1 थेस्लोनिकि 4:8 - Dhimal NT

⁸ ओदोङ भाअ्सिङ जाइ इदोइ सिक्स्याहेङ माकिखे वा द्‍याङहेङ माको कालाउ परमेस्वरहेङ मामानिखे, जेदोङ परमेस्वर नेलाइहेङ ताइको पबित्तरो आत्मा प्यावा।

धिमाल

⁸ इदोइभाअ्‌सिङ जाइ इदोइ काथाको आनादर पाखे इङको द्‍याङको माको, कालाउ परमेस्‍वरको आनादर पाखे, जेदोङ परमेस्‍वर नेलाइहेङ ताइको पुनित हाङसा पिखे।

1 थेस्लोनिकि 4:8 Iomraidhean Croise

लुका 10:16

जाइ नेलाइको काथा हिङखे, वा काङको काथा हिङखे, जाइ नेलाइहेङ मन्दा माताखे कालाउ उङको कासेहेङ बुङ मन्दा माताखे। जाइ कासेहेङ मामानिखे वा कासेहेङ दिङगिल्काहेङ बुङ मामानिखे।

युहन्‍ना 12:48

जाइ कासेहेङ इन्कार पावा कालाउ काङको बचनको आग्या माकेम्नु वाको भाअ्सिङ एमि न्याय पाका हि। जेदोङ बचन का दोअ्घा इङको बचनहोइ आन्तको दिनाता वासेहेङ न्याय पावा।

साल्न्हाका चात्या 13:41

“ओइ मन्दा माताकालाइ, खाङसु कालाउ भारबुसाइसु, कालाउ नासातेङ हानेसु, हाइपालिपानु नेलाइको सोमोइता का एनोङ काम पाङका, इसिका काम जाइको बारेता हासु बुङ, नेलाइहेङ दोअ्लाउ बुङ, नेलाइ हेलाउ बुङ खाङधुरि मापास्वाना।”

रोमि 5:5

आसहोइ केलाइहेङ हेलाउ बुङ निरास मापा पाखे, हाइपालिपानु परमेस्वर केलाइहेङ पिका पबित्तरो आत्मासो परमेस्वरको प्रेम केलाइको ह्रदयता भरिका हि।

1 कोरिन्थि 2:10

हाइपालिपानु हिदोइ बुङ काथा पबित्तरो आत्मासो म्होन्हाका मान्थु, वा दोङ गोताङ काथा भोखे इता थेकापा परमेस्वरको उदेस्यगेलाइ जेदोङ द्‍याङगेलाइहेङ एला थेकापा बुङ थाहा मान्थु।

1 कोरिन्थि 7:40

कालाउ वा आरोङ बिहु मापासिङ हिहे पानु झन खुसि जेनावा। इदोइ काङको बिचार हि, कालाउ का सोचिखा कि परमेस्वरको आत्माहोइ कासेहेङ थोङखे।

2 कोरिन्थि 1:22

कालाउ वा केलाइ ह्रुता ताइको लाहासाप लागाइका हि, कालाउ केलाइको ह्रदयता लाङ बाइनाको रुपता पबित्तरो आत्मा पिका हि।

गलाति 4:6

हाइपालिपानु केलाइ वाको सान्तान हिनाहि, परमेस्वर ताइको चानको आत्मा केलाइको ह्रदयता दिङगिल्पिहि, जाइ “हे आबा” दोअ्तेङ दोअ्खे।

1पतरुस 1:12

कालाउ परमेस्वर इङको बक्तागेलाइहेङ दोअ्हि कि इम्बालाइको सन्देसगेलाइ ताइको भाअ्सिङ माको भरु नेलाइको भाअ्सिङ दोङ हि। इङको सन्‍देस येसु ख्रिस्टको बारेता सुसमाचार दोङ जेदोङ नेलाइ एला हिङका हिसुना। परमेस्वर स्वर्गसो ताइको पबित्तरो आत्मा पाहासो द्‍याङगेलाइहेङ नेलाइको भाअ्सिङ सुसमाचार प्राचार पालि साघाइलि दिङगिल्हि। या गोताङ इदोइ झोको आचाम्माको हि कि स्वर्गदुतगेलाइ बुङ उत्सुकता दोफाङ इङको काथागेलाइ जेङका खाङतेङ हि।

२ पत्‍रुस 1:21

हाइपालिपानु बक्तागेलाइ ताइमिङ हेलाउ बुङ हाइ दोङ माधुइहि, हाइपालिपानु आरु हासु बुङ नेलाइको नुइ धुइका चाहिघाखे। भरु पबित्तरो आत्मा नेलाइको बिचारहेङ काबुता ताअ्हि कालाउ इम्बालाइहेङ वा गोइका परमेस्वरको बचन धुइका बानाइहि।

१ युहन्‍ना 3:24

परमेस्वरको आग्या केम्कालाइ झाराङ वाको दोफा ए जेङतेङ हिखे, कालाउ वा इम्बालाइ दोफा ए जेङतेङ हिखे, वा केलाइहेङ पिका पबित्तरो आत्मासो केलाइ गिनाखे, कि वा केलाइ दोफा ए जेङतेङ हिखे।

यहुदा 1:8

इङको उधारनगेलाइ थाहा गितेङ बुङ परमेस्वरको आग्या माकिका द्‍याङगेलाइ दर्सन तिङका हि दोअ्तेङ इम्बालाइ इन्सिकाङ पाप पाखे। ओबालाइ ताइको जिउहेङ आसुद्द बानाइखे, प्रभुको खाबाराहेङ इन्कार पाखे कालाउ स्वर्गता हिका महिमित प्रानिगेलाइको निन्दा पाखे।