1 थेस्लोनिकि 5:12 - Dhimal NT

¹² ओइ खान्धुराइ ओनेगेलाइ, केलाइ नेलाइहेङ निबेदन पानाखे, कि प्रभुता नेलाइको आगुवागेलाइहेङ आदार पासु, जाइ नेलाइको भाअ्सिङ परिस्रोम पाखे, कालाउ नेलाइहेङ आत्मिक काथाता आगुवाइ पाखे।

धिमाल

¹² दादाओने बाइओनेगेलाइ, केलाइ नेलाइहेङ बिम्‍ति पान्‍हाखे, नेलाइको माझाता मिनेत पाका रो नेलाइहेङ चेतानि पिका प्रभुको काम पाका आगुवागेलाइहेङ मान पासु।

1 थेस्लोनिकि 5:12 Iomraidhean Croise

लुका 10:7

सान्तिको साअ्ता योम द्‍याङगेलाइ जेदोङ चाका-आम्का पिखे चाअ्, हाइपालिपानु एमि खेताला ताइको कामको ज्याला निङलि योग्यको हि, भेनेङ साअ्ता हिलि लाम्फाको साअ् मालासु।

युहन्‍ना 4:38

का नेलाइहेङ इन्ता चेलि दिङगिल्घा, जेता नेलाइ मेहेनत पाका मान्थु सुन्हा। भेनेङ द्‍याङगेलाइ मेहेनत पाका हि, कालाउ इम्बालाइको मेहेनतको फल नेलाइ दोङ निङका हिसुना।”

साल्न्हाका चात्या 20:28

नेलाइ ताइको कालाउ ताइको गोताङ हुलको भाअ्सिङ चङख हिसु, पबित्तरो आत्मा नेलाइहेङ मन्डलिको आगुवा बानाइकानाङ हि। वा ताइकोङ हितिहोइ चोल्का परमेस्वरको मन्डलिहेङ नेलाइ सामाराइसु।

साल्न्हाका चात्या 20:35

का गोताङ कामगेलाइता नेलाइहेङ उधाहरन पिका हिघा, कि इम्बालाइ बुङ एसापा दोङ थाङका मेहेनत पातेङ कोमजोर द्‍याङगेलाइहेङ साघाइलि गोइखे। प्रभु येसुको बचन फोम पासु, “कि हेसा वा ताइमिहेङ दोअ्का हि, ह्रुलि खान्तेङ भरु पिलि दोङ धन्य हि।”

रोमि 16:12

प्रभुता परिस्रोम पाका बेबाल तरुफेना कालाउ तरोफोसहेङ सेउपाखा दोअ्पिसु। प्रभुता ओसारापाङ परिस्रोम पाका आनाउ बेजान ओने परसिसहेङ बुङ सेउपाखा दोअ्पिसु।

रोमि 16:6

मरियम जाइ नेलाइको माझाता ओसारापाङ मेहेनत पाहि, वासेहेङ बुङ सेउपासु।

1 कोरिन्थि 12:28

ख्रिस्टको इदोइ मन्डलिता परमेस्वर केलाइहेङ खाल-खाल्को कामको भाअ्सिङ नियुक्त पाका हि: एतेङ साल्न्हाका चात्यागेलाइ, न्हेतेङ परमेस्वरको बक्तागेलाइ, सुम्तेङ सिक्स्यकगेलाइ, कालाउ भारबुसाइका काम पाकालाइ, कालाउ एल्पाका बरदान निङकालाइ, कालाउ साघाइकागेलाइ, कालाउ आगुवागेलाइ, कालाउ परिपरिको भासा धुइकालाइहेङ ताअ्का हि।

1 कोरिन्थि 15:10

कालाउ का परमेस्वरको आनुग्रहहोइ छाल्न्हाका चात्या हिघा, कालाउ वाको आनुग्रह काङको जिबनता प्रभाबकारि हिघाहि। भरु का ते छाल्का चात्यागेलाइ खान्तेङ इस्तु परिस्रोम पाघा। कालाउ बुङ का माको, कालाउ परमेस्वरको आनुग्रहहोइ कासेहेङ साघाइहि।

1 कोरिन्थि 16:16

का नेलाइहेङ बिन्ति पाखा कि, इसिका परिस्रोम पाकालाइको कालाउ ह्रदयसोङ सेवा पाकालाइको आदार पासु।

1 कोरिन्थि 16:18

हाइपालिपानु इम्बालाइ नेलाइहेङ भाइपाङ कासेहेङ हाउसाइ पिहि। ओदोङ भाअ्सिङ नेलाइ इस्का द्‍याङगेलाइको इज्‍जत पालि गोइखे।

1 कोरिन्थि 3:9

हाइपालिपानु केलाइ झाराङ काम पाका परमेस्वरको खेतालागेलाइ हिन्हाहि, कालाउ नाअ् कोरिन्थ सहरको खान्धुराइगेलाइ चाहि परमेस्वरको मिलिङ भाइका हिसुन्हा, कालाउ का नेलाइको तुलाना इङको साअ् दोफा पालि द्वाङका जेदोङ साअ् परमेस्वर धाम्लि तोम्का हि।

2 कोरिन्थि 11:23

हाइ इम्बालाइ ख्रिस्टको सेवकगेलाइ दोङ हि? का बुङ झन आसल सेवक हिघा, का पागाला भाइपाङ नुइ धुइतेङ हिघा, का इम्बालाइ खान्तेङ हेन्जाङ परिस्रोम पाघा इम्बालाइ खान्तेङ कासेहेङ हेन्जाङखे झ्यालखानाता ताअ्हि, कासेहेङ गान्दिलि मादोपाङ द्वालिहोइ म्हेहि, एसापा काङको प्रान घुरि-घुरि सङकटता परिहि।

2 कोरिन्थि 5:9

ओदोङ भाअ्सिङ चाहे केलाइ वाको दोफा स्वर्गता ह्याइने, चाहे इदोइ प्रिथिबिता ह्याइने वासेहेङ लेङचापालि दोङ केलाइको लक्स्य हिखे।

2 कोरिन्थि 6:1

परमेस्वरहेङ साघाइका द्‍याङ हिनाङ केलाइ नेलाइहेङ सेउपानाखे, कि वाको आनुग्रह व्‍यर्थ जेङलि मापि।

गलाति 4:11

नेलाइको काम पाका तिङतेङ कासेहेङ इन्ता लागितेङ हि, कि का नेलाइको भाअ्सिङ पाका गोताङ परिस्रोम ब्यर्थ जेङहि।

फिलिप्पि 2:16

कालाउ नेलाइ इम्बालाइहेङ आनान्त जिबन पिका बचन हिङपासु, कालाउकि जेलाउ ख्रिस्ट आरोङ ल्वाङ का गर्ब पालि द्वाको, कि का बेर्थता परिस्रोम पाका मान्थुघा कालाउ काङको मेहेनत बेर्थता हानिका मान्थु।

फिलिप्पि 2:19

तिमोथिहेङ नेलाइकोता धेमाङ दिङगिल्लाङका दोअ्तेङ का प्रभु येसुता आस पाखा। कालाउकि नेलाइको बारेता हिङतेङ का हाउसाइ याङका।

कलस्सि 1:29

ओदोङ भाअ्सिङ का थाङका परिस्रोम पाखा, इङको चाहि ख्रिस्टको पिका का लिता पाका बार्का सरबुङ आन्सार का पाखा।

1 थेस्लोनिकि 2:9

हाइपालिपानु खान्धुराइ ओनेगेलाइ, नेलाइहेङ थाहा दोङ हि केलाइ नेलाइ दोफा हिलाउ केलाइ थाङका मेहेनत पातेङ ताका कामाइन्हाहि कालाउ परमेस्वरको सुसमाचार नेलाइता प्राचार पान्हाहि, कालाउकि केलाइ नेलाइ ह्रुता भार मापरियाको भरु ताइकोङ आवस्यकता पुरा पालि द्वाको।

1 थेस्लोनिकि 4:1

आखिरिता खान्धुराइ ओनेगेलाइ, प्रभु येसुता केलाइ नेलाइहेङ आनुरोध पानाखे कि परमेस्वरहेङ मन परिका जिबन जियाइसु, जेसाङ केलाइ नेलाइहेङ धिरपाका हिनाहि, कालाउ एन्सा बुङ पादोङ सुखेना कालाउ केलाइ आझाइ हाउसा पिनाखे कि इदोइ खान्तेङ आसल पासु।

1 थेस्लोनिकि 5:14

कालाउ खान्धुराइ ओनेगेलाइ, केलाइ नेलाइहेङ आर्ति पिनाखे, कि कुरियागेलाइहेङ चेताउनि पिसु, थिकालाइहेङ हाउसाइ पिसु, हुइका हिकालाइहेङ मद्दत पासु, कालाउ झाराङ दोफा धैर्य जेङतेङ तिङपासु।

1तिमोथि 5:1

ताइमि खान्तेङ बार्का उमेरको वाबालाइहेङ मानाइ, कालाउ वासेहेङ आबाहेङ भाइपाङ आदार पातेङ सम्झाइ। ताइमि खान्तेङ म्हुइकालाइ दोफा ताइको खान्धुराइ ओने भाइपा ब्यभाहार पाअ्‌।

1तिमोथि 5:20

जाइ मन्डलिको आगुवागेलाइ पाप पातेङ हिखे इम्बालाइहेङ खान्धुराइगेलाइको आगाता हाप्काइ, कालाउकि बो मन्डलिको आगुवागेलाइ बुङ थियाको।

2 तिमोथि 2:6

परिस्रोम पाका किसान दोङ लाङ द्‍याङ हि, जाइ बालिको लाङ भाग निङलि गोइखे।

तितस 1:3

कालाउ एला ठिक सोमोइता परमेस्वर दोङ कासेहेङ इदोइ सुसमाचार देखाल पिहि। कालाउ केलाइको मुक्ति दाता परमेस्वर कासेहेङ इदोइ सुसमाचार हिङपालि आग्या पिका हि।

तितस 1:5

ओदोङ भाअ्सिङ का नासेहेङ क्रेट टापुता लाअ्धिघा, कालाउकि इन्ता हिका केलाइको बाकि काम पुरा पाअ्‌, कालाउ का नासेहेङ आराइका बोमोजिम गोताङ क्रेट टापुता हिका सहरगेलाइता आगुवागेलाइ चुने।

तितस 2:15

तितस, का नासेहेङ धिरपाका काथा इन्ता क्रेट टापुता हिका खान्धुराइगेलाइहेङ धिरपा। कालाउ ताइको द्‍याङगेलाइहेङ हाउसाइपा कालाउ गोल्ति पानु इम्बालाइहेङ सच्याइपा नाअ् दोफा या पालि खाबारा हि। कालाउ हासु बुङ नासेहेङ हेला पालि माउका मापि।

हिब्रु 13:17

नेलाइको आगुवागेलाइको आग्या केम्सु कालाउ इम्बालाइको आधिनता हिसु, इम्बालाइको काम नेलाइको आत्मागेलाइहेङ रक्स्या पालि दोङ हि, कालाउ इम्बालाइ नेलाइको बारेता परमेस्वरहेङ लेखा पिलि गोयाङ, इदोइ काम इम्बालाइ आनान्दसो पाको, दुख मानितेङ माको, माकुनुते नेलाइहेङ हिदोइ बुङ फाइदा माजेनाङ।

हिब्रु 13:7

ताइको आगुवागेलाइको फोम ताअ्सु, जाइ परमेस्वरको बचन नेलाइहेङ हिङपाहि, हेसा इम्बालाइ ताइको जिबन जियाइहि कालाउ सिका थेकापाङ खाङधुरि योग्य हितेङ हि, एन्साङ दोङ केलाइ बुङ इम्बालाइ भाइपाङ परमेस्वरता खाङधुरि पाइने।

प्रकास 1:20

एला का काङको दाम्पाहा खुरता न्हि लोङ फुरुगेलाइको माने हाइ वाला कालाउ न्हि लोङ सोनाको चेरादानिगेलाइको माने हाइ हि दोअ्ताङका जेदोङ लाम्फा थाहा मान्थुघाहि। याको माने या हि: न्हि लोङ फुरुगेलाइ इङको स्वर्गदुतगेलाइहेङ तिम्पाखे जाइ न्हि लोङ मन्डलिगेलाइहेङ सामाराइखे कालाउ न्हि लोङ चेरादानिको न्हि लोङ मन्डलिगेलाइहेङ तिम्पाखे।”

प्रकास 2:12

येसु कासेहेङ एसा बुङ दोअ्हि, पर्गाममको सहरको मन्डलिको स्वर्गदुतहेङ या सन्‍देस लेखे: का वाआङ हिघा जाइ दोफा धार हिका न्हेधारे कात्ति हि, जेदोङ का नेलाइहेङ दोअ्खा वासेहेङ हिङसु।

प्रकास 2:18

येसु कासेहेङ एसा बुङ दोअ्हि, थिआटिरा सहरको मन्डलिको स्वर्गदुतहेङ या सन्‍देस लेखे: का परमेस्वरको चान, नेलाइहेङ इदोइ काथा दोअ्दोङखा, जाइको मिसियाँ मेको दालाङगा-दलाङगाअ्का भाइका हि, जाइको पाइताला चिल्का पातेङ ताअ्का कासको भाइका हि, जेदोङ का नेलाइहेङ दोअ्खा वासेहेङ हिङसु।

प्रकास 2:3

का गिखा, हाइपालिपानु नेलाइ का ह्रुता खाङधुरि पासुना नेलाइ धैर्य पातेङ सहिका हिसुना, कालाउ का ह्रुता नाङको भोरोसा बल्लियाका हि।

प्रकास 2:8

येसु कासेहेङ एसा बुङ दोअ्हि, स्मुरना सहरको मन्डलिको स्वर्गदुतहेङ या सन्‍देस लेखे: का वाआङ हिघा जाइ गोताङ आमेने सुरु पाहि, कालाउ का आवाङ हिघा जाइ गोताङ आमेने आन्त्य बुङ पाहि। का सिका हिघाखा, कालाउ एला सिन्हुका हिघा कालाउ जेलाउलाउको बुङ भाअ्सिङ सिन्हुतेङ ह्याङका। जेदोङ का नेलाइहेङ दोअ्खा वासेहेङ हिङसु।

प्रकास 3:1

येसु कासेहेङ एसा बुङ दोअ्हि, सार्दिस सहरको मन्डलिको स्वर्गदुतहेङ या सन्‍देस लेखे: का वाआङ हिघा, जाइ ताइको खुरता न्हि लोङ फुरुगेलाइ चाअ्तेङ ताअ्का हि। कालाउ जाइ परमेस्वरको न्हि लोङ आत्मागेलाइहेङ दिङगिल्पिहि। कासेहेङ नाङको काम थाहा हि कि, नेलाइ का दोफा खाङधुरि योग्य खान्धुराइगेलाइ भाइका तिङसुखेना। कालाउ बास्तबता नेलाइ एला कासेहेङ मापिताइस्वाना।

प्रकास 3:14

कालाउ येसु कासेहेङ एसा बुङ दोअ्हि, लाउडिकिया सहरको मन्डलिको स्वर्गदुतहेङ या सन्‍देस लेखे: का वाआङ हिघा, जाइहेङ आमेन दोअ्खे, हाइपालिपानु का भोरोसा यग्यो हिघा कालाउ का परमेस्वरको बारेता जेदोङ दोअ्घा गोताङ सत्ये हि। वा सिर्जाइहि गोताङ थोकको का स्रोत हिघा। जेदोङ का नेलाइहेङ दोअ्खा वासेहेङ हिङसु।

प्रकास 3:7

येसु कासेहेङ एसा बुङ दोअ्हि, फिलाडेलफिया सहरको मन्डलिको स्वर्गदुतहेङ या सन्‍देस लेखे: का वाआङ हिघा, जाइ पबित्तरो कालाउ सत्ये हि, जाइ दोफा राजा दाउदको ताल्चा हि, जेलाउ का इङको ताल्चाहोइ फिनु हेअ्खा, हासु बुङ इङकोहेङ गि:लि माद्वाङ, कालाउ जेलाउ का इङको ताल्चाहोइ फिनु गि:ताङका हासु बुङ इङकोहेङ हेअ्लि माद्वाङ। जेदोङ नेलाइहेङ दोअ्खा वासेहेङ हिङसु।