1 थेस्लोनिकि 4:17 - Dhimal NT

¹⁷ कालाउ न्हुसो थेकापा केलाइ बान्चितेङ हिकालाइहेङ जोम्पावा, कालाउ केलाइ प्रभु येसुहेङ आकासता भेतियाङ कालाउ एसापा केलाइ इङको सोमोइसोङ जेलाउ बुङ प्रभु दोफा ह्याङ।

धिमाल

¹⁷ कालाउ केलाइ सिन्‍हुतेङहिका रो लाअ्‌धिन्‍हाकालाइ प्रभुहेङ आदेलता दुसुलि एम्‍बालाइ दोफादोफाङ बादेलता तोल्‍हेन्‍हातेङ चुम्‍पुन्‍हास्‍वाना रो एसापा केलाइ दिनाङ प्रभुदोफाङ ह्‍याङ।

1 थेस्लोनिकि 4:17 Iomraidhean Croise

मत्‍ति 26:64

येसु दोअ्हि, एइ का दोङ कालाउ का दोअ्खा न्हुसो भबिस्यता नेलाइ का द्‍याङको चानहेङ परमेस्वरको दाम्पाहा भारि योम्तेङ हिका स्वर्ग कालाउ आकासता सरबुङसाइपा लोकाताङ पाका तिङस्वाना।

मर्कुस 14:62

येसु दोअ्हि, “एइ का दोङ कालाउ नेलाइ का द्‍याङको चानहेङ सरबुङसाइका परमेस्वरको दाम्पाहा सिङहासनता योम्तेङ हिका नेलाइ स्वर्गता तिङस्वाना। कालाउ आकास ह्रुता सरबुङता लोकाताङ पाका बुङ तिङस्वाना।”

युहन्‍ना 12:26

हासु बुङ काङको सेवा पाखे पानु, का दोफा लोसु कालाउ काङको चात्या जेङसु। कालाउ का जेता ह्याङका, इन्ताङ काङको सेवक ह्यावा। हासु बुङ काङको सेवा पाहे पानु काङको आबा वाको आदार पावा।

युहन्‍ना 14:3

का हानितेङ नेलाइको भाअ्सिङ थामे तियार पालि दोतेङ का आरोङ घुरितेङ ल्वाङका, कालाउ का दोफा हिलि चुम्पाङका, कालाउ का जेता ह्याङका इन्ताङ नेलाइ बुङ हिस्वाना।

युहन्‍ना 17:24

हे आबा का मन पाखा कि नाअ् कासेहेङ पिका द्‍याङगेलाइ का जेता हिघा काङको दोफा ह्याको, कालाउ नाङको पिका महिमा इम्बालाइ तिङलि द्वाको। जेदोङ महिमा नाअ् दोङ सुमिङ सिर्जाइनालि खान्तेङ लाम्फा कासेहेङ प्रेम पाकानाङ नाअ् कासेहेङ पिका हिघाखेना।

साल्न्हाका चात्या 1:9

येसु या काथागेलाइ दोअ्लि दोतेङ, इम्बालाइ खाङका खाङकाताङ परमेस्वर येसुहेङ स्वर्गता तोल्लेहि, कालाउ बादेलको कारनहोइ इम्बालाइ आरोङ हेलाउ बुङ येसुहेङ तिङलि मादोहि।

साल्न्हाका चात्या 8:39

जेलाउ ओबालाइ पोखोरिसो बाहार ओल्लेतेङ लोहि, कालाउ प्रभुको आत्मा फिलिपहेङ चुम्पुहि, कालाउ उङको नपुङसक वासेहेङ आरोङ हेलाउ बुङ मातिङहि, कालाउ वा मेनाङ लेङचाकाताङ परमेस्वर कासेहेङ बान्चिपाहि दोअ्तेङ ताइको सारभिता घुरितेङ हानिहि।

1 कोरिन्थि 15:52

इसिका आचानाक जेनाङ, जेसाङ हासु बुङ ताइको मिसियाँ झिमिक पाखे। जेलाउ आखिरि सानाइ धुइयावा। सिकालाइ जेलाउलाउ बुङ बान्चिलिको भाअ्सिङ सिन्चालावा, कालाउ केलाइ सिन्चाल्कालाइको जिउ बुङ भाङघाइन्हाङ।

2 कोरिन्थि 5:8

केलाइता पुर्न भोरोसा हि, कालाउ केलाइ सिकासो इदोइ जिउसो खेङन्हालि भोनाखे कालाउ प्रभु दोफा स्वर्गको साअ्ता हिलि चाहिनाखे।

फिलिप्पि 1:23

का मागियाङका इङको न्हेनोङ मध्ये हिदोइ चाहि साल्लि गोइका हि। भरु सितेङ ख्रिस्ट दोफा हिलि इच्छा हि, हाइपालिपानु या हेन्जाङ दोङ रेम्का हि।

1 थेस्लोनिकि 3:13

केलाइ प्रार्थाना पानाखे कि प्रभु येसु नेलाइको ह्रदयहेङ इस्थिर बानाइयाको, कालाउकि जेलाउ येसु आरोङ गोताङ परमेस्वरको जनगेलाइ दोफा लोलाउ नेलाइ केलाइको आबा परमेस्वरको आगाता पबित्तरो कालाउ दाग मालागिका जेङलि दोसु।

1 थेस्लोनिकि 4:15

हाइपालिपानु केलाइ प्रभु येसु ख्रिस्टको बचनसो नेलाइहेङ दोअ्नाखे, कि केलाइ जाइ बान्चिका हिनाहि, येसु ख्रिस्ट आरोङ मालोपा धाउ बान्चिकालाइ वासेहेङ मादुसुताङ, हाइपालिपानु सिका खान्धुराइगेलाइ वासेहेङ लाम्फा भेतियावा।

1 थेस्लोनिकि 4:18

ओदोङ भाअ्सिङ एमिसो-भेनेङहेङ इसिका बचनगेलाइहोइ हाउसाइ पासु।

1 थेस्लोनिकि 5:10

येसु ख्रिस्ट केलाइको भाअ्सिङ सिहि, कालाउकि केलाइ बान्चिलाउ बुङ माकुनु सिलाउ बुङ केलाइ वा दोफाङ जेलालाउको भाअ्सिङ बान्चिलि द्वाको, जेलाउ वा आरोङ ल्वाङ।

२ पत्‍रुस 3:13

कालाउ केलाइ परमेस्वरको प्रतिग्या पाका आन्सार वा नावा आकास कालाउ नावा प्रिथिबि बानाइका आस पानाखे। इन्ता धर्मि द्‍याङगेलाइ खिनिङ ह्याङ।

प्रकास 1:7

हिङसु, वा बादेलगेलाइ दोफा लोदोङखे, कालाउ झाराङ वासेहेङ तिनावा। ओबालाइ बुङ जाइ वासेहेङ भालाहोइ बाहि कालाउ वासेहेङ सेअ्हि। कालाउ प्रिथिबिता हिका गोताङ द्‍याङगेलाइ जेलाउ वासेहेङ तिनावा, इम्बालाइ जिउधाइ लोपाङ खारावा कालाउ तुम्ता थेकावा। एसाङ जेनाको। आमेन।

प्रकास 11:12

कालाउ न्हुसो, उङको न्हेमि साक्सिगेलाइ स्वर्गसो हासुको बुङ बार्का गालाहोइ वाको दोफा काथा पाकाताङ पाका हिङघा। वा दोअ्हि, “इसो ह्रुता लोङ!” कालाउ इम्बालाइको गोताङ दुस्मनगेलाइ खाङकाताङ-खाङकाताङ, इम्बालाइ स्वर्ग ह्रुता हानिहि। इम्बालाइहेङ बादेल थुम्हि।

प्रकास 12:5

जेलाउ उङको बेबाल एमि जामालहेङ जोलोम पिहि, कालाउ वासेहेङ बारका आजिङगर माचाहि, हाइपालिपानु ओदोङ घुरि वासेहेङ घिङहि कालाउ परमेस्वर कालाउ वाको सिङहासनता चुमाहि। उङको वाजान गोताङ सुमिङको द्‍याङगेलाइ ह्रुता चिरको डान्ठाहोइ सासन पावा।