1 थेस्लोनिकि 5:4 - Dhimal NT

⁴ कालाउ खान्धुराइ ओनेगेलाइ, नेलाइ इदोइ दुस्ट सुमिङको माको, ओदोङ भाअ्सिङ प्रभु लोका दिना नेलाइकोता चोर लोका भाइपा आचानाक ल्वाङ।

धिमाल

⁴ कालाउ दादाओने बाइओनेगेलाइ, नेलाइ कितिकितिकाता मान्‍थुसुन्‍हा, एन्‍साङ प्रभु लोका दिना नेलाइहेङ खुकाभाइपाङ उदेक मापावा।

1 थेस्लोनिकि 5:4 Iomraidhean Croise

मत्‍ति 10:15

नेलाइहेङ का जातिङ भारि दोअ्खा, न्यायको दिनाता इम्बालाइको बेथा सोदोम सहरको कालाउ गमोराको खान्तेङ सहिलि दोका जेनाङ।

लुका 21:34

चङख हिसु, नाङको सोमोइ भोग-बिलासता, नासातावा कालाउ इदोइ सुमिङको चिन्तागेलाइता खेर माथाइगिल। हाइपालिपानु का इङको दिनाता नेलाइ माचिताइका बेलाता ल्वाङका।

साल्न्हाका चात्या 26:18

कि नाअ् द्‍याङगेलाइहेङ सत्ये तिङपाना, कालाउकि इम्बालाइ कितिकितिकासो फाइसालामकाता कालाउ साइतानको सरबुङसो परमेस्वर भारि घुरियाको। कालाउ परमेस्वर इम्बालाइको पापगेलाइ स्यामा पापियाङ कालाउ इम्बालाइ कासेहेङ खाङधुरि पानाङ पबित्तरो हिकालाइको थामे इम्बालाइ बुङ निनावा।

कलस्सि 1:13

खान्धुराइ ओनेगेलाइ, नेलाइ रेम्का काम पालि मामाइसु। हाइपालिपानु वा केलाइहेङ साइतानको सरबुङसो लाअ्पाका हि, कालाउ ताइको मायारु चानको सासनता चुमाका हि।

1 थेस्लोनिकि 5:2

हाइपालिपानु नेलाइ झाराङ गिसुखेना, कि जेदोङ दिना प्रभु येसु आरोङ ल्वावा इङको दिना न्हिसिनता आचानाक चोर लोका भाइपा ल्वावा।

२ पत्‍रुस 3:10

कालाउ ख्रिस्ट निसित दोङ धुरितेङ ल्वाङ। वा चोर लोका भाइपा आचानाक मासोचेका बेला धुरितेङ ल्वाङ। इङको सोमोइ आकासता बार्का गाला जेनावा, कालाउ आकास रामावा। कालाउ आकासता हिका बेला, तालि कालाउ फुरुगेलाइ मेता पुरा रुपता नासातावा। इङको दिना, द्‍याङगेलाइ प्रिथिबिता पाका गोताङ काम इम्बालाइहेङ न्याय पालिको भाअ्सिङ परमेस्वर देखाल पाङ।

१ युहन्‍ना 2:8

कालाउ बुङ एनोङ नावा आग्या का नेलाइहेङ लेखेदोङखा, हाइपालिपानु इदोइ आग्याको सत्येता ख्रिस्टता तिङचाहि कालाउ नेलाइकोता बुङ तिङचाल्हाहि। हाइपालिपानु कितिकितिका भाइकाङ दुस्टता बितितेङ हि कालाउ परमेस्वरको सत्ये फाइसालामका भाइकाङ आन्चासोङ जोल्तेङ हि।

प्रकास 16:15

भुत-आत्मा सासन पाका द्‍याङगेलाहेङ कालाउ इम्बालाइको सेनागेलाइहेङ ए थामेता जोम्पाहि। इङको थामेको मिङ हिब्रु भासाता आरमागाडोन दोअ्खे। ओदोङ भाअ्सिङ, प्रभु येसु दोअ्हि, “इदोइ काथा हिङसु, काङको लोलि खाङका एमि चोर लोका भाइपाङ आचानाक जेनाङ। उङको द्‍याङ धन्य हि जाइ काङको लोका बेलाता नाङघातेङ हिखे, कालाउ वाको धाबा लोखोनगेलाइ तियार पाखे। कालाउ इम्बालाइ नाङघाङ माज्याङ कालाउ जेसापा वाको हेन्जा द्‍याङगेलाइको माझाता बाहार हानिलाउ बुङ, इम्बालाइहेङ लेदेर पाका हिदोइ बुङ दोङ काथा माजेनाङ।”

प्रकास 3:3

नाअ् लाम्फा हिङका कालाउ खाङधुरि पाका सिक्स्याहेङ फोम पाअ्‌, नाअ् जेदोङ धिरपाका हिघाखेना इङको को आनुसरन पाअ्‌, पाप पालि लाअ् कालाउ परमेस्वर भारि घुरे। जेसापा नेलाइ मारेम्का काम पालि मालाअ्सुन्हा पानु, नाअ् इङको सोमोइ थाहा मानिनाना जेलाउ का नासेहेङ साजाइ पिलि ल्वाङका, हाइपालिपानु का चोर भाइपा आचानाक ल्वाङका।