1 थेस्लोनिकि 4:4 - Dhimal NT

⁴ कालाउ नेलाइ ताइको जिउहेङ काबुता ताअ्लि धिरलि गोइखे, कालाउ पबित्तरो कालाउ आदारनिय जिबन जियाइलि गोइखे।

धिमाल

⁴ पुनितता रो मानभाउदोसा ताइको जिउहेङ हेसापा बसता ताअ्‌लि द्‌वाङ इङको नेलाइ झाराङ गेसु।

1 थेस्लोनिकि 4:4 Iomraidhean Croise

साल्न्हाका चात्या 9:15

कालाउ प्रभु हननियाहेङ दोअ्हि, “हाने, हाइपालिपानु का दोङ साउलहेङ कासेहेङ सेवा पालि कालाउ काङको बिसोइता गैर-यहुदिगेलाइहेङ, राजागेलाइहेङ कालाउ इस्राएललिगेलाइको माझाता प्राचार पालिको भाअ्सिङ वासेहेङ साल्का हिघा।

रोमि 1:24

ओदोङ भाअ्सिङ परमेस्वर इम्बालाइहेङ इम्बालाइकोङ मारेम्का बिचारता लाअ्पिहि, कालाउकि इम्बालाइ ता-ताइमिता ताइको जिउहोइ मारेम्का कामगेलाइ पातेङ ताइको जिउको आनादार पाको।

रोमि 12:1

ओदोङ भाअ्सिङ खान्धुराइ ओनेगेलाइ, परमेस्वरको माहान दायाको कारन का नेलाइहेङ आनुरोध पाखा, कि ता-ताइको जिउहेङ पबित्तरो कालाउ परमेस्वरहेङ ग्रहन योग्य जेङलि ताइको जिबनहेङ सिन्हु पाङ भोगको रुपता आर्पन पाअ्सु। नेलाइ पालि गोइका सत्ये आराधाना इदोइ दोङ हि।

रोमि 6:19

का केलाइको दिनाङको जिबनसो नेलाइहेङ रेम्फासो बुझिपालि दोअ्तेङ उधाहरन पितेङ दोअ्दोङखा, हाइपालिपानु जेसाङ नेलाइ एखेप ताइको जिउको आङगगेलाइहेङ आसुद्द कालाउ मारेम्का काम पालिको भाअ्सिङ सुम्पिसुन्हा, एला एन्साङ दोङ ताइको जिउको आङगगेलाइहेङ पबित्तरो कालाउ धार्मिक जिबन जियाइलिको भाअ्सिङ सुम्पिसु।

1 कोरिन्थि 6:15

नेलाइको जिउ ख्रिस्टको जिउको आङगगेलाइ दोङ हि दोअ्का काथा नेलाइहेङ थाहा दोङ हि। एन्सा पानु हाइ का ख्रिस्टको आङगगेलाइ चुम्पुतेङ कासिबिरिको आसुद्द आङग बानाइलि? मिधुलाउ बुङ माको।

1 कोरिन्थि 7:2

कालाउ कासिबिरिता मापरियाको दोअ्तेङ झाराङ वाजान बिहु पाको कालाउ ताइको बे दोफा खाङधुरि योग्य ह्याको, कालाउ गोताङ बेजान बिहु पाको कालाउ ताइको के दोफा खाङधुरि योग्य ह्याको।

1 कोरिन्थि 7:9

कालाउ ओबालाइ ताइमिहेङ काबुता ताअ्लि मादोहे पानु बिहु पाको। हाइपालिपानु मारेम्का जिउको इच्छाता सितपिताइलि खान्तेङ भरु बिहु पालि रेम्का हि।

2 कोरिन्थि 4:7

कालाउ एला केलाइको हृदयता केलाइ दोफा जेङका इङको फाइसालामका चिल्कातेङ हि, कालाउ केलाइ चाहि इङको भोनोइको हान्डिता हिका मेनाङ जाङका धन भाइका हिनाहि, इसिका तिङपाखे कि या चाहि परमेस्वरको सरबुङसो हि, केलाइसो माको।

फिलिप्पि 4:8

आम्तिमता खान्धुराइ ओनेगेलाइ, जेदोङ काथा सत्ये हि, जेदोङ काथा आदारनिय हि, जेदोङ काथा ठिक हि, जेदोङ काथा सुद्द हि, जेदोङ काथा झालाफालापा हि, जेदोङ काथा क्रिपामय हि, जेसापा हाइ दोङ स्रेस्थता, कालाउ बाखिन योग्य हाइ दोङ हि पानु इदोइ दोङ काथागेलाइता मन लागाइसु।

हिब्रु 13:4

झाराङको माझाता बिहु चाहि आदारनिय ह्याको, कालाउ एमिसो-भेनेङ दोफा जेलाउ बुङ खाङधुरि योग्य जेङतेङ हिसु, हाइपालिपानु दुराचारि कालाउ कासिबिरिगेलाइको न्याय परमेस्वर पावा।

1पतरुस 3:7

एसापा दोङ नाअ् के गेलाइ ताइको बे गेलाइदोफा बिचारसिल जेङतेङ ब्यभार पासु। कालाउ नेलाइ इदोइ फोम ताअ्लि गोइखे कि इम्बालाइ नेलाइ खान्तेङ हुइका हि, ओदोङ भाअ्सिङ नेलाइ इम्बालाइको साम्मान पालि गोइखे। हाइपालिपानु नेलाइ न्हेमि दोङ परमेस्वरको आनुग्रह दोफाङ पिका बरदानता साझे होकदार हिसुना, जेदोङ आनान्त जिबन दोङ। एसा पासु कालाउकि जेलाउ नेलाइ वासेहेङ प्रार्थाना पास्वाना परमेस्वर हिङ प्याको।