1 थेस्लोनिकि 5:6 - Dhimal NT

⁶ ओदोङ भाअ्सिङ केलाइ आरु द्‍याङगेलाइ भाइपा माजिमाइने, जाइहेङ प्रभु लोका दिनाको बारेता थाहा मान्थु, भरु जागितेङ ह्याइने कालाउ चङख ह्याइने कालाउ आत्मा काबुता हिलि गोइखे।

धिमाल

⁶ इदोइभाअ्‌सिङ बोमिगेलाइभाइपाङ केलाइ माजिमाइने, कालाउ नाङघातेङ ह्‍याइने रो सजक ह्‍याइने।

1 थेस्लोनिकि 5:6 Iomraidhean Croise

मत्‍ति 13:25

कालाउ झाराङ द्‍याङगेलाइ जिम्लाउ, साइतान लोतेङ गहमको चालाइ माझा-माझाता सामा बिपितेङ हानेहि।

मत्‍ति 24:42

ओदोङ भाअ्सिङ जेलालाउ बुङ तियार जेङतेङ हिसु, हेथे पहर नेलाइको परमप्रभु ल्वाङ दोअ्तेङ नेलाइहेङ थाहा गिलि मादोस्वाना।

मत्‍ति 25:13

ओदोङ भाअ्सिङ जेलाउ बुङ जागितेङ हिसु, नेलाइ मागिसुखेना कि द्‍याङको चान हिदोइ दिना, याते हिदोइ पहरता ल्वाङ।

मत्‍ति 25:5

कालाउ दारा लोलि बेलोम्हि, कालाउ झाराङ धानिगेलाइ निन्धा धुलाइतेङ जिम्लि तेङहि।

मत्‍ति 26:38

येसु पतरुस कालाउ जब्दियाको न्हेनोङ चानगेलाइहेङ दोअ्हि, काङको मन मेनाङ जिउधाइ ल्होपाङ खारतेङ हि, नाअ् सिलि नाअ् हिलि जेङका हि। नेलाइ इता का दोफा जागितेङ हिसु।

मर्कुस 13:37

नेलाइहेङ दोअ्का भाइपा का झाराङहेङ दोअ्का हिघा, का लोलि तोम्काता जेलाउ बुङ तियार जेङतेङ हिसु।

लुका 12:37

धन्य उङको चाकारियागेलाइ जाइ गिह्रि घुरितेङ लोलाउ ह्रुम्तेङ हिका निङखे जातिङ भारि का नेलाइहेङ दोअ्खा, ताइको गिह्रि एनोङ सेवकको भाइपा लोखन धाबा लागाइतेङ उङको चाकारियागेलाइ सुकापा योम्पातेङ चापाखे कालाउ सेवा पावा।

लुका 12:39

थाहा गिसु: जेसापा साअ्को गिह्रि चोर हेथे बेला ल्वाङ दोअ्का गिनु वा तियार जेङतेङ हिधावा। कालाउ वा सर्तक जेङतेङ चोरहेङ साअ् लिता दुल्लि मापिघ्यावा।

लुका 21:36

कालाउ चङख हिसु, आइ लागिका इदोइ गोताङ थिलि गोइका काथागेलाइसो बान्चिलि कालाउ का द्‍याङको चानको आगाता न्यायको दिनाता जाअ्लि योग्य जेङलिको भाअ्सिङ दिनाङ प्रार्थाना पातेङ हिसु।

लुका 22:46

येसु ओबालाइहेङ दोअ्हि, नेलाइ हाइ पालि जिम्तेङ हिसुन्हा? ल्होसु कालाउ जाचिकाता मापरिसु ओदोङ भाअ्सिङ प्रार्थाना पासु।

साल्न्हाका चात्या 20:31

ओदोङ भाअ्सिङ इदोइ सम्झितेङ चङखे हिसु, कि का सुम बासार थेकापा झेम्पाङ लिपाङ मिति होपातेङ गोताङ द्‍याङगेलाइहेङ चेतान पितेङ हिघा।

1 कोरिन्थि 15:34

जेदोङ काथा रेम्का हि इङकोता ध्यान पिसु कालाउ एला उसो पाप मापासु, हाइपालिपानु नेलाइ मध्ये हेथेहेङ ते परमेस्वरहेङ रेम्फासो मानाल्खे। नेलाइहेङ लेदेरपालिको भाअ्सिङ का या दोअ्का हिघा।

1 कोरिन्थि 16:13

चङख हिसु, खाङधुरिता द्रिद हिसु। साहासि जेङसु, कालाउ बल्लियाका जेङसु।

एफिसि 2:3

केलाइ बुङ एखे इम्बालाइ भाइपाङ हिघानाहि, मारेम्का इच्छा कालाउ जिउको इच्छा पुरा पातेङ ताइको पापमय स्वभाबता जियाइका हिघान्हाहि। कालाउ बो द्‍याङगेलाइ भाइपाङ केलाइ बुङ परमेस्वरको चेरचुङता परिलि गोइधाङ।

एफिसि 5:14

ओदोङ भाअ्सिङ इसिका भनाइ हि: “ओइ निन्धाकागेलाइ, जागिसु कालाउ सिकासो ल्होसु, कालाउ ख्रिस्ट नेलाइहेङ फाइसालामका प्यावा।”

एफिसि 6:18

कालाउ जेलाउ बुङ गोताङ प्रार्थाना कालाउ बिन्ति पबित्तरो आत्माता पासु। कालाउ इदोइ गोताङ काथागेलाइ मनता ताअ्तेङ गोताङ जनगेलाइको भाअ्सिङ जेलाउ बुङ प्रार्थाना पासु।

फिलिप्पि 4:5

नेलाइको सभ्य स्वभाव गोताङ द्‍याङगेलाइहेङ थाहा ज्याको, प्रभु धेमाङ लोदोङखे।

कलस्सि 4:2

नेलाइ लागातार प्रार्थाना पातेङ हिसु, जेलाउ नेलाइ प्रार्थाना पासुखेना चङख जेङसु कालाउ जेलाउ बुङ परमेस्वरहेङ धन्यबाद पि।

1 थेस्लोनिकि 4:13

ओइ खान्धुराइ ओनेगेलाइ, केलाइ चाहिनाखे कि नेलाइ गिसु, कि इङको खान्धुराइ जाइ सिलि दोका हि इम्बालाइ दोफा हाइ जेनाङ वाला। नेलाइ आस मान्थुका द्‍याङगेलाइ भाइका सोक मापासु। हाइपालिपानु इम्बालाइ दोफा सितेङ आरोङ सिन्चालाङ दोअ्का हिदोइ बुङ आस मान्थु।

1 थेस्लोनिकि 5:10

येसु ख्रिस्ट केलाइको भाअ्सिङ सिहि, कालाउकि केलाइ बान्चिलाउ बुङ माकुनु सिलाउ बुङ केलाइ वा दोफाङ जेलालाउको भाअ्सिङ बान्चिलि द्वाको, जेलाउ वा आरोङ ल्वाङ।

1 थेस्लोनिकि 5:8

कालाउ केलाइ चाहि दिनाको हिनाङ खाङधुरि कालाउ प्रेमको तुम्ताको पाता लागाइने जेदोङहोइ केलाइहेङ बान्चिपाखे, जेसाङ तुम्ताको पाताहोइ सिपालाइहेङ जोगे पाखे। कालाउ आस पाइने, कि केलाइ आनान्त साजाइसो बान्चिका हिनाहि, जेसाङ टोपहोइ सिपाइहेङ बान्चिपाखे।

1तिमोथि 2:15

कालाउ जेलाउ थेकापा इम्बालाइ ख्रिस्टता खाङधुरि पातेङ हिहे पानु, आरुहेङ बुङ प्रेम पावा, कालाउ सुद्द कालाउ मोनोइ तरिकासो ब्याभार पाहे पानु परमेस्वर बेबालाइहेङ जामालको जोलोम पिकासो बान्चि पावा।

1तिमोथि 2:9

एसाङ पातेङ का चाहिखा, कि खान्धुराइ बेबालाइ सोबाइका सुइकार योग्य कालाउ आदार योग्य लोखोन धाबा लागाइयाको। पुसुङहेङ हेन्जा साजाइतेङ, सोना, मोति कालाउ हेन्जा जाङका लोखोन धाबागेलाइ लागाइतेङ माको,

1तिमोथि 3:11

मन्डलि साघाइकालाइको बे गेलाइ बुङ आदार पालिको योग्य हिलि गोइखे, बोमिको बिसोइता आखेका काथा मापोका हिलि गोइखे। कालाउ ताइमिहेङ काबुता ताअ्तेङ गोताङ काथाता खाङधुरि योग्य हिलि गोइखे।

1तिमोथि 3:2

ओदोङ भाअ्सिङ इदोइ आव्यस्यक हि, कि आगुवागेलाइ चाहि दुसिका मान्थुका हिलि गोइखे। वाको एमि खिनिङ बे ह्याको। ताइमिहेङ काबुता ताअ्लि दोका, साम्मान निङका, समझदार, कालाउ ताइको साअ्ता लोकालाइहेङ सेवा सात्कार पाका कालाउ परमेस्वरको बचन रेम्फासो धिरपाका द्‍याङ हिलि गोइखे।

2 तिमोथि 4:5

कालाउ नाअ् कस्ट भोगिलि गोइलाउ बुङ जेलाउ बुङ ताइमिहेङ नियन्तरन पालि गोइखे, कालाउ सुसमाचार प्राचार पालि थाङका मेहेनत पाअ्‌, कालाउ प्रभु नासेहेङ पिका गोताङ काम पुरा पाअ्‌।

तितस 2:12

हाइपालिपानु परमेस्वरको आनुग्रहहोइ केलाइहेङ मारेम्का जिबन जियाइलिसो रोकिखे, कालाउ वाको आनुग्रहसो केलाइ ताइमिहेङ काबुता ताअ्तेङ इदोइ सुमिङता सहि कालाउ आसल जिबन जियाइलि द्वाङ। जेदोङ चाहि परमेस्वरहेङ मन परिखे।

तितस 2:6

एन्साङ पातेङ धानागेलाइहेङ बुङ बुद्दिमानसो ब्यभार पाका आर्ति पि।

1पतरुस 1:13

ओदोङ भाअ्सिङ, नेलाइ हाइ पादोङ सुखेना दोअ्का बारे रेम्फा सोचिसु कालाउ आत्माहेङ तहता ताअ्सु मुक्ति निङका आस पासु, जेदोङ आनुग्रहसो लोखे, जाइ नेलाइहेङ येसु ख्रिस्ट इदोइ सुमिङता धुरितेङ लोका दिनाता प्यावा।

1पतरुस 4:7

गोताङ काथाको आन्तय भेरपाङ लोका हि। ओदोङ भाअ्सिङ नेलाइ झालाफालापा सोचेसु कालाउ ताइमिहेङ काबुता ताअ्सु, कालाउकि नेलाइ प्रार्थाना पालि दोसु।

1पतरुस 5:8

नेलाइ ताइमिहेङ काबुता ताअ्सु कालाउ जागितेङ हिसु, हाइपालिपानु नेलाइको सतुरु साइतान द्‍याङगेलाइहेङ नासा पालिको भाअ्सिङ द्‍यापाहाङ घुराइगिल्तेङ हि। वा गुन्जिरका खुवाँ भाइका हासुहेङ बुङ दुसुतेङ चाङका दोअ्तेङ दाउता घुराइगिल्तेङ हिगिल्तेङ हि।

प्रकास 16:15

भुत-आत्मा सासन पाका द्‍याङगेलाहेङ कालाउ इम्बालाइको सेनागेलाइहेङ ए थामेता जोम्पाहि। इङको थामेको मिङ हिब्रु भासाता आरमागाडोन दोअ्खे। ओदोङ भाअ्सिङ, प्रभु येसु दोअ्हि, “इदोइ काथा हिङसु, काङको लोलि खाङका एमि चोर लोका भाइपाङ आचानाक जेनाङ। उङको द्‍याङ धन्य हि जाइ काङको लोका बेलाता नाङघातेङ हिखे, कालाउ वाको धाबा लोखोनगेलाइ तियार पाखे। कालाउ इम्बालाइ नाङघाङ माज्याङ कालाउ जेसापा वाको हेन्जा द्‍याङगेलाइको माझाता बाहार हानिलाउ बुङ, इम्बालाइहेङ लेदेर पाका हिदोइ बुङ दोङ काथा माजेनाङ।”

प्रकास 3:2

ओदोङ भाअ्सिङ, जागितेङ हिसु। काङकोता नाङको खाङधुरिहेङ बलियो पासु जेलाउ थेकापा नाङको आधे खाङधुरि बाकि हि, कालाउकि या गोताङ पुर्न रुपता मान्हाङ। का गिखा कि नेलाइ सिद्द मान्थु सुन्हा, हाइपालिपानु नाअ् जेदोङ पादोङखेना इङकोसो परमेस्वर खुसि मान्थु।