1तिमोथि 1:10 - Dhimal NT

¹⁰ कासिबिरिगेलाइको भाअ्सिङ, वाबालसो-वाबालहेङ कुसुमि पाकागेलाइको भाअ्सिङ, द्‍याङगेलाइहेङ बान्धाइतिको रुपता पिइकालाइको भाअ्सिङ, धाताइका काथा पाकागेलाइको भाअ्सिङ, कालाउ धाताइका केरा चाकालाइको भाअ्सिङ, कालाउ सत्ये सिक्स्याको बिरोधता काम पाकालाइको भाअ्सिङ जेङका हि।

धिमाल

¹⁰ दुराचारिगेलाइ, वाबाल वाबालता रो बेबाल बेबालता दुराचार पाकालाइ, द्‌याङ पिअ्‌कालाइ, असत धुइकालाइ, असत दासि पिकालाइ रो सत बिद्‍याको खिलापता काम पाकालाइको भाअ्‌सिङ बनेका।

1तिमोथि 1:10 Iomraidhean Croise

युहन्‍ना 8:44

नेलाइ ताइको आबा साइतानसो हिसुना, कालाउ नेलाइ ताइको आबाको इच्छा पुरा पालि खाङसुखेना। इङकोते लाम्फासोङ ज्यान मारा हिघाहि, कालाउ वा हेलाउ बुङ सत्येबादि मान्थुघाहि। हाइपालिपानु वाकोता सत्ये मान्थुघाहि। ताइको स्वभाव आन्सार धाताइखे, हाइपालिपानु इङको धातुवा दोङ हि, हाइपालिपानु वाते धातुवाको आबा दोङ हि।

रोमि 1:26

ओदोङ भाअ्सिङ परमेस्वर इम्बालाइहेङ इम्बालाइकोङ सिकाका कामबासाना पालि लाअ्पिहि। बेबालाइ ताइको के दोफा जिम्लि लाअ्तेङ बेबाल दोफाङ दोङ जिम्लि तेङहि।

1तिमोथि 4:6

जेसापा नाअ् का एलाङ दोअ्का काथागेलाइ खान्धुराइ ओनेगेलाइहेङ धिरपान्हा पानु, नाअ् येसु ख्रिस्टको खाङधुरि योग्य सेवक जेनाना, जेदोङ खाङधुरिको सन्देसता बल्लियाका जेङका हिखे कालाउ आसल सिक्स्याहेङ पिताइकाताङ लोका हिखे।

1तिमोथि 6:3

जेसापा हासु बुङ धाताइका सिक्स्यागेलाइ धिरपाखे पानु, केलाइको प्रभु येसु ख्रिस्टको सत्ये सिक्स्या कालाउ परमेस्वरहेङ भक्ति पाका सिक्स्या दोफा सहमत माजेङखे।

2 तिमोथि 1:13

का नासेहेङ पिका गोताङ सत्ये सिक्स्यागेलाइ नमुना भाइपाङ जोगाइतेङ ताअ्सु। खाङधुरि कालाउ प्रेम दोफा या पासु, हाइपालिपानु नेलाइ येसु ख्रिस्ट दोफा ए जेङतेङ हिसुन्हा।

2 तिमोथि 4:3

हाइपालिपानु इसिका सोमोइ लोदोङखे जेलाउ द्‍याङगेलाइ सत्ये सिक्स्याहेङ हिङलि माकितावा, कालाउ इम्बालाइ हेन्जा धाताइका सिक्स्यकसो ताइमिहेङ मन्दा ताअ्का काथा खिनिङ हिङलि भोखे।

तितस 1:13

ग्यानि द्‍याङको इदोइ काथागेलाइ आझाइ बुङ क्रेट टापुको द्‍याङगेलाइको बिसोइता सत्ये हि। ओदोङ भाअ्सिङ इम्बालाइहेङ बेसरि हाप्काइ, कालाउकि इम्बालाइ येसु ख्रिस्टको सत्ये सिक्स्या साक्सि पिलि द्वाको।

तितस 1:9

वा केलाइसो येसु ख्रिस्टको बारेता धिरका सत्ये सन्देसहेङ पुर्न रितिहोइ खाङधुरि पाको। कालाउकि वा आरुहेङ इङको सहि सिक्स्या पिलि द्वाको कालाउ हासु बुङ इङको सत्ये सिक्स्याको बिरोध पाखे पानु, इम्बालाइहेङ सच्याइलि द्वाको।

हिब्रु 13:4

झाराङको माझाता बिहु चाहि आदारनिय ह्याको, कालाउ एमिसो-भेनेङ दोफा जेलाउ बुङ खाङधुरि योग्य जेङतेङ हिसु, हाइपालिपानु दुराचारि कालाउ कासिबिरिगेलाइको न्याय परमेस्वर पावा।

यहुदा 1:7

इदोङ इस्राएललिगेलाइ कालाउ स्वर्गदुतगेलाइ भाइपाङ सोदोम कालाउ गमोरा सहरगेलाइता कालाउ इङको भेरपाको सहरगेलाइता हिका, द्‍याङगेलाइहेङ जेङका काथा फोम पासु। द्‍याङगेलाइ आनाइतिक जेङका हिघाहि कालाउ गोताङ खाल्को कासिबिरिहोइ भरिका हिघाहि। ओदोङ भाअ्सिङ परमेस्वर इम्बालाइहेङ मेता दुहि। इम्बालाइ दोफा हिका काथा धाताइका सिक्स्यकगेलाइको भाअ्सिङ चेताउनि जेङका हि कि, इम्बालाइहेङ आनान्त थेकापा मेता साजाइ प्याङ।

प्रकास 18:13

कालाउ दालचिनि, गोताङ खाल्को मासाला, धुमाना, मुर्र, जे:का धुमाना, गोरा, चुइति, माइदा कालाउ गहम, गाइ-पिया, भेडा-मेसागेलाइ, ओह्याँगेलाइ कालाउ रथगेलाइ बुङ हिघाहि। कालाउ जेदोङ द्‍याङगेलाइ आमेनेगेलाइ चोल्घाहि कालाउ पि:घाहि एला इङको द्‍याङगेलाइहेङ बान्धाइतिको रुपता पि:लि मादोखे।

प्रकास 21:27

कालाउ हिदोइ बुङ आसुद्द आमेने इङको सहरता माल्वाङ। मारेङका काम पाकालाइ माकुनु धाताइका द्‍याङगेलाइ, इन्ता मादुल्लाङ थुमाको जिबनको कितापता जाइको मिङ लेखेका हि खिनिङ इङको द्‍याङ इङको सहरता दुल्लि द्वावा।

प्रकास 21:8

कालाउ जाइ का ह्रुता खाङधुरि मापाखे, इम्बालाइ गन्धक दोफाङ ओअ्का मेको तालता हानिलि गोइयावा जेदोङ इङको वाको न्हेतेङ सिका दोङ हि। जेदोङ द्‍याङगेलाइ भेनेङ द्‍याङको आगाता कासेहेङ मासुइकारखे, दुस्ट काम पाखे, मारा पाखे, आनाइतिक कासिबिरि पाखे, जादु-तुना पाखे, मुर्तिगेलाइको पुजा पाखे कालाउ धाताइखे, इम्बालाइ झाराङ दोफा बुङ इन्सिकाङ जेनाङ।”

प्रकास 22:15

कालाउ जाइको कामगेलाइ चाहि लेदेर लुका हि, जाइ जादु-तुना पाखे, कासिबिरि पाखे, मारा पाखे, मुर्ति पुजा पाखे, कालाउ जाइ धाताइखे, एबालाइ झाराङ हेलाउ बुङ इङको सहरता दुल्लि मानिनाङ।