1 थेस्लोनिकि 5:10 - Dhimal NT

¹⁰ येसु ख्रिस्ट केलाइको भाअ्सिङ सिहि, कालाउकि केलाइ बान्चिलाउ बुङ माकुनु सिलाउ बुङ केलाइ वा दोफाङ जेलालाउको भाअ्सिङ बान्चिलि द्वाको, जेलाउ वा आरोङ ल्वाङ।

धिमाल

¹⁰ वा लोलाउ केलाइ सिलाउ बुङ, बान्‍चेलाउ बुङ वादोफाङ सिन्‍हुलि द्‍वाको दोअ्‌तेङ प्रभु इसु केलाइको बादालाता सिहि।

1 थेस्लोनिकि 5:10 Iomraidhean Croise

मत्‍ति 20:28

जेसाङ का द्‍याङको चान, बोगेलाइको सेवा पालि इदोइ सुमिङता लोघा। कालाउ का एसापा लोका माको कि बोगेलाइ दोङ काङको सेवा पाको। का हेन्जाङ झनाहेङ काङको पापसो लाअ्पालि दोअ्तेङ ताइको जिउ पिलि लोका हिघा।

युहन्‍ना 10:11

का आसल लाखुरिया दोङ हिघा। आसल लाखुरिया ताइको भेडाको भाअ्सिङ ताइको इच्छाहोइ सिपिखे।

युहन्‍ना 10:17

काङको आबा कासेहेङ मायारु पाखे, हाइपालिपानु का ताइको इच्छाहोइ सियाङका कालाउकि का आरोङ सिन्हुलि द्वाको।

युहन्‍ना 15:13

हिदोइ बुङ द्‍याङ ताइको सानाइतिगेलाइहेङ मायारु पाखा दोअ्तेङ तिङपालिको भाअ्सिङ ताइमि सिपिलि खान्तेङ बारका प्रेम आरु हाइ दोङ मान्थु।

रोमि 8:34

हासु बुङ केलाइहेङ दुसिलि माद्वावा, हाइपालिपानु येसु ख्रिस्ट दोङ केलाइको भाअ्सिङ सिपिहि कालाउ सिकासो सिन्चाल्हि। कालाउ एला वा परमेस्वर दोफा हि, कालाउ केलाइको भाअ्सिङ मध्येस्ता बुङ पाखे।

1 कोरिन्थि 15:3

हाइपालिपानु जेदोङ महत्वय पुर्न सन्‍देस का परमेस्वरसो निङघा, इङको मुख्य सन्‍देस का नेलाइहेङ दोअ्घा। इङको सन्‍देस चाहि धर्मसास्तर दोनाङ भाइपा ख्रिस्ट केलाइको पापको भाअ्सिङ सिपिहि।

2 कोरिन्थि 5:15

ख्रिस्ट झाराङको भाअ्सिङ सिहि, कालाउकि बान्चिका द्‍याङगेलाइ एला उसो ताइमिहेङ खुसि पालिको भाअ्सिङ बान्चिलि माको। भरु इम्बालाइ वाको भाअ्सिङ बान्चिलि गोइखे। वा इम्बालाइको भाअ्सिङ सिहि, कालाउ आरोङ परमेस्वर वासेहेङ सिन्हु पातेङ ल्होपाहि।

2 कोरिन्थि 5:21

ख्रिस्टता पाप दोङ मान्थुघाहि, कालाउ परमेस्वर वासेहेङ पापि भाइपा ब्यभार पाहि, कालाउ बुङ केलाइ वाको नजरता धर्मि जेङलि द्वाको दोअ्तेङ ख्रिस्ट दोङ केलाइको पापको भाअ्सिङ दन्ड ह्रुपिहि।

एफिसि 5:2

बोगेलाइको भाअ्सिङ प्रेममय जिबन बितिपासु, जेसाङ ख्रिस्ट बुङ केलाइहेङ प्रेम पाहि, कालाउ वा केलाइको पापको भाअ्सिङ ताइमिहेङ भोगको रुपता चढाइका हि। कालाउ परमेस्वर खुसि जेङहि, हाइपालिपानु बलिदान वाको भाअ्सिङ ताअ्का मालामालाका बासाना भाइका हिघाहि।

1 थेस्लोनिकि 4:13

ओइ खान्धुराइ ओनेगेलाइ, केलाइ चाहिनाखे कि नेलाइ गिसु, कि इङको खान्धुराइ जाइ सिलि दोका हि इम्बालाइ दोफा हाइ जेनाङ वाला। नेलाइ आस मान्थुका द्‍याङगेलाइ भाइका सोक मापासु। हाइपालिपानु इम्बालाइ दोफा सितेङ आरोङ सिन्चालाङ दोअ्का हिदोइ बुङ आस मान्थु।

1 थेस्लोनिकि 4:15

हाइपालिपानु केलाइ प्रभु येसु ख्रिस्टको बचनसो नेलाइहेङ दोअ्नाखे, कि केलाइ जाइ बान्चिका हिनाहि, येसु ख्रिस्ट आरोङ मालोपा धाउ बान्चिकालाइ वासेहेङ मादुसुताङ, हाइपालिपानु सिका खान्धुराइगेलाइ वासेहेङ लाम्फा भेतियावा।

1 थेस्लोनिकि 4:17

कालाउ न्हुसो थेकापा केलाइ बान्चितेङ हिकालाइहेङ जोम्पावा, कालाउ केलाइ प्रभु येसुहेङ आकासता भेतियाङ कालाउ एसापा केलाइ इङको सोमोइसोङ जेलाउ बुङ प्रभु दोफा ह्याङ।

1 थेस्लोनिकि 5:6

ओदोङ भाअ्सिङ केलाइ आरु द्‍याङगेलाइ भाइपा माजिमाइने, जाइहेङ प्रभु लोका दिनाको बारेता थाहा मान्थु, भरु जागितेङ ह्याइने कालाउ चङख ह्याइने कालाउ आत्मा काबुता हिलि गोइखे।

1तिमोथि 2:6

ख्रिस्ट गोताङ द्‍याङगेलाहेङ पाप कालाउ सिकाको सरबुङसो लाअ्पालि मोल तिरितेङ ताइमिहेङ बलिदान पिहि। कालाउ वाको सिकासो परमेस्वर झाराङ द्‍याङ बान्च्याको दोअ्तेङ ठिक सोमोइता प्रमान पिहि।

2 तिमोथि 2:11

इदोइ भनाइ सत्ये हि, कालाउ यासेहेङ खाङधुरि पालि द्वाङ, जेसापा केलाइ ख्रिस्ट दोफा सिकानु, केलाइ बुङ वाको दोफाङ बान्चियाङ।

तितस 2:14

केलाइहेङ पापको सरबुङसो बान्चिपालि कालाउ पबित्तरो बानाइलि येसु ख्रिस्ट ताइमिहेङ बलिदान पिहि, कालाउकि केलाइ वाकोङ द्‍याङ जेङलि द्वाको। कालाउ आसल कामगेलाइ पालि द्वाको।

1पतरुस 2:24

जेलाउ ख्रिस्ट सिहि, वा क्रुस्टता केलाइको पापको भाअ्सिङ ताइको जिउता दन्ड भोगिहि। वा इसिका पाहि कालाउकि केलाइ पाप पालि लाअ्तेङ धर्मि जेङजेङ जिबन जियाइलि तेङलि द्वाइने। कालाउ वा सहिका चोटगेलाइ पाहासो केलाइ एल्का हिनाहि।

1पतरुस 3:18

का एसा दोअ्खा हाइपालिपानु केलाइको पापको कारन ख्रिस्ट बुङ कस्ट भोगिहि। कालाउ सिहि। वा एखे खिनिङ सिहि कालाउ यासेहेङ आरोङ घुरितेङ सिलि मागोइयाङ। वा एमि धर्मि द्‍याङ हिघाहि, जाइ पापि द्‍याङगेलाइको भाअ्सिङ सिहि कालाउकि वा केलाइहेङ परमेस्वरको भेरपा चुमालि दोका हि। इम्बालाइ वाको जिउ ते सेअ्हि कालाउ वाको आत्मा सिन्हुका हि।