1 थेस्लोनिकि 5:9 - Dhimal NT

⁹ हाइपालिपानु परमेस्वर केलाइहेङ वाको चेरसो दन्ड पिलि छाल्का माको, भरु प्रभु येसु ख्रिस्टसो मुक्ति निङलिको भाअ्सिङ छाल्का हि।

धिमाल

⁹ हाइपानु परमेस्‍वर केलाइर्‍हुता ताइको चेर हुपिलि साल्‍का माको, कालाउ प्रभु इसु ख्रिस्‍टसो छुटकारा निङलि लाम्‍फासोङ साल्‍का।

1 थेस्लोनिकि 5:9 Iomraidhean Croise

मत्‍ति 26:24

हाइपालिपानु का द्‍याङको चानको भाअ्सिङ लेखेका हि, द्‍याङको चान धर्मसास्तरता लेखेका भाइपाङ सिलि गोयाङ कालाउ उङकोहेङ धिक्कार हि। जाइ द्‍याङको चानहेङ धोका पितेङ रिम्पावा, वाकोते जोलोम जेङका खान्तेङते माजेङका रेम्का जेङधाङ।

साल्न्हाका चात्या 1:20

हाइपालिपानु, “राजा दाउदको भजन सङग्रहता यहुदाको बिसोइता इसिका लेखेका हि: वाको साअ् उदादाङका जेनाको, कालाउ इन्ता बासा हिका हासु बुङ माजेनाको, ‘कालाउ राजा भेनेङ थामेता एसा बुङ दोअ्का हि!’ वाको पाका कामको जिम्मा भेनेङ द्‍याङ ह्रुकाको!

साल्न्हाका चात्या 1:25

कालाउ उङको इदोइ सेवा कालाउ छाल्न्हाका चात्याको कामता दुल्लि द्वाको, जेदोङ सेवा लाअ्तेङ यहुदा सिहि कालाउ ताइको निजि थामेता हानिहि।”

साल्न्हाका चात्या 13:48

जेलाउ गैर-यहुदिगेलाइ इन्सिका दोअ्का काथा हिङहि, इम्बालाइ लेङचाहि, कालाउ परमेस्वरको बचनको बाखिन पाहि। कालाउ आनान्त जिबनको भाअ्सिङ चुनिकालाइ येसु ख्रिस्ट ह्रुता खाङधुरि पाहि।

रोमि 11:30

हाइपालिपानु जेसाङ नेलाइ बुङ एखे परमेस्वरको आग्या माकिका हिघासुखेना, कालाउ एला इस्राएललिगेलाइ आग्या माकेम्नाङ परमेस्वरको दाया नेलाइ निङका हिसुना।

रोमि 11:7

ओदोङ भाअ्सिङ या एसापा जेङहि: इस्राएलको द्‍याङगेलाइ परमेस्वरको आगाता धर्मि जेङलि कोसिस पाहि कालाउ इम्बालाइ सफल जेङलि मादोहि, कालाउ परमेस्वर ताइमि साल्का द्‍याङगेलाइहेङ धर्मि बानाइहि। कालाउ बाकि हिका द्‍याङगेलाइको ह्रदय परमेस्वर थाङका बानाइ पिहि कालाउ इम्बालाइ परमेस्वरको काथा हिङलि माकिहि।

1 थेस्लोनिकि 1:10

कालाउ इम्बालाइ दोअ्खे नेलाइ हेसा वाको चान स्वर्गसो आरोङ ल्वाङ दोअ्तेङ नेलाइ दामा खाङतेङ हिसुना, जाइहेङ परमेस्वर सिकासो आरोङ सिन्हु पाका हि, येसु जाइ केलाइहेङ परमेस्वरसो लोलि तोम्का चेरचुङसो बान्चि पावा।

1 थेस्लोनिकि 3:3

कालाउकि इदोइ कस्टगेलाइहोइ हासु बुङ हारेस माचाको। हाइपालिपानु नेलाइ ताइमिहेङ दोङ थाहा हि, कि केलाइ कस्ट भोगिलि गोइका हि। हाइपालिपानु या केलाइको भाअ्सिङ परमेस्वरको इच्छा दोङ हि।

1तिमोथि 1:13

का खान्धुराइ जेङलि खान्तेङ लाम्फा ख्रिस्टहेङ निन्दा पाघाखा कालाउ खान्धुराइगेलाइहेङ साताइघाखा कालाउ हान्ति पाघाखा। कालाउ का इङको गोताङ कामगेलाइ मागितेङ कालाउ खाङधुरि मापासिङ पानाङ ख्रिस्ट कासेहेङ दाया हि।

1तिमोथि 1:16

कालाउ येसु ख्रिस्ट कासेहेङ क्रिपा तिङपाहि, कि का पापिगेलाइ मध्येसो हेन्जा पापि हिलाउ बुङ स्यामा पितेङ तिङपाहि कि, वा ओसारापाङ सहनसिल हि। कालाउकि का न्हुसो वाको ह्रुता खाङधुरि पातेङ आनान्त जिबन निङकागेलाइको भाअ्सिङ का एनोङ उधाहरन जेङलि द्वाको।

2 तिमोथि 2:10

ओदोङ भाअ्सिङ परमेस्वर चुनिका इङको झाराङ द्‍याङगेलाइको भालाइको भाअ्सिङ का एसापा गोताङ दुख सहियाङका, कालाउकि इम्बालाइ येसु ख्रिस्टता खाङधुरि पातेङ मुक्ति कालाउ आनान्त आदार निनाको।

1पतरुस 2:10

एखे नेलाइ परमेस्वरको प्रजा मान्थु घासुखेना, कालाउ एला नेलाइ परमेस्वरको प्रजा जेङका हिसुना। एखे नेलाइ परमेस्वरको क्रिपा निङका मान्थु घासुखेना, कालाउ एला नेलाइ यासेहेङ गिसुखेना, हाइपालिपानु वा लाम्फाङ नेलाइहेङ ताइको क्रिपा तिङपाका हि।

1पतरुस 2:8

कालाउ आरोङ धर्मसास्तरता लेखेका हि, इदोइ उन्ठुइ द्‍याङगेलाइहेङ भोनोइता थुन्हा पावा, इदोइ एनोङ उन्ठुइ हि, “जाइ नेलाइहेङ थुन्हा पावा।” इम्बालाइ एन्सा थुन्हावा, हाइपालिपानु इम्बालाइ परमेस्वरको बचन केम्लिसो इन्कार पाखे। इदोइ दोङ परमेस्वर इम्बालाइको भाअ्सिङ परमेस्वरको योजाना पाका हि।

२ पत्‍रुस 1:1

का, सिमोन पतरुस नेलाइहेङ लेखेदोङखा, का येसु ख्रिस्टको सेवक कालाउ छाल्न्हाका चात्या हिघा। का नेलाइ झाराङहेङ लेखेदोङखा, जाइ केलाइ झाराङको ओदोङ झोको आनमोल खाङधुरि निङका हि, इदोइ खाङधुरि केलाइको परमेस्वर कालाउ मुक्ति दाता येसु ख्रिस्ट पाहासो केलाइहेङ पिका हि, जाइ केलाइहेङ परमेस्वर दोफा धर्मि बानाइखे।

२ पत्‍रुस 2:3

इदोङ सिक्स्यकगेलाइ चिचाहा जेनावा, कालाउ नेलाइसो ताका निङलिको भाअ्सिङ नेलाइहेङ दन्त्य काथागेलाइ हिङपातेङ इम्बालाइ नेलाइहेङ धोका प्यावा। परमेस्वर इम्बालाइहेङ साजाइ प्याङ दोअ्तेङ हेन्जाङ लाम्फा दोङ निर्नय पालि दोका हि कालाउ वा इङको पालि तियार हि। वा निसित इम्बालाइहेङ नासा पाङ।

यहुदा 1:4

का इदोइ लेखेदोङखा हाइपालिपानु आधिमि द्‍याङगेलाइ नेलाइको मन्डलिता नेलाइ दोफा झ्वाइनाका हि, जाइ येसु ख्रिस्टता खान्धुराइ जेङका तिङपाखे। इम्बालाइ परमेस्वरको आदार मापाखे कालाउ इम्बालाइ गलत धिरपाखे कि, हाइपालिपानु परमेस्वर ताइको आनुग्रह पाहासो केलाइको पाप स्यामा पाखे। केलाइ आनाइतिक जिबन बितिपालि द्वाङ। इम्बालाइ येसु ख्रिस्टहेङ इन्कार पाखे, जाइ केलाइको एमि खिनिङ ग्रिहि कालाउ प्रभु हि, हेन्जा सोमोइ लाम्फा, धर्मसास्तर दोअ्खे कि परमेस्वर इन्सिका द्‍याङगेलाइहेङ साजाइ प्याङ।