1तिमोथि 1:1 - Dhimal NT

¹ का पावल इदोइ पात्तारा लेखेदोङखा। का केलाइको मुक्ति दाता परमेस्वर कालाउ येसु ख्रिस्ट जाइता केलाइ आस ताअ्नाखे, का वाको छाल्न्हाका चात्या हिघा।

धिमाल

¹ केलाइहेङ छुटकारा पिका परमेस्‍वर रो आस पिका ख्रिस्‍ट इसुको हुकुमआन्‍सार ख्रिस्‍ट इसुको साल्‍तेङ दिङगिल्‍का का पावलसो,

1तिमोथि 1:1 Iomraidhean Croise

लुका 1:47

काङको परमेस्वर कासेहेङ मुक्ति पिकाता का आनान्दित हिघा।

लुका 2:11

हाइपालिपानु नानि दोङ राजा दाउदको सहर बेथेलेहेमता नेलाइको भाअ्सिङ एमि मुक्ति दाताको जोलोम जेङका हि, वा दोङ ख्रिस्ट प्रभु हि।

साल्न्हाका चात्या 9:15

कालाउ प्रभु हननियाहेङ दोअ्हि, “हाने, हाइपालिपानु का दोङ साउलहेङ कासेहेङ सेवा पालि कालाउ काङको बिसोइता गैर-यहुदिगेलाइहेङ, राजागेलाइहेङ कालाउ इस्राएललिगेलाइको माझाता प्राचार पालिको भाअ्सिङ वासेहेङ साल्का हिघा।

रोमि 1:1

का पावल येसु ख्रिस्टको दास हिघा, कालाउ परमेस्वर कासेहेङ ताइको साल्न्हाका चात्या जेङलि छाल्हि, कालाउ झाराङ द्‍याङगेलाइहेङ परमेस्वरको सुसमाचार प्राचार पालिको भाअ्सिङ खेङहि।

1 कोरिन्थि 1:1

का, पावल इदोइ पात्तारा लेखेदोङखा। का येसु ख्रिस्टको छाल्न्हाका चात्या जेङलिको भाअ्सिङ परमेस्वरको इच्छासो काइन्हाका हिघा। कालाउ का इता केलाइको दोफाङको खान्धुराइ ओने सोस्थेनस दोफा हिघा।

1 कोरिन्थि 9:17

हाइपालिपानु जेसापा का इदोइ काम ताइकोङ इच्छाहोइ पाकानु इदोइसो का हाइ दोङ इनाम निङका आस पाधाङका। कालाउ इदोइ कामहेङ काङको इच्छा माजेङतेङ भरु कर्तब्य सम्झितेङ पादोङखा, कालाउ परमेस्वर दोङ कासेहेङ इदोइ कामको जिम्मा पिकानु का हिदोइ बुङ इनामको आस मापाङका।

2 कोरिन्थि 1:1

का, पावल केलाइको खान्धुराइ ओने तिमोथि दोफाङ इदोइ पात्तारा लेखेदोङखा, का परमेस्वरको इच्छा पाहासो येसु ख्रिस्टको छाल्न्हाका चात्या हिघा, का इदोइ पात्तारा कोरिन्थि सहरता हिका परमेस्वरको मन्डलिहेङ, कालाउ गोताङ आखैया प्रदेसता हिका झाराङ पबित्तरो जनगेलाइहेङ लेखेदोङखा।

गलाति 1:1

का पावल छाल्न्हाका चात्या या पात्तारा नेलाइहेङ लेखेदोङखा, का हिदोइ बुङ द्‍याङगेलाइको समुह माकुनु द्‍याङगेलाइसो छाल्न्हाका चात्या जेङलि चुनिका माको, भरु येसु ख्रिस्ट कालाउ आबा परमेस्वर जाइ दोङ येसुहेङ सिकासो सिन्हु पाहि।

गलाति 1:11

खान्धुराइ ओनेगेलाइ, का भोखा, कि नेलाइ गिसु, कि का दोङ प्राचार पाका सुसमाचार द्‍याङगेलाइ बानाइका माको।

कलस्सि 1:27

परमेस्वर ताइको द्‍याङगेलाइहेङ इदोइ सम्पति कालाउ महिमामय रहस्यको काथा बाताइलि निर्नय पाहि, जेदोङ वाको दोफा सुमिङको गोताङ द्‍याङगेलाइको भाअ्सिङ हि। कालाउ या रहस्य ख्रिस्ट ताइमिङ हि, वा नेलाइ दोफा हि। जाइ महिमाको भाअ्सिङ केलाइको एमि खिनिङ आस हि।

2 थेस्लोनिकि 2:16

केलाइ येसु ख्रिस्ट कालाउ आबा परमेस्वरहेङ प्रार्थाना पानाखे जाइ दोङ केलाइहेङ प्रेम पाहि, कालाउ वा ताइको आनुग्रहसो केलाइहेङ आनान्तको हाउसाइ कालाउ निसित आस पिहि।

1तिमोथि 1:12

कासेहेङ सरबुङ पिका ख्रिस्ट येसु केलाइको प्रभुहेङ का धन्यबाद पिखा, हाइपालिपानु ताइको सेवाको कामको भाअ्सिङ वा दोङ कासेहेङ खाङधुरि योग्य थानिहि।

1तिमोथि 2:3

इसिका प्रार्थाना ठिक हि, कालाउ केलाइको मुक्ति दाता परमेस्वर बुङ इदोइ दोङ काथा मन्दा ताअ्खे।

1तिमोथि 2:7

याकोङ भाअ्सिङ परमेस्वर कासेहेङ सुसमाचारको प्राचार पालि कालाउ साल्न्हाका चात्याको रुपता नियुक्ति पाहि। कालाउ वा कासेहेङ खाङधुरि कालाउ सत्येको सिक्स्या गैर-यहुदिगेलाइहेङ धिरपालि साल्हि। कालाउ का धाताइतेङ दोअ्का माको, भरु का सत्ये धुइखा।

1तिमोथि 4:10

हाइपालिपानु केलाइ ताइको खाङधुरिको भाअ्सिङ थाङका परिस्रोम कालाउ सङघरस पान्हाखे, हाइपालिपानु केलाइको आस सिन्हुका परमेस्वरता ताअ्का हिनाहि, जाइ गोताङ द्‍याङको बिसेस पातेङ वाको ह्रुता खाङधुरि पाकागेलाइको मुक्ति दाता हि।

तितस 1:3

कालाउ एला ठिक सोमोइता परमेस्वर दोङ कासेहेङ इदोइ सुसमाचार देखाल पिहि। कालाउ केलाइको मुक्ति दाता परमेस्वर कासेहेङ इदोइ सुसमाचार हिङपालि आग्या पिका हि।

तितस 2:10

इम्बालाइ माखुवाको, भरु ताइमिहेङ खाङधुरि योग्य तिङपाको। कालाउकि द्‍याङगेलाइ इम्बालाइको रेम्का ब्यभार तिनाको, कालाउ इम्बालाइको पाका रेम्का कामसो द्‍याङगेलाइ केलाइको मुक्ति दाता परमेस्वरको सन्‍देस हिङलि मन परियाको।

तितस 2:13

कालाउ केलाइ आस पाका दिनाको दामा खाङतेङ हिनाखे: जेदोङ दिना येसु ख्रिस्ट, जाइ केलाइको माहान परमेस्वर मुक्ति दाता हि, वा ताइको गोताङ महिमा दोफाङ इदोइ प्रिथिबिता ल्वाङ।

तितस 3:4

कालाउ केलाइ इन्सिका ब्यभार पालाउ बुङ मुक्ति दाता केलाइको परमेस्वर केलाइहेङ वाको दाया कालाउ प्रेम तिङपाहि।

तितस 3:6

परमेस्वर इङको पबित्तरो आत्मा केलाइको मुक्ति दाता येसु ख्रिस्ट पाहासो केलाइहेङ गेनेगेल्पा पिहि।

1पतरुस 1:21

हाइपालिपानु ख्रिस्टको पाका कामको कारनहोइ, नेलाइ एला परमेस्वरता खाङधुरि पासुखेना। कालाउ नेलाइ ताइको खाङधुरि कालाउ आस परमेस्वरता ताअ्का हिसुना, हाइपालिपानु वा ख्रिस्टहेङ सिकासो सिन्चाल पाहि कालाउ वासेहेङ बारका महिमा पिहि।

1पतरुस 1:3

केलाइको प्रभु येसु ख्रिस्टको आबा कालाउ परमेस्वरको बाखानाइ ज्याको। परमेस्वर केलाइ दोफाको माहान क्रिपा होइ वा केलाइहेङ एनोङ नावा जिबन पिका हि। हाइपालिपानु परमेस्वर येसु ख्रिस्टहेङ सिकासो सिन्चाल पाका हि, वा दोङ केलाइहेङ धुक्कसो बान्चिलि दोका बानाइका हि, इङको दोअ्का वा केलाइहेङ प्रतिग्या पाका काथा निङका पुरा आस पाका हि।

२ पत्‍रुस 1:1

का, सिमोन पतरुस नेलाइहेङ लेखेदोङखा, का येसु ख्रिस्टको सेवक कालाउ छाल्न्हाका चात्या हिघा। का नेलाइ झाराङहेङ लेखेदोङखा, जाइ केलाइ झाराङको ओदोङ झोको आनमोल खाङधुरि निङका हि, इदोइ खाङधुरि केलाइको परमेस्वर कालाउ मुक्ति दाता येसु ख्रिस्ट पाहासो केलाइहेङ पिका हि, जाइ केलाइहेङ परमेस्वर दोफा धर्मि बानाइखे।

१ युहन्‍ना 4:14

केलाइ चानहेङ तिङका हिनाहि, कालाउ साक्सि पिनाखे, कि आबा परमेस्वर ताइको चानहेङ सुमिङको द्‍याङगेलाइको भाअ्सिङ मुक्ति दाता जेङलि दिङगिल्हि।

यहुदा 1:25

वा एमि खिनिङ परमेस्वर हि, कालाउ केलाइको प्रभु येसु ख्रिस्ट केलाइको भाअ्सिङ पाका काम पाहासो दोङ मुक्ति पिका हि। येसु ख्रिस्ट केलाइको प्रभु द्‍याङगेलाइहेङ आदार कालाउ बाखानाइ पिका बानाइयाको। इम्बालाइ या बुझिलि द्वाको कि वाको दोफा लाम्फासोङ नानि कालाउ जेलाउलाउको भाअ्सिङ सरबुङ कालाउ खाबारा हि। आमेन।