1 थेस्लोनिकि 5:21 - Dhimal NT

²¹ गोताङ सन्‍देस जाचे कि इङको परमेस्वरसो लोका हि कि माको, कालाउ रेम्का सन्देसगेलाइहेङ सुइकार पातेङ केम्सु।

धिमाल

²¹ कालाउ गोताङ काथाको जाच पासु। जेदोङ काथा रेम्‍का हि इङकोताङ अचल हिसु।

1 थेस्लोनिकि 5:21 Iomraidhean Croise

लुका 12:57

हिदोइ काथा चाहि ठिक हि, दोअ्तेङ हाइ पालि नेलाइ निर्नय पालि माअ्दो सुखेना।

युहन्‍ना 15:4

नेलाइ का दोफा हिसु कालाउ का नेलाइ दोफा ह्याङका। जेसापा डालेङ सिङता माहिनु इङको ताइमिङ फल सेपालि मादोअ्खे, एन्साङपा नेलाइ का दोफा माहिसुना पानु हाइ बुङ आसाल पालि मादोस्वाना।

युहन्‍ना 8:31

कालाउ येसु ताइ ह्रुता खाङधुरि पाका यहुदिगेलाइहेङ दोअ्हि, नेलाइ काङको बचनता हितेङ हिसुना पानु, नेलाइ जातिङको काङको चात्या दोङ।

साल्न्हाका चात्या 11:23

बार्नाबास इन्ता लोतेङ परमेस्वरको आनुग्रह तिङतेङ मेनाङ लेङचाहि, कालाउ इम्बालाइ झाराङहेङ गोताङ ह्रदयहोइ प्रभु दोफा खान्धुराइ जेङतेङ हिलि हाउसाइ पिहि।

साल्न्हाका चात्या 14:22

कालाउ गोताङ नगरता जेङका चात्यागेलाइको आत्माहेङ बल्लियाका बानाइकाताङ ओबालाइहेङ खाङधुरिता हितेङ हिलि आर्ति पिहि, कालाउ हेन्जा कस्ट सहितेङ केलाइ परमेस्वरको सासनता दुल्लि गोयाङ दोअ्तेङ ओबालाइहेङ दोअ्हि।

साल्न्हाका चात्या 17:11

इताको यहुदिगेलाइ थेसलोनिकि सहरको द्‍याङगेलाइ खान्तेङ हेन्जा आसल हिघाहि। हाइपालिपानु इम्बालाइ मेनाङ चासो पातेङ पावल कालाउ सिलासको दोअ्का बचन हिङतेङ हिघाहि। कालाउ इङको काथागेलाइ ठिक हि कि मान्थु दोअ्तेङ दिनाङ-दिनाङ धर्मसास्तर पढेतेङ जाचिघाखे।

रोमि 12:2

इदोइ सुमिङको द्‍याङगेलाइ भाइपा माजेङसु, कालाउ परमेस्वर नाङको स्वभाबहेङ परिबर्तन पातेङ नेलाइको बिचारहेङ नावा बानाइलि द्वाङ। कालाउ परमेस्वरको आसल ग्रहन योग्य कालाउ सिद्द इच्छा हाइ हि, इङको नेलाइ गिलि दोसु।

रोमि 12:9

नेलाइको प्रेम तिङपाका खिनिङ माको भरु जातिङको ह्याको। जेदोङ काथा खाराब हि इङकोहेङ बाथालाइगिल, कालाउ जेदोङ काथा एल्का हि इङको काम लागातार पातेङ हि।

1 कोरिन्थि 15:58

ओदोङ भाअ्सिङ काङको आनाउ खान्धुराइ ओनेगेलाइ, ताइको खाङधुरिता बल्लियाका जेङसु कालाउ धाताइका सिक्स्यागेलाइता मालाइसु। कालाउ प्रभुको कामता जेलाउ बुङ लागितेङ हिसु। हाइपालिपानु नेलाइ गिसुखेना कि प्रभुता नेलाइको परिस्रोम ब्यर्थ माजेनाङ।

1 कोरिन्थि 2:11

हासुहेङ बुङ थाहा मान्थु कि, भेनेङ द्‍याङ हाइ बिचार पादोङखे, वा खिनिङ गिखे, कालाउ हासु बुङ परमेस्वरको बिचार बुझिलि मादोखे, परमेस्वरको आत्माहोइ खिनिङ इङको गिखे।

गलाति 6:10

ओदोङ भाअ्सिङ माउका मिलिनासाङ केलाइ झाराङ द्‍याङगेलाइहेङ साघाइलि गोइखे, बिसेस पातेङ ख्रिस्टता खाङधुरि पाकालाइहेङ।

एफिसि 5:10

प्रभु हिदोइ काथाता खुसि ज्याङ इङको काथा धिरलि कोसिस पासु।

फिलिप्पि 1:10

कालाउकि जाइ काम पालि उत्तम हि इङको नेलाइ साल्लि दोअ्स्वाना, जेलाउ ख्रिस्ट आरोङ ल्वाङ इङको दिनाको भाअ्सिङ सुद्द कालाउ दुसुलि मादोका जेङतेङ हिसु।

फिलिप्पि 3:16

ओदोङ भाअ्सिङ परमेस्वर केलाइहेङ तिङपाका सत्ये आन्सार जिबन जियाइलि गोइखे।

फिलिप्पि 4:8

आम्तिमता खान्धुराइ ओनेगेलाइ, जेदोङ काथा सत्ये हि, जेदोङ काथा आदारनिय हि, जेदोङ काथा ठिक हि, जेदोङ काथा सुद्द हि, जेदोङ काथा झालाफालापा हि, जेदोङ काथा क्रिपामय हि, जेसापा हाइ दोङ स्रेस्थता, कालाउ बाखिन योग्य हाइ दोङ हि पानु इदोइ दोङ काथागेलाइता मन लागाइसु।

1 थेस्लोनिकि 5:15

फोम पाअ्‌, हासु बुङ मारेम्का पाहि दोअ्काता वासेहेङ मारेम्का मापासु, कालाउ एमिसो-भेनेङ दोफा कालाउ झाराङ द्‍याङगेलाइ दोफा रेम्का पालि कोसिस पासु।

1 थेस्लोनिकि 5:22

गोताङ खालको मारेम्का काथागेलाइ इन्कार पासु।

2 थेस्लोनिकि 2:15

ओदोङ भाअ्सिङ खान्धुराइ ओनेगेलाइ, बल्लियाका जेङसु, कालाउ केलाइको दोअ्का माकुनु पात्तारा पाहासो निङका सिक्स्याता लागातार खाङधुरि पातेङ हिसु।

2 तिमोथि 1:15

नासेहेङ थाहा हि, कि एसिया प्रदेसता हिका हेन्जा जोसो खान्धुराइगेलाइ कासेहेङ लाअ्का हि, कालाउ इङको मध्ये फुगेलस कालाउ हर्मोगेनस हि।

2 तिमोथि 3:6

हाइपालिपानु इम्बालाइ मध्येसो हेथेते द्‍याङगेलाइ साअ्-साअ्गेलाइता हानिखे कालाउ आनाइ बेबालाइहेङ ताइको आधिनता पाखे, जाइको ह्रदयगेलाइ पापहोइ लादाइका हिखे कालाउ गोताङ खाल्को इच्सागेलाइसो काबुता परिका हिखे।

2 तिमोथि 4:14

चिरको काम पाका आलेकज्यानडर कासेहेङ हेन्जा पोल्ति चित्ता तुपापिका हि। प्रभु वासेहेङ वाको मारेम्का काम आन्सार बद्ला ह्रुकावा।

हिब्रु 10:23

केलाइको ताअ्का आस जेदोङ केलाइ दोफा हि दोअ्तेङ केलाइ दाबि पान्हाखे इङकोहेङ बलियापा चाअ्तेङ ताअ्ताइने, हाइपालिपानु परमेस्वरको प्रतिग्या पाका गोताङ काथा खाङधुरि योग्य दोफाङ पुरा पाङ।

१ युहन्‍ना 4:1

आनाउ खान्धुराइ ओनेगेलाइ, ताइमि दोफा पबित्तरो आत्मा हि दोअ्का झाराङहेङ खाङधुरि मापासु। कालाउ आत्मागेलाइ परमेस्वरसो लोका हि, कि माको दोअ्तेङ वाको जाच पासु, हाइपालिपानु हेन्जा धाताइका आगमबक्तागेलाइ इदोङ सुमिङता हि।

प्रकास 2:2

कासेहेङ नेलाइको काम थाहा हि कि, हेसा नाअ् कथिन परिस्रोम पाखेना कालाउ हारेस माचाखेना। कालाउ कासेहेङ थाहा हि कि नेलाइ दुस्ट द्‍याङगेलाइहेङ सुइकार मापा सुखेना। नाअ् उङको द्‍याङगेलाइहेङ जाचिन्हा, जाइ छाल्न्हाका चात्या दोङ दोअ्तेङ धाताइका दाबि पाहि, कालाउ बास्तबता माको, कालाउ नाअ् फेला पान्हा कि इम्बालाइ धाताइका हिघाहि।

प्रकास 3:11

का धेमाङ लोदोङखा, कालाउ नाअ् बल्लियाका खाङधुरि ताअ्तेङ ताअ्लि गोइयाना, कालाउकि हासु बुङ नाङको बिजोइको इनाम घिङलि माद्वाको।

प्रकास 3:3

नाअ् लाम्फा हिङका कालाउ खाङधुरि पाका सिक्स्याहेङ फोम पाअ्‌, नाअ् जेदोङ धिरपाका हिघाखेना इङको को आनुसरन पाअ्‌, पाप पालि लाअ् कालाउ परमेस्वर भारि घुरे। जेसापा नेलाइ मारेम्का काम पालि मालाअ्सुन्हा पानु, नाअ् इङको सोमोइ थाहा मानिनाना जेलाउ का नासेहेङ साजाइ पिलि ल्वाङका, हाइपालिपानु का चोर भाइपा आचानाक ल्वाङका।