1 थेस्लोनिकि 4:9 - Dhimal NT

⁹ कालाउ खान्धुराइ ओनेगेलाइता प्रेमको बिसोइता नेलाइहेङ केलाइ हिदोइ बुङ काथा लेखेलि आवस्यक मान्थु, हाइपालिपानु एमिसो-भेनेङहेङ प्रेम पासु दोअ्का काथा नेलाइ ताइमिङ परमेस्वरसो धिरका हिसुना।

धिमाल

⁹ एला खान्‍धुरिगेलाइ ताताइमिता माया पाका बारेता हासुङ नेलाइहेङ हाइदोङ लेखेलि मागोयाङ। हाइपानु एमि भेनेङहेङ दाया पालि दोअ्‌का नेलाइ ताइमिङ बुङ परमेस्‍वरसो बिद्‍या निङका हिसुन्‍हा।

1 थेस्लोनिकि 4:9 Iomraidhean Croise

मत्‍ति 22:39

न्हेतेङ आग्या चाहि लाम्फाको भाइका हि, ताइको देरागेलाइहेङ ताइमिङ भाइपाङ प्रेम पासु।

युहन्‍ना 14:26

कालाउ साल्लाहाकार पबित्तरो आत्मा, जाइहेङ काङको आबा काङको थामेता दिङगिल्प्यावा, कालाउ वा नेलाइहेङ गोताङ काथा धिरपावा, कालाउ का नेलाइहेङ दोअ्का गोताङ काथा फोम पापावा।

साल्न्हाका चात्या 4:32

खाङधुरि पाकालाइको समुह झाराङ एनोङ दोङ ह्रदय कालाउ एनोङ दोङ आत्माता हिका हिघाहि, कालाउ इम्बालाइ मध्येसो एमि बुङ ताइको धन-सम्पतिको हिदोइ बुङ आमेने इदोइ काङको केलाइको दोअ्तेङ माअ्दोघाखे। कालाउ इम्बालाइको गोताङ आमेने साझा हिघाहि।

रोमि 12:10

ताइको जाहान भाइपाङ एमिसो-भेनेङहेङ मायारु पासु। कालाउ नाअ् ताइमिहेङ खान्तेङ हेन्जा बो गेलाइहेङ आदार पाअ्‌।

2 कोरिन्थि 9:1

यरुसेलेम सहरको खान्धुराइगेलाइको भाअ्सिङ ताकाको बिसोइता नेलाइहेङ लेखेतेङ हिलि कासेहेङ आवस्यक मान्थु।

फिलिप्पि 3:15

केलाइ जाइ आत्माता परिपक्का जेङका हिनाहि, कालाउ नेलाइ झाराङ बुङ एनोङ दोङ मनको जेङतेङ हिसु, कालाउ नेलाइ हिदोइ बुङ आरु बिचारता हिसुना पानु परमेस्वर नेलाइहेङ इङको बुङ झालाफालापा पाप्याङ।

1 थेस्लोनिकि 5:1

कालाउ ओइ खान्धुराइ ओनेगेलाइ, प्रभु येसु ख्रिस्ट आरोङ हेलाउ ल्वाङ इङको काथागेलाइ नेलाइहेङ लेखेलि आवस्यकता मान्थु।

हिब्रु 10:16

“इङको दिना न्हुसो इम्बालाइ दोफा धेउका काङको कारार इदोङ हि, परमप्रभु दोअ्खे, नेलाइको हृदयता का काङको व्यवस्था ताअ् प्याङका, कालाउ नेलाइको मनता बुङ का इङको लेखे प्याङका।”

हिब्रु 13:1

नेलाइ ख्रिस्टता खान्धुराइ दादा कालाउ बाइ ओनेगेलाइ भाइपा एमिसो-भेनेङहेङ मायारु पातेङ हिसु।

1पतरुस 3:8

आन्ताता, का नेलाइहेङ या दोअ्लि चाहिखा, कि ए जेङतेङ हिसु, एमिसो भेनेङहेङ सामाराइसु, एनोङ दोङ जाहानको सदस्यगेलाइ भाइपाङ झाराङ एमिसो भेनेङहेङ प्रेम पासु। एमिसो-भेनेङ दोफा दायाका जेङसु, कालाउ एमिसो भेनेङ दोफा मोनोइ जेङसु।

1पतरुस 4:8

झाराङ खान्तेङ मुलि काथा, एमिसो भेनेङहेङ लिताङसो प्रेम पासु। हाइपालिपानु जेसापा नेलाइ द्‍याङगेलाइहेङ प्रेम पासुन्हा, नेलाइ जेलाउ बुङ इम्बालाइको हिदोइ बुङ पाप पाका काम स्यामा पालि तियार जेङस्वाना।

२ पत्‍रुस 1:7

नेलाइ परमेस्वरहेङ लेङचापाका जिबन जियाइलि खिनिङ माको, कालाउ ताइकोङ जाहानको सदस्य जेसाङ नेलाइ एमिसो-भेनेङ दोफा प्रेम पालि गोइखे। कालाउ झाराङ द्‍याङगेलाइहेङ बुङ प्रेम पालि गोइखे।

१ युहन्‍ना 2:10

जाइ ताइको खान्धुराइ ओनेगेलाइहेङ प्रेम पाखे, वा फाइसालामकाता आसल जिबन जियाइका हिखे, कालाउ ओदोङ भाअ्सिङ वाकोता इसिका हिदोइ बुङ काथा मान्थुखे जाइ आरु द्‍याङको भाअ्सिङ पापको कारन ज्याको।

१ युहन्‍ना 3:11

नेलाइ लाम्फासोङ हिङका सन्‍देस इदोइ दोङ, कि केलाइ एमिसो-भेनेङहेङ प्रेम पालि गोइखे।

१ युहन्‍ना 3:23

कालाउ परमेस्वरको आग्या इदोइ दोङ हि, कि केलाइ वाको चान येसु ख्रिस्टता खाङधुरि पालि गोइखे, कालाउ वा केलाइहेङ आग्या पिका बमोजिम केलाइ एमिसो-भेनेङहेङ प्रेम पालि गोइखे।

१ युहन्‍ना 4:21

केलाइ वाकोसो इदोइ आग्या निङका हिनाहि, कि जाइ परमेस्वरहेङ प्रेम पाखे वा ताइको खान्धुराइ ओनेहेङ बुङ प्रेम पालि गोइखे।