1 थेस्लोनिकि 5:8 - Dhimal NT

⁸ कालाउ केलाइ चाहि दिनाको हिनाङ खाङधुरि कालाउ प्रेमको तुम्ताको पाता लागाइने जेदोङहोइ केलाइहेङ बान्चिपाखे, जेसाङ तुम्ताको पाताहोइ सिपालाइहेङ जोगे पाखे। कालाउ आस पाइने, कि केलाइ आनान्त साजाइसो बान्चिका हिनाहि, जेसाङ टोपहोइ सिपाइहेङ बान्चिपाखे।

धिमाल

⁸ कालाउ केलाइचाहिँ दिनाको चानचामिन्‍दि हिनाङ चेतता ह्‍याइने। केलाइ खान्‍धुर रो मायाको तुम्‍तापाता लागायाइने। कालाउ किटको तुपिरि भाइपाङ छुटकाराको आसहेङ होनाइने।

1 थेस्लोनिकि 5:8 Iomraidhean Croise

1 कोरिन्थि 13:13

ओदोङ भाअ्सिङ एला इदोइ सुम्लोङ काथागेलाइ चाहि केलाइ जेलाउ बुङ पालि गोइखे: परमेस्वरता खाङधुरि पाका, परमेस्वरको बाचागेलाइता आस ताअ्का कालाउ झाराङहेङ प्रेम पाका। कालाउ इङको सुम्लोङ मध्ये एनोङ झाराङ खान्तेङ बार्का काथा चाहि झाराङहेङ प्रेम पालि दोङ हि।

2 कोरिन्थि 6:7

इदोइ भनाइ सहि हि: सत्येको बचनता कालाउ परमेस्वरको सरबुङता। केलाइ धार्मिकताको कात्तिगेलाइ दाम्पाहा खुरहोइ झाअ्मिरिलिको भाअ्सिङ कालाउ केपाहा खुरहोइ बान्चिलिको भाअ्सिङ प्रयोग पानाखे।

गलाति 5:5

का एसा दोअ्खा हाइपालिपानु केलाइहेङ पबित्तरो आत्मासो पुरा खाङधुरि हि, कि परमेस्वर केलाइहेङ धर्मि कोनिङ सुइकार पावा, हाइपालिपानु केलाइ ख्रिस्टता खाङधुरि पान्हाखे।

एफिसि 6:11

जेसाङ एमि सिपाइ धुमता हानिलाउ गोताङ धुमको आमेनेगेलाइ फुतेङ चुम्पुखे, एन्साङ पातेङ साइतानको चालको बिरोधता जाअ्लि परमेस्वरको पिका गोताङ आमेनेगेलाइ चालाइलि गोइखे।

एफिसि 6:23

का प्रार्थाना पाखा, कि केलाइको आबा परमेस्वर कालाउ प्रभु येसु ख्रिस्ट नाअ् झाराङ खान्धुराइगेलाइहेङ सान्ति प्याको। कालाउ इम्बालाइ नेलाइहेङ ख्रिस्टता लागातार खाङधुरि पालि कालाउ एमिसो भेनेङ दोफा प्रेम पालि साघाइयाको।

1 थेस्लोनिकि 5:5

का इसिका दोअ्खा, हाइपालिपानु नेलाइ झाराङ द्‍याङ फाइसालामका कालाउ दिनाको द्‍याङ कोनिङ रेम्फा ब्यभार पासु कालाउ आसल काम पासु। हाइपालिपानु केलाइ खान्धुराइगेलाइ इङको कितिकितिकाता हिका कालाउ दुस्ट सुमिङको द्‍याङगेलाइ भाइपा माको, जाइ पाप पाखे कालाउ मारेम्का ब्यभार पाखे।

2 थेस्लोनिकि 2:16

केलाइ येसु ख्रिस्ट कालाउ आबा परमेस्वरहेङ प्रार्थाना पानाखे जाइ दोङ केलाइहेङ प्रेम पाहि, कालाउ वा ताइको आनुग्रहसो केलाइहेङ आनान्तको हाउसाइ कालाउ निसित आस पिहि।

हिब्रु 6:19

केलाइको दोफा हिका इदोइ आस बल्लियाका हि कालाउ यासेहेङ हेङगालाइलि मादोअ्खे, कालाउ या केलाइहेङ परमेस्वरसो दुरे चुम्पुलि मादोखे, भरु या केलाइहेङ परमेस्वरको मुन्दिर लिताको परम पबित्तरो थामेता चुमाखे।

1पतरुस 1:13

ओदोङ भाअ्सिङ, नेलाइ हाइ पादोङ सुखेना दोअ्का बारे रेम्फा सोचिसु कालाउ आत्माहेङ तहता ताअ्सु मुक्ति निङका आस पासु, जेदोङ आनुग्रहसो लोखे, जाइ नेलाइहेङ येसु ख्रिस्ट इदोइ सुमिङता धुरितेङ लोका दिनाता प्यावा।

1पतरुस 2:9

कालाउ नेलाइ इन्सिका माको, हाइपालिपानु नेलाइ परमेस्वरको साल्न्हाका द्‍याङगेलाइ हिसुना, नेलाइ परमेस्वरको पुजारिगेलाइ हिसुना, जाइ राजा हि। नेलाइ परमेस्वरको सेवा पालि समरपित जेङका द्‍याङगेलाइ निजि प्रजा हिसुना। वा नेलाइहेङ कालाउ कितिकितिकासो ताइको आधभुत फाइसालामकाता चुमाका हि, कालाउकि नेलाइ परमेस्वरको भारभुसाइका कामगेलाइसो घोसाना पालि दोसु।

१ युहन्‍ना 1:7

कालाउ जेसाङ परमेस्वर ताइको पबित्तरोता आन्सार जेलाउ बुङ आसाल काम पाखे। एन्साङ जेलाउ केलाइ परमेस्वरको फाइसालामकाहोइ तिङपाका आसल काम पाखे कालाउ केलाइको सङगति एमिसो-भेनेङ दोफा हिखे, कालाउ वाको चान येसुको हितिहोइ केलाइ झाराङहेङ पापसो सुद्द पाखे।