1 थेस्लोनिकि 5:15 - Dhimal NT

¹⁵ फोम पाअ्‌, हासु बुङ मारेम्का पाहि दोअ्काता वासेहेङ मारेम्का मापासु, कालाउ एमिसो-भेनेङ दोफा कालाउ झाराङ द्‍याङगेलाइ दोफा रेम्का पालि कोसिस पासु।

धिमाल

¹⁵ फोम पासु, हासुङ आखेकाको बादालाता आखेका मापाको, कालाउ एमि भेनेङ रो झाराङदोफा दिनाङ भालाइ पालि बल पासु।

1 थेस्लोनिकि 5:15 Iomraidhean Croise

मत्‍ति 5:39

कालाउ का नेलाइहेङ दोअ्खा, नेलाइ हिदोइ बुङ दुस्ट द्‍याङगेलाइ दोफा बद्ला माह्रुसु। जेसापा हासु बुङ नाङको दाम्पाहा गाला चाउरिहि पानु, केपाहाको गाला बुङ धोपि।

लुका 6:35

कालाउ ताइको सतुरुगेलाइहेङ प्रेम पासु। इम्बालाइहेङ रेम्फा पासु, कालाउ रिन ह्रेकालाइहेङ धुरिपाङका दोअ्तेङ आस मापासिङ रिन पि। एन्सा पाहे पानु नेलाइ बार्का इनाम निङस्वाना कालाउ सर्बोच्च परमेस्वरको सान्तानगेलाइ जेङस्वाना, हाइपालिपानु परमेस्वर बैगुनि कालाउ दुस्ट द्‍याङगेलाइहेङ दाया पाखे।

साल्न्हाका चात्या 16:28

कालाउ पावल तिराराइका गालाहोइ दोअ्हि, “ताइमिहेङ हाइ दोङ हान्ति मापा, हाइपालिपानु केलाइ झाराङ इताङ हिन्हाहि।”

रोमि 12:9

नेलाइको प्रेम तिङपाका खिनिङ माको भरु जातिङको ह्याको। जेदोङ काथा खाराब हि इङकोहेङ बाथालाइगिल, कालाउ जेदोङ काथा एल्का हि इङको काम लागातार पातेङ हि।

रोमि 14:19

ओदोङ भाअ्सिङ केलाइ ओदोङ कामगेलाइ पाइने जाइहोइ चाहि सान्ति चुमाखे, कालाउ एमिसो-भेनेङहेङ खाङधुरिता बल्लियाका बानाइखे।

1 कोरिन्थि 14:1

एमिसो भेनेङहेङ प्रेम पालि जेलाउ बुङ कोसिस पासु, कालाउ आत्मिक बरदानगेलाइ निङका बार्का इच्छा ताअ्सु, खास पातेङ आगमबानि पालिको भाअ्सिङ।

1 कोरिन्थि 16:10

जेसापा तिमोथि नेलाइकोता कोरिन्थ सहरता लोलाउ, वासेहेङ रेम्फासो ब्यभार पासु। हाइपालिपानु वा बुङ का भाइपाङ प्रभुको काम पातेङ हि।

1 कोरिन्थि 6:7

जेलाउ नेलाइ मध्ये हासु बुङ भेनेङ खान्धुराइ ओनेहेङ फेसुका मिलि पालि आदालातता चुम्पुखे पानु, नेलाइ खाङधुरिता जियाइलि आसफल जेङका तिङपाखे। भरु आरु खान्धुराइगेलाइ दोङ नेलाइको गल्ति तिङपाको। कालाउ जेसापा हिदोइ बुङ खान्धुराइ ओने नासेहेङ थगितेङ नाङको हाइ दोङ चुम्पुनु वासेहेङ हाइ दोङ मापा।

गलाति 6:10

ओदोङ भाअ्सिङ माउका मिलिनासाङ केलाइ झाराङ द्‍याङगेलाइहेङ साघाइलि गोइखे, बिसेस पातेङ ख्रिस्टता खाङधुरि पाकालाइहेङ।

एफिसि 5:15

ओदोङ भाअ्सिङ नेलाइ हेसा जियाइस्वाना इङको बारेता हेन्जाङ ख्याल पासु। मुर्खगेलाइ भाइपा माको भरु बुद्दिमानि भाइपा जिबन जियाइसु।

एफिसि 5:33

कालाउ या काथा नेलाइता बुङ लागु जेङखे, नेलाइ झाराङ ताइको बे हेङ ताइमिहेङ भाइपाङ प्रेम पालि गोइखे, कालाउ बे बुङ ताइको के हेङ आदार पालि गोइखे।

1 थेस्लोनिकि 2:12

केलाइ नेलाइहेङ हाउसाइ कालाउ सान्तावाना पिन्हाहि कालाउ बिन्ति पानाहि कि परमेस्वरहेङ मन परिका जिबन जियाइसु, जाइ नेलाइहेङ ताइको सासन कालाउ महिमाता काइयावा।

1 थेस्लोनिकि 5:21

गोताङ सन्‍देस जाचे कि इङको परमेस्वरसो लोका हि कि माको, कालाउ रेम्का सन्देसगेलाइहेङ सुइकार पातेङ केम्सु।

1तिमोथि 6:11

कालाउ तिमोथि नाअ् परमेस्वरको जन इदोइ गोताङ मारेम्का काथागेलाइसो फारापा हिसु, कालाउ आसल कामता, भक्तिता, खाङधुरिता, प्रेम धर्यता कालाउ मोनोइ जेङका काथाता ताइको मन लागाइ।

2 तिमोथि 2:24

कालाउ प्रभुको बान्धाइति चेरसुलि माएल, कालाउ वा झाराङहेङ दायाका हिलि गोइखे, कालाउ परमेस्वरको बचन रेम्फासो धिरपालि दोका कालाउ बिरोधि द्‍याङगेलाइ दोफा गोताङ काथा सहिलि दोका हिलि गोइखे।

तितस 3:2

इम्बालाइ हासुको बुङ बिरोध मापाको कालाउ माचेरस्वाको, मोनोइ कालाउ गोताङ द्‍याङगेलाइ दोफा मिलितेङ हिका जेनाको।

हिब्रु 12:14

झाराङ द्‍याङगेलाइ दोफा सान्तिता हिलि कालाउ पबित्तरो जिबन जियाइतेङ हिका कोसिस पासु, पबित्तरो बिना हिदोइ बुङ द्‍याङगेलाइ प्रभुहेङ तिङलि माद्वावा।

1पतरुस 1:22

हाइपालिपानु नेलाइ सत्ये पालन पातेङ सुद्द जेङका हिसुना, एला नेलाइ ताइको दोफाङको खान्धुराइगेलाइहेङ चोखो प्रेम पासु। कालाउ एमिसो भेनेङहेङ ताइको ह्रदयको लिता सोङ प्रेम पातेङ हिसु।

1पतरुस 2:17

झाराङ द्‍याङगेलाइहेङ आदार पासु। खान्धुराइ दादा-ओनेगेलाइ कालाउ बाइ-ओनेगेलाइहेङ प्रेम पासु, परमेस्वरसो थिसु राजाको आदार पासु।

1पतरुस 3:9

खाराबिको बदला खाराबि मापालि माकुनु आपामानको बदला आपामान मापालि, भरु इङको को सातोता आसिस पिका जेङसु, नेलाइ इम्बालाइको भाअ्सिङ आसिस ह्रेलि गोइखे हाइपालिपानु नेलाइ परमेस्वर पाहासो आसिस पिलिको भाअ्सिङ काइन्हाका हिसुना, कालाउकि नेलाइ परमेस्वरसो आसिस निङलि दोसु।

३ युहन्‍ना 1:11

ओइ आनाउ खाङधुरि ओने, मारेम्का काम पाका द्‍याङगेलाइ भाइका माको, कालाउ रेम्का काम पाकालाइको आनुसरन पासु। जाइ रेम्फा पाखे वा परमेस्वरको सान्तान दोङ दोअ्तेङ तिङपाखे। जेसापा हासु बुङ मारेम्का काम पाखे पानु वा परमेस्वरहेङ नाल्का मान्थुखे।

प्रकास 19:10

जेलाउ का इदोइ हिङघा, काङको दोफा काथा पातेङ हिघाहि का वाको आगाता तुघुरघा, हाइपालिपानु का वाको आराधाना पालि हानिदोङघाखा। कालाउ वा कासेहेङ दोअ्हि, “काङको आराधाना मापासु। नाअ् सिरिप परमेस्वरको आराधाना पालि गोइखे। हाइपालिपानु, का बुङ नाङको कालाउ नाङको दोफा खान्धुराइ पाका सेवक हिघा। नेलाइ झाराङ भाइपा का बुङ इदोइ वा हृुता सुइकार पाका हिघा कि येसु दोङ प्रभु हि। हाइपालिपानु इङको पबित्तरो आत्मा दोङ हि जाइ परमेस्वरको द्‍याङगेलाइ येसुहेङ देखाल पाका सत्ये काथाको घोसाना पालिको भाअ्सिङ साघाइखे।”

प्रकास 22:9

कालाउ वा कासेहेङ दोअ्हि, “कासेहेङ आराधाना मापासु, खिनिङ परमेस्वरको आराधाना पासु! का बुङ नाअ् भाइकाङ कालाउ नाङको सानाइति खान्धुराइ ओनेगेलाइ भाइपाङ परमेस्वरको एमि सेवक हिघा, जाइ आगामबानि पाखे। कालाउ का इम्बालाइ झाराङ भाइपा हिघा जाइ इदोइ कितापता लेखेका आगमबानिको काथागेलाइ किखे।”