1 थेस्लोनिकि 4:5 - Dhimal NT

⁵ कालाउ परमेस्वरहेङ मानाल्का द्‍याङगेलाइ भाइपा नेलाइ ताइको जिउको मारेम्का इच्छा आन्सार काम मापासु।

धिमाल

⁵ परमेस्‍वरहेङ मानाल्‍का द्‌याङगेलाइ पाका भाइपाङ नेलाइ बुङ दुराचार पाका कामता लाल्‍सा ताअ्‌तेङ माहिसु।

1 थेस्लोनिकि 4:5 Iomraidhean Croise

मत्‍ति 6:32

सुमिङको झाराङ द्‍याङगेलाइ इदोइ आमेनेगेलाइको लेसारा पिताइखे, कालाउ नेलाइको स्वर्गको आबा परमेस्वर गिखे, कि नेलाइहेङ इदोइ गोताङ गोइखे।

लुका 12:30

सुमिङको झाराङ द्‍याङगेलाइ इदोइ आमेनेगेलाइको लेसारा पिताइखे, कालाउ नेलाइको आबा परमेस्वर गिखे, कि नेलाइहेङ इदोइ गोताङ गोइखे।

साल्न्हाका चात्या 17:23

हाइपालिपानु का नेलाइको सहरता घुराइगिल्तेङ हानिलाउ नेलाइको पुजिका आमेनेगेलाइ बुङ तिङघा, का इन्ता एनोङ बेदि बुङ तिङघा जेता लेखेका हिघाहि, “आग्यात दिरगेलाइको भाअ्सिङ” ओदोङ भाअसिङ जाइहेङ नेलाइ मानाल्सिङ आराधाना पासुखेना, का वाकोङ बारेता दोअ्तेङ हिघा।

रोमि 1:24

ओदोङ भाअ्सिङ परमेस्वर इम्बालाइहेङ इम्बालाइकोङ मारेम्का बिचारता लाअ्पिहि, कालाउकि इम्बालाइ ता-ताइमिता ताइको जिउहोइ मारेम्का कामगेलाइ पातेङ ताइको जिउको आनादार पाको।

रोमि 1:26

ओदोङ भाअ्सिङ परमेस्वर इम्बालाइहेङ इम्बालाइकोङ सिकाका कामबासाना पालि लाअ्पिहि। बेबालाइ ताइको के दोफा जिम्लि लाअ्तेङ बेबाल दोफाङ दोङ जिम्लि तेङहि।

रोमि 1:28

कालाउ एसापा इम्बालाइ परमेस्वरको ग्यानहेङ आसुइकार पाहि, ओदोङ भाअ्सिङ परमेस्वर इम्बालाइहेङ मारेम्का पाको दोअ्तेङ इम्बालाइकोङ कुबिचारता लाअ्पिहि।

1 कोरिन्थि 1:21

हाइपालिपानु परमेस्वर ताइको बुद्दि पाहासो थाहा गिहि, कि सुमिङको द्‍याङगेलाइ ताइको बुद्दिहोइ परमेस्वरहेङ नाल्लि मादोखे, ओदोङ भाअ्सिङ परमेस्वर केलाइको सुसमाचारको प्राचार खान्धुराइगेलाइहेङ बान्चिपालिको भाअ्सिङ प्रयोग पाहि, कालाउ आधिमिहेङ इदोइ आनाइ भाइका लागिखे।

1 कोरिन्थि 15:34

जेदोङ काथा रेम्का हि इङकोता ध्यान पिसु कालाउ एला उसो पाप मापासु, हाइपालिपानु नेलाइ मध्ये हेथेहेङ ते परमेस्वरहेङ रेम्फासो मानाल्खे। नेलाइहेङ लेदेरपालिको भाअ्सिङ का या दोअ्का हिघा।

गलाति 4:8

लाम्फा जेलाउ नेलाइ परमेस्वरहेङ नाल्का मान्थु घासुखेना, कालाउ नेलाइ इङको इस्वरको बान्धाइति हिघासुखेना, जाइ बास्ताबता सत्ये परमेस्वर दोङ माको।

एफिसि 2:12

नेलाइ परमेस्वर दोङ यहुदि द्‍याङगेलाइहेङ प्रतिग्या पाका काथाता बुङ सहभागि माजेङसुन्हा। फोम ताअ्सु, हानिका दिनागेलाइता नेलाइ ख्रिस्टहेङ नाल्का मान्थु घासुखेना, कालाउ नेलाइ परमेस्वरको चुनिका इस्राएलको द्‍याङगेलाइको रुपता मान्थु घासुखेना। कालाउ परमेस्वर प्रतिग्या पाका बाचाता नेलाइको हिदोइ बुङ थामे मान्थुघाखे। कालाउ नेलाइ इदोइ सुमिङता आस माकोसिङको कालाउ परमेस्वर बिनाको हिघासुखेना।

कलस्सि 3:5

ओदोङ भाअ्सिङ नेलाइ ताइको पुर्ना पापमय स्वभाबहेङ लाअ्सु जिसिकाङ: इदोइ गोताङ खाल्को कासिबिरि, आसुद्दता, कामुकता, आखेका इच्छा, दिलि, जेदोङ मुर्ति पुजा भाइका दोङ हि।

2 थेस्लोनिकि 1:8

परमेस्वरहेङ इन्कार पाकालाइहेङ कालाउ केलाइको प्रभु येसुको सुसमाचार माकिकालाइहेङ वा दोङ दन्ड प्यावा।

1पतरुस 4:3

लाम्फा नेलाइ खाङधुरि मापाकालाइहेङ मन परिका काम पातेङ हेन्जाङ सोमोइ बार्बाद पासुन्हा। नेलाइको जिबन आनैतिक्ता, लान्सा, भोज, मधपान, मजमज्जा, कालाउ मुर्ति पुजाता बितिहि, जाइहेङ परमेस्वर मन्दा माताखे।