1तिमोथि 1:11 - Dhimal NT

¹¹ इदोइ सहि सिक्स्या केलाइको आधभुत परमेस्वरको महिमाको बारेता सुसमाचार दोफा सहमति हिखे, जाइ कासेहेङ प्राचार पाका जिम्माबारि सुम्पिका हि।

धिमाल

¹¹ इदोइ बिद्‍या सहसाम्‍पा पिका परमेस्‍वरको प्रतापि रेम्‍काबानाल माफिक हि। परमेस्‍वर खान्‍धुर पातेङ इदोइ रेम्‍का बानाल कासेहेङ पिका हि।

1तिमोथि 1:11 Iomraidhean Croise

लुका 2:14

सर्बच्चा स्वर्गिय परमेस्वरहेङ महिमा, कालाउ प्रिथिबिता जेदोङ द्‍याङगेलाइ दोफा परमेस्वर खुसि हि, नेलाइहेङ सान्ति ज्याको।

रोमि 2:16

या गोताङ काथागेलाइ ओदोङ दिना खिनिङ जेनावा, जेलाउ परमेस्वर येसु ख्रिस्ट पाहासो द्‍याङगेलाइको हृदयता म्होका काथागेलाइको न्याय जेनाङ। कालाउ या काथा का दोङ प्राचार पाका सुसमाचार आन्सार दोङ जेनाङ।

1 कोरिन्थि 9:17

हाइपालिपानु जेसापा का इदोइ काम ताइकोङ इच्छाहोइ पाकानु इदोइसो का हाइ दोङ इनाम निङका आस पाधाङका। कालाउ इदोइ कामहेङ काङको इच्छा माजेङतेङ भरु कर्तब्य सम्झितेङ पादोङखा, कालाउ परमेस्वर दोङ कासेहेङ इदोइ कामको जिम्मा पिकानु का हिदोइ बुङ इनामको आस मापाङका।

2 कोरिन्थि 4:4

कालाउ इदोइ सुमिङको दिर साइतान उङको खाङधुरि मापाकालाइको बिद्दिहेङ कान्हाँ बानाइ पिका हि, ओदोङ भाअ्सिङ इम्बालाइ ख्रिस्टको बारेता सुसमाचार कालाउ वाको महिमाको बारेता बुझिलि मादोखे, हाइपालिपानु ख्रिस्ट परमेस्वरको स्वरुप हि।

2 कोरिन्थि 4:6

हाइपालिपानु परमेस्वर दोअ्हि, “कितिकितिकासो फाइसालामका चिल्काताको।” कालाउ ओदोङ परमेस्वर केलाइको ह्रदयता फाइसालामकाता भाइका केलाइहेङ फोम पाहि, कालाउकि केलाइ परमेस्वरको महिमाहोइ येसु ख्रिस्टता देखाल जेङका तिङलि द्वाको।

गलाति 2:7

कालाउ उङको आगुवागेलाइ तिङहि, कि परमेस्वर पतरुसहेङ जेसाङ यहुदिगेलाइहेङ सुसमाचार प्राचार पालि खाताइहि, एन्साङ दोङ परमेस्वर कासेहेङ गैर-यहुदिगेलाइको माझाता सुसमाचार प्राचार पालि खाताइहि।

एफिसि 1:12

परमेस्वर एसा पाहि, कालाउकि केलाइ यहुदिगेलाइ जाइ ख्रिस्टता लाम्फासोङ आस ताअ्का हिनाहि, केलाइ परमेस्वरको बाखिन कालाउ महिमा पाइने।

एफिसि 1:6

कालाउकि केलाइ वाको बार्का आनुग्रहको भाअ्सिङ परमेस्वरको बाखानाइ पालि द्वाको। या वा ताइको चान दोफाको केलाइको सम्बन्धको कारन केलाइहेङ एन्साङ पिका हि।

एफिसि 2:7

परमेस्वर इसिका पाहि, कालाउकि लोका सोमोइता सुमिङको द्‍याङगेलाइ तिनाको कि वाको आनुग्रह हेथे माहान हि। इदोइ आनुग्रह वा केलाइको भाअ्सिङ पाका गोताङ काम पाहासो केलाइ येसु ख्रिस्ट दोफाको सम्बन्ध हिकालाइहेङ तिङपाका हि।

एफिसि 3:10

परमेस्वरको उदेस्य चाहि मन्डलिसो स्वर्गको गोताङ सासकगेलाइ कालाउ सरबुङगेलाइ एला परमेस्वरको ग्यानहेङ गिलि द्वाको जेदोङ चाहि नुगामारि हि।

कलस्सि 1:25

परमेस्वर कासेहेङ ताइको मन्डलिको सेवा पालि जिम्माबारि सुम्पिका हि, कालाउकि का परमेस्वरको सन्‍देस पुरा रितिहोइ गैर-यहुदिगेलाइहेङ प्राचार पालि द्वाको।

1 थेस्लोनिकि 2:4

कालाउ परमेस्वर केलाइहेङ योग्य थानितेङ सुसमाचार हिङपालि जिम्मा पिहि, ओदोङ भाअ्सिङ केलाइ द्‍याङगेलाइहेङ लेङचापालि माको, भरु केलाइको ह्रदय जाचिका परमेस्वरहेङ लेङचापालि केलाइ उपदेस पिनाखे।

1तिमोथि 2:7

याकोङ भाअ्सिङ परमेस्वर कासेहेङ सुसमाचारको प्राचार पालि कालाउ साल्न्हाका चात्याको रुपता नियुक्ति पाहि। कालाउ वा कासेहेङ खाङधुरि कालाउ सत्येको सिक्स्या गैर-यहुदिगेलाइहेङ धिरपालि साल्हि। कालाउ का धाताइतेङ दोअ्का माको, भरु का सत्ये धुइखा।

1तिमोथि 6:15

आरोङ परमेस्वर ख्रिस्टहेङ ठिक सोमोइता दिङगिल्लाङ। जेदोङ परमेस्वर बाखानाइ योग्य हि, थुमा प्रभुगेलाइको प्रभु कालाउ राजागेलाइको राजा हि।

1तिमोथि 6:20

तिमोथि, परमेस्वर नासेहेङ जेदोङ सुम्पिका हि, इङको रेम्फासो पाअ्‌। कालाउ हेथेते द्‍याङगेलाइ सुमिङको ब्यर्थको काथा जाइहेङ इम्बालाइ “ग्यान” दोअ्खे, इन्सिका धाताइका काथागेलाइसो फारापा हिसु।

2 तिमोथि 1:11

इदोइ येसु ख्रिस्टको सुसमाचारको भाअ्सिङ परमेस्वर कासेहेङ प्राचार पालि कालाउ साल्न्हाका चात्या कालाउ सुसमाचारको गुरुको रुपता नियुक्ति पाहि।

2 तिमोथि 1:14

परमेस्वर पिका सत्ये सिक्स्याहेङ जोगाइतेङ ताअ्सु, कालाउ पबित्तरो आत्मा नासेहेङ इङको सिक्स्या जोगाइतेङ ताअ्लि साघाइयाङ, जेदोङ पबित्तरो आत्मा केलाइ दोफा हिखे।

2 तिमोथि 2:2

का हेन्जा साक्सिगेलाइको आगाता ख्रिस्टको बारेता दोअ्का सन्‍देस नाअ् हिङका हिघाखेना। एला का चाहिखा कि नाअ् बुङ ओदोङ सन्‍देस आरु खान्धुराइगेलाइहेङ हिङपा जाइहेङ नाअ् खाङधुरि योग्य थानिखेना, कालाउकि इम्बालाइ बुङ ओदोङ सन्‍देस आरु द्‍याङगेलाइहेङ हिङपालि द्वाको।

तितस 1:3

कालाउ एला ठिक सोमोइता परमेस्वर दोङ कासेहेङ इदोइ सुसमाचार देखाल पिहि। कालाउ केलाइको मुक्ति दाता परमेस्वर कासेहेङ इदोइ सुसमाचार हिङपालि आग्या पिका हि।