1 थेस्लोनिकि 5:13 - Dhimal NT

¹³ इम्बालाइ नाङको भाअ्सिङ पाका कामको भाअ्सिङ इम्बालाइहेङ हेन्जा आदार कालाउ प्रेम पासु। कालाउ नेलाइ ता-ताइमिता मिलितेङ सान्तिसो हिसु।

धिमाल

¹³ एम्‍बालाइको पाका कामको भाअ्‌सिङ मायाहोइ एम्‍बालाइहेङ हेन्‍जाङ मान पासु रो नेलाइ बुङ ताताइमिता मिलितेङ हिसु।

1 थेस्लोनिकि 5:13 Iomraidhean Croise

मत्‍ति 10:40

नेलाइहेङ जाइ स्‍वागत पाखे, कासेहेङ बुङ स्‍वागत पावा, जाइ दोङ कासेहेङ स्‍वागत पाखे। कालाउ कासेहेङ दिङगिल्काहेङ बुङ आदार पावा।

मर्कुस 9:50

देसेते एनोङ आवस्यक आमेने दोङ हि कालाउ देसे दोङ चेचेका जेङनु हाइहोइ ताइका बानाइलि? नेलाइको ता-ताइमिता “देसेको गुन हिलि गोइखे कालाउ एमिसो भेनेङ दोफा सान्तिसो मिलितेङ हिलि गोइखे।”

युहन्‍ना 15:17

का नेलाइहेङ इदोइ आग्या पिखा, कि नेलाइ एमिसो भेनेङहेङ प्रेम पासु।

2 कोरिन्थि 13:11

आम्तिमता खान्धुराइ ओनेगेलाइ, एला बिदा पिसु, सिद्द जेङलि कोसिस पासु। ताइको लक्स्य ताअ्सु, काङको सुझाब हिङसु सान्तिता हिसु, कालाउ सान्ति कालाउ प्रेमको परमेस्वर नेलाइ दोफा ह्यावा।

गलाति 4:14

ओदोङ बेला काङको मिसाहोइ नेलाइहेङ आप्थ्यारोता पाका हिघाहि वाला कालाउ बुङ नेलाइ कासेहेङ मासिकासुन्हा माकुनु मालाअ्सुन्हा। कालाउ परमेस्वरको स्वर्गदुत माकुनु येसु ख्रिस्टहेङ भाइपा कासेहेङ बुङ स्‍वागत पासुन्हा।

गलाति 5:22

कालाउ पबित्तरो आत्मा केलाइ लिता उब्जाइ पाका गुनगेलाइ इदोइ दोङ हि: प्रेम, आनान्द, सान्ति, धैर्य, दाया, भालाइ, खाङधुरि योग्य,

गलाति 6:6

जाइ परमेस्वरको बचन धिरखे वा ताइमिहेङ धिरपाका दोफा गोताङ आसल काथागेलाइ बाखाराइयाको।

एफिसि 4:3

इसिका पालि मेनाङ कोसिस पासु, कालाउकि नेलाइ जेलाउ बुङ मिलितेङ हिलि दोसु, हाइपालिपानु नेलाइ पबित्तरो आत्मा पाहासो ए-जेङका हिसुन्हा।

कलस्सि 3:15

जेदोङ सान्ति ख्रिस्ट पिका हि इङको सान्ति नेलाइको ह्रदयता ह्याको। इदोङ सान्तिता हिलिको भाअ्सिङ परमेस्वर नेलाइहेङ एनोङ दोङ जिउ कोनिङ काइहि, कालाउ याको भाअ्सिङ नेलाइ जेलाउ बुङ धन्यबादि जेङसु।

1 थेस्लोनिकि 5:14

कालाउ खान्धुराइ ओनेगेलाइ, केलाइ नेलाइहेङ आर्ति पिनाखे, कि कुरियागेलाइहेङ चेताउनि पिसु, थिकालाइहेङ हाउसाइ पिसु, हुइका हिकालाइहेङ मद्दत पासु, कालाउ झाराङ दोफा धैर्य जेङतेङ तिङपासु।

2 थेस्लोनिकि 3:16

का प्रार्थाना पाङका, कि प्रभु जाइ सान्तिको मुलि हि, वा नेलाइहेङ जेलाउ बुङ सान्ति प्याको कालाउ का आरोङ बुङ प्रार्थाना पाङका, कि प्रभु नेलाइ झाराङ दोफा जेलाउ बुङ ह्याको।

2 तिमोथि 2:22

तिमोथि नाअ् धाना द्‍याङगेलाइ पालि इच्छा पाका मारेम्का कामगेलाइसो दुरे हिसु, कालाउ सुद्द ह्रदयसो प्रभुको आराधाना पाकालाइ दोफा आसल काम, खाङधुरि, प्रेम, कालाउ सान्तिहेङ पिताइसु।

हिब्रु 12:14

झाराङ द्‍याङगेलाइ दोफा सान्तिता हिलि कालाउ पबित्तरो जिबन जियाइतेङ हिका कोसिस पासु, पबित्तरो बिना हिदोइ बुङ द्‍याङगेलाइ प्रभुहेङ तिङलि माद्वावा।

याकुब 3:18

कालाउ सान्ति ताअ्का झाराङ सान्तिको चालाइ बिखे कालाउ इम्बालाइ धार्मिकताको सिसा जोम्पाखे।