघाहि, इम्बालाइहेङ येसु ख्रिस्टको सुसमाचार प्राचार पालि द्वाको कालाउ इम्बालाइ झाराङ हिनाको। कालाउ वा कासेहेङ सिकासो बन्चिपाहि, जेसाङ म्हितुका खुवाँको नुइसो हासु बान्चि पावा।

तितस 1:4

का इदोइ पात्तारा तितसहेङ लेखेदोङखा, नाअ् काङको ताइकोङ चान भाइका हिना, हाइपालिपानु नाअ् बुङ येसु ख्रिस्टता खाङधुरि पाखेना। आबा परमेस्वर कालाउ केलाइहेङ मुक्ति पिका येसु ख्रिस्ट नासेहेङ आनुग्रह कालाउ सान्ति प्याको।